ଅନୁଷ୍କା ଶର୍ମା ଇଂଲଣ୍ଡରୁ ଫଟୋ ଶେୟାର୍ କଲେ; ବିରାଟ ପଚାରିଲେ, ‘କିଏ ଉଠେଇଛି ଏ ଫଟୋ?’

ବିରାଟ କୋହଲି (Virat Kohli) ଓ ଅନୁଷ୍କା ଶର୍ମା (Snushka Sharma) ସୋସିଆଲ୍‌ ମିଡି଼ଆରେ ଚର୍ଚ୍ଚାରେ ଅଛନ୍ତି । ଇଂଲଣ୍ଡ ବିପକ୍ଷରେ ଟେଷ୍ଟ ସିରିଜ୍ ଆରମ୍ଭ ହେବା ପୂର୍ବରୁ ବିରାଟ କୋହଲି ଓ ଅନୁଷ୍କା ଶର୍ମା ଇଂଲଣ୍ଡର ଡରହାମ୍‌ ଓ ନଟିଂହାମ୍ ବୁଲି ଦେଖୁଥିଲେ ଓ ସେଠାରୁ ନିଜ ଫଟୋ ବି ଶେୟାର୍‌ କରୁଥିଲେ । ଭାରତ ଓ ଇଂଲଣ୍ଡ ମଧ୍ୟରେ ପାଞ୍ଚ ମ୍ୟାଚ୍ ବିଶିଷ୍ଟ ଟେଷ୍ଟ ସିରିଜ୍ ଆରମ୍ଭ ହେବା ପୂର୍ବରୁ ଭାରତୀୟ ଦଳର ଅଧିନାୟକ ବିରାଟ କୋହଲି ନିଜ ପତ୍ନୀ ଓ ଝିଅ ଭାମିକା ସହ ସମୟ ବିତାଉଥିଲେ ।

ବିରାଟ ଓ ଅନୁଷ୍କାଙ୍କ ପ୍ରଶଂସକମାନେ ସେମାନଙ୍କର ଇଂଲଣ୍ଡରୁ ଶେୟାର ହୋଇଥିବା ଫଟୋଗୁଡ଼ିକୁ ଦେଖି ଖୁବ୍‌ ପ୍ରଭାବିତ ହୋଇଥିଲେ । ଅନୁଷ୍କା ଶର୍ମା ନିଜର କିଛି ଫଟୋ ତାଙ୍କ ଅଫିସିଆଲ୍‌ ଇନଷ୍ଟାଗ୍ରାମରେ ଶେୟାର୍‌ କରିଥିଲେ । ସେ ଏହି ଫଟୋଗୁଡ଼ିକର କ୍ରେଡିଟ୍‌ ନ ଦେଇ ଶେୟାର୍‌ କରିଥିଲେ । ଏହା ପରେ ବିରାଟ କୋହଲି ତାଙ୍କୁ ପଚାରିଥିଲେ, ‘‘ଏହି ଫଟୋଗୁଡ଼ିକ କିଏ ଉଠେଇଛି?’’

ବିରାଟ କୋହଲିଙ୍କ ଏହି ପ୍ରଶ୍ନର ଏକ ମଜାଦାର ଉତ୍ତର ଦେଇଥିଲେ ଅନୁଷ୍କା ଶର୍ମା । ବିରାଟଙ୍କ ପ୍ରଶ୍ନର ଉତ୍ତର ଦେଇ ସେ ଲେଖିଥିଲେ, ‘‘ଜଣେ ସତରେ ଭଲ ପ୍ରଶଂସକ ।’’ ବିରାଟ କୋହଲି ଓ ଅନୁଷ୍କା ଶର୍ମାଙ୍କ କମେଣ୍ଟଗୁଡ଼ିକୁ ପଢ଼ି ପ୍ରଶଂସକମାନେ ଖୁସି ହେଉଥିଲେ ।

ଟେନିସ୍ ସୁପରଷ୍ଟାର ସାନିଆ ମିର୍ଜା (Sania Mirza) ମଧ୍ୟ ଅନୁଷ୍କା ଶର୍ମାଙ୍କ ଏହି ଫଟୋ ଉପରେ ପ୍ରତିକ୍ରିୟା ପ୍ରକାଶ କରିଥିଲେ । ଅନୁଷ୍କା ଶର୍ମାଙ୍କ ଏହି ଫଟୋଗୁଡ଼ିକରେ ସାନିଆ ମିର୍ଜା ଦୁଇଟି ହୃଦୟ ଇମୋଜି ଦେଇଥିଲେ । ଏହା ବ୍ୟତୀତ ବିରାଟ ଓ ଅନୁଷ୍କାଙ୍କ ଏହି ଫ୍ଲର୍ଟିଂ ଉପରେ ପ୍ରଶଂସକମାନେ ଖୁବ୍‌ କମେଣ୍ଟସ୍‌ ଦେଇଥିଲେ ।

ପୂର୍ବରୁ ବିରାଟ କୋହଲି ନିଜ ଇନଷ୍ଟାଗ୍ରାମ ଆକାଉଣ୍ଟରୁ ଦୁଇଟି ଫଟୋ ଶେୟାର୍‌ କରିଥିଲେ । ତେବେ ସେ ଅନୁଷ୍କା ଶର୍ମାଙ୍କୁ ଏହି ଫଟୋଗୁଡ଼ିକର କ୍ରେଡିଟ୍‌ (ଶ୍ରେୟ) ଦେଇଥିଲେ । ଆଜିକାଲି ବିରାଟ କୋହଲି ଓ ଅନୁଷ୍କା ଶର୍ମା ଇଂଲଣ୍ଡରେ ଟିମ୍ ଇଣ୍ଡିଆର ଅନ୍ୟ ଖେଳାଳି ଓ ସେମାନଙ୍କ ପରିବାରଙ୍କ ସହ ସମୟ ଉପଭୋଗ କରୁଛନ୍ତି । (ସବୁ ଫଟୋ ସୌଜନ୍ୟ: ବିରାଟ-ଅନୁଷ୍କା / ଇନଷ୍ଟାଗ୍ରାମ)

ଅନୁଷ୍କା ଜାନୁଆରୀ ୨୦୨୧ରେ ନିଜ ପ୍ରଥମ ସନ୍ତାନ (ଝିଅ ବାମିକା) ଜନ୍ମ ଦେଇଥିଲେ ।

ବିରାଟ କୋହଲି ଅନ୍ତର୍ଜାତୀୟ ମହିଳା ଦିବସରେ ଅନୁଷ୍କା ଶର୍ମା ଓ ନିଜ ଝିଅ ବାମିକାଙ୍କ (Vamika) ଫଟୋ ଶେୟାର୍ କରି ଅନୁଷ୍କାଙ୍କୁ ଜଣେ ଶକ୍ତିଶାଳୀ ମହିଳା ବୋଲି ବର୍ଣ୍ଣନା କରିଥିଲେ ।

ବିରାଟ କୋହଲି ଓ ଅନୁଷ୍କା ଶର୍ମା ଜାନୁଆରୀ ୧୧, ୨୦୨୧ରେ ଏହି ଝିଅର ପିତାମାତା ହୋଇଥିଲେ । ସେ ଏହି ଦମ୍ପତିଙ୍କ ପ୍ରଥମ ସନ୍ତାନ । ବିରାଟ କୋହଲି ନିଜ ସୋସିଆଲ ମିଡି଼ଆ ଆକାଉଣ୍ଟରେ ଏହି ସୂଚନା ଦେଇଥିଲେ ।

ଅନୁଷ୍କା ଗର୍ଭବତୀ ଥିବା ବେଳେ ଲଗାତର ନିଜର ଫଟୋ ଶେୟାର୍‌ କରୁଥିଲେ ।