ବିର୍ସାମୁଣ୍ଡାରେ ଚମକିଲା ଭାରତ; ୨-୦ ଗୋଲ୍‌ରେ ସ୍ପେନକୁ ହରାଇଲା ଭାରତ

ବିର୍ସାମୁଣ୍ଡାରେ ଚମକିଲା ଭାରତ ।୨-୦ ଗୋଲ୍‌ରେ ସ୍ପେନକୁ ହରାଇ ମେନ୍‌ଇନ୍ ବ୍ଲୁର ବିଶ୍ବକପ୍‌ ଅଭିଯାନ ଆରମ୍ଭ ।

ପ୍ରଥମ ଗୋଲ୍‌ ଦେଇ ଓଡ଼ିଆ ପୁଅ ଅମିତ ରୋହିଦାସ ପ୍ଲେୟାର ଅଫ୍‌ ଦ ମ୍ୟାଚ । 

ହକିପ୍ରେମୀଙ୍କ ଉତ୍ସାହରେ କମ୍ପିଲା ଷ୍ଟାଡିଅମ୍ ।

ଖେଳ ଦେଖିଲେ ନବୀନଙ୍କ ସହ ସିକିମ ମୁଖ୍ୟମନ୍ତ୍ରୀ ।

ଇତିହାସ ରଚିଲେ ଓଡ଼ିଆ ପୁଅ ଅମିତ ରୋହିଦାସ । ଦଳ ପକ୍ଷରୁ ସ୍ପେନକୁ ଅମିତ ରୋହିଦାସ ଦେଇଥିଲେ ପ୍ରଥମ ଗୋଲ୍‌ ।

ଉପଅଧିନାୟକ ଅମିତ ରୋହିଦାସ ଖେଳର ୧୨ ମିନିଟରେ ଏକ ପେନାଲ୍ଟି ଗୋଲ୍‌ ଦେଇଥିଲେ । ପରେ ୨୬ ମିନିଟରେ ହାର୍ଦ୍ଦିକ ସିଂହ ଅନ୍ୟ ଏକ ଗୋଲ୍‌ ଦେଇ ଭାରତକୁ ୨ ଗୋଲରେ ଆଗୁଆ କରିଥିଲେ ।

ପ୍ରଥମ କ୍ୱାର୍ଟର ଆରମ୍ଭରୁ ଭାରତ ଧୀମା ଖେଳିଥିଲା । ଅଧା ସମୟ ବିତିବା ପର୍ଯ୍ୟନ୍ତ ଭାରତ କିମ୍ବା ସ୍ପେନ୍ କାହାକୁ ପେନାଲ୍‌ଟି କର୍ଣ୍ଣର ମିଳି ନଥିଲା । ପରେ ଭାରତକୁ ପେନାଲ୍‌ଟି କର୍ଣ୍ଣର ମିଳିଥିଲା।

ସ୍ପେନ୍ କାଉଣ୍ଟର ଆଟାକ୍ କରିଥିଲା। କିନ୍ତୁ ଭାରତକୁ ଚେକ୍ ଦେବାରେ ବିଫଳ ହୋଇଥିଲା ।