କ୍ରିଷ୍ଟିଆନୋ ରୋନାଲଡୋଙ୍କ ଗାର୍ଲଫ୍ରେଣ୍ଡ ଜର୍ଜିନା ରୋଡ୍ରିଗେଜ୍ ୨୭ ଜାନୁଆରୀ ୧୯୯୪ ରେ ଆର୍ଜେଣ୍ଟିନାର ରାଜଧାନୀ ବୁଏନୋସ୍ ଆଇରେସରେ ଜନ୍ମଗ୍ରହଣ କରିଥିଲେ। କ୍ରିଷ୍ଟିଆନୋ ରୋନାଲଡୋଙ୍କ ପରି ଜର୍ଜିନା ରୋଡ୍ରିଗେଜ୍ ମଧ୍ୟ ଏକ ଫିଟନେସ୍ ଫ୍ରିକ ଅଟନ୍ତି। ତାଙ୍କର ଅଧିକାଂଶ ସମୟ ଜିମରେ ବିତିଥାଏ, ଯାହାର ଫୋଟ ସେ ସୋସିଆଲ ମିଡିଆରେ ସେୟାର କରନ୍ତି। ଜର୍ଜିନା ରୋଡ୍ରିଗେଜ୍ ଜଣେ ତାଲିମପ୍ରାପ୍ତ ନୃତ୍ୟଶିଳ୍ପୀ, ସେ ଲଣ୍ଡନରୁ ଇଂରାଜୀ ଅଧ୍ୟୟନ କରିଥିଲେ, ତା’ପରେ ସେ ମଡେଲିଂ କ୍ୟାରିଅରକୁ ପ୍ରବେଶ କରିଥିଲେ। କ୍ରିଷ୍ଟିଆନୋ ରୋନାଲଡୋ ଓ ଜର୍ଜିନା ରୋଡ୍ରିଗେଜ୍ ପ୍ରଥମେ ଏକ ଗୁଚି ବ୍ରାଣ୍ଡ ଷ୍ଟୋର୍ରେ ସାକ୍ଷାତ ହୋଇଥିଲେ। ଯେଉଁଠାରେ ଜର୍ଜିନା ସେଲସ ଆସିଷ୍ଟାଣ୍ଟ ଭାବରେ କାର୍ଯ୍ୟ କରୁଥିଲେ। କ୍ରିଷ୍ଟିଆନୋ ରୋନାଲଡୋ ଓ ଜର୍ଜିନା ରୋଡ୍ରିଗେଜ୍ ପ୍ରାୟ ୫ ବର୍ଷ ପରସ୍ପର ସହିତ ଅଛନ୍ତି। ସେମାନେ ଜୁନ୍ ୨୦୧୬ରୁ ଡେଟିଂ ଆରମ୍ଭ କରିଥିଲେ। ଜର୍ଜିନା ରୋଡ୍ରିଗେଜ୍ ୧୨ ନଭେମ୍ବର ୨୦୧୭ରେ କ୍ରିଷ୍ଟିଆନୋ ରୋନାଲଡୋଙ୍କ ଝିଅ ଆଲାନା ମାର୍ଟିନାଙ୍କୁ ଜନ୍ମ ଦେଇଥିଲେ। ଅକ୍ଟୋବର ୨୦୨୧ରେ, ଦମ୍ପତି ଘୋଷଣା କରିଥିଲେ ଯେ ସେମାନେ ବର୍ତ୍ତମାନ ଯାଆଁଳା ଶିଶୁ ହେବାକୁ ଯାଉଛନ୍ତି।
