ରାତିରେ ୧୦ ପେଗ ମଦ ପିଇ, ସକାଳେ ଶତକ ମାରିଥିଲେ ଏହି କ୍ରିକେଟର
କ୍ରିକେଟ ଜଗତର ଅଲରାଉଣ୍ଡର ସଚିନ ତେନ୍ଦୁଲକଙ୍କ ଫ୍ୟାନ୍ସ ଦେଶଠୁ ନେଇ ବିଦେଶରେ ଅଛନ୍ତି। କ୍ରିକେଟ ଜଗତର ଭଗବାନଙ୍କ ଆଖ୍ୟା ପାଇଥିବା ସଚିନ ନିଜ କ୍ରିକେଟ କ୍ୟାରିୟରରେ ଅନେକ ରେକର୍ଡ କରିଛନ୍ତି। ହେଲେ ଆପଣ ଜଣିଛନ୍ତି କି ଟେଷ୍ଟ ସଂଖ୍ୟା ହାରାହାରି ଦୃଷ୍ଟିରୁ ସଚିନ ତେନ୍ଦୁଲକର ନିଜର ଭଲ ବନ୍ଧୁ ବିନୋଦ କାମ୍ବଲିଙ୍କ ପଛରେ ଅଛନ୍ତି ବୋଲି। ଯିଏ ଅନେକ ବିବାଦକୁ ନେଇ ଚର୍ଚ୍ଚାରେ ରହିସାରିଛନ୍ତି।
ପୂର୍ବତନ ଭାରତୀୟ କ୍ରିକେଟର ବିନୋଦ କାମ୍ବଲି ହୁଏତ କ୍ରିକେଟ୍ ଦୁନିଆରେ ଏକ ବଡ଼ ନାମ କରିପାରି ନଥିବେ, କିନ୍ତୁ ସେ ସବୁବେଳେ ଚର୍ଚ୍ଚାରେ ରୁହନ୍ତି। କେତେବେଳେ ସଚିନ ତେନ୍ଦୁଲକରଙ୍କ ଉପରେ ଅଭିଯୋଗ କରି ତ ଆଉ କେତେବେ ନବଜୋତ ସିଂ ସିଦ୍ଧୁଙ୍କୁ ଦୁର୍ବ୍ୟବହାର କରି। କେବେ ଚାକରାଣୀକୁ ମାଡ଼ମାରି ତ ଆଉ କେବେ ମଦ୍ୟପାନ କରି ଚର୍ଚ୍ଚାରେ ଆସିସାରିଛନ୍ତି। ବିନୋଦ କାମ୍ବଲି ଏସବୁ ଜିନିଷକୁ ନେଇ ବେଶ୍ ସମାଲୋଚନାର ଶିକାର ହୋଇସାରିଛନ୍ତି। ନିକଟରେ ତାଙ୍କ ଉପରେ ପତ୍ନୀ ଆଣ୍ଡ୍ରେୟା ହେଭିଟଙ୍କ ସହ ମାଡ଼ପିଟ କରିଥିବା ଅଭିଯୁକ୍ତ ଲାଗିଥିଲା। କାମ୍ବଲି ତାଙ୍କ ପତ୍ନୀଙ୍କୁ ଏକ ପ୍ୟାନରେ ମାଡ଼ ମାରିଥିବା କଥା ଚର୍ଚ୍ଚାର ବିଷୟ ପାଲିଟିଥିଲା।
ବିନୋଦ କାମ୍ବଲି ମିଡ ଡେକୁ ଦେଇଥିବା ଏକ ସାକ୍ଷାତକାରରେ କହିଥିଲେ ଯେ ସେ ଜଣେ ମଦୁଆ ନୁହେଁ, ସେ କେବଳ ମଦ ପିଅନ୍ତି। ଏହା ସହ ସେ ପ୍ରଶ୍ନ କରିଥିଲେ, ‘‘କିଏ ଅବା ମଦ ପିଅନ୍ତି ନାହିଁ।’’ ଏହାସହ ସେ ରାତିରେ ୧୦ ପେଗ ମଦ ପିଇବା ପରେ ସକାଳେ ସେ ଶତକ ସ୍କୋର କରିବାର କାହାଣୀ ମଧ୍ୟ ପ୍ରକାଶ କରିଥିଲେ। କାମ୍ବଲି କହିଥିଲେ ଯେ ରାତିରେ ୧୦ଟି ପେଗ ପିଇବା ପରେ ସେ ସକାଳେ ରଣଜୀ ଟ୍ରଫି ମ୍ୟାଚରେ ଏକ ଶତକ ହାସଲ କରିଥିଲେ। କାମ୍ବଲି କହିଥିଲେ, ‘‘ଆମ କୋଚ୍ ବଲୱିନ୍ଦର ସିଂ ସାନ୍ଧୁ ଚିନ୍ତିତ ଥିଲେ ଯେ ମୁଁ ଠିକ୍ ସମୟରେ ନିଦରୁ ଉଠିବି କି ନାହିଁ? ହେଲେ ମୁଁ ସକାଳୁ ଉଠି ଏକ ଶତକ ସ୍କୋର କରିଥିଲି।’’ (Vinod Kambli/Instagram)
ଏକଦା ସଚିନ ତେନ୍ଦୁଲକରଙ୍କ ବିରୋଧରେ କହିଥିବା ବିନୋଦ କାମ୍ବଲି ମଧ୍ୟ ଏହି ସାକ୍ଷାତକାରରେ ସଚିନ ତେନ୍ଦୁଲକରଙ୍କୁ ତୀବ୍ର ପ୍ରଶଂସା କରିଥିଲେ। ସେ କହିଥିଲେ ଯେ ସଚିନ ତେନ୍ଦୁଲକର ତାଙ୍କ ବନ୍ଧୁ ଭାବରେ ସର୍ବଦା ତାଙ୍କ ପାଖରେ ଛିଡ଼ା ହୋଇଛନ୍ତି। ବର୍ତ୍ତମାନ ସଚିନ ଏବଂ କାମ୍ବଲିଙ୍କ ମଧ୍ୟରେ ଭଲ ସମ୍ପର୍କ ଅଛି, କିନ୍ତୁ ଯେତେବେଳେ କାମ୍ବଲି ଏକ ଟିଭି ଶୋ’ରେ ସଚିନ ତେନ୍ଦୁଲକରଙ୍କ ଉପରେ ଅଭିଯୋଗ କରିଥିଲେ, ସେତେବେଳେ ସେମାନଙ୍କ ବନ୍ଧୁତା ମଧ୍ୟରେ କିଛି ବର୍ଷ ବିବାଦ ଦେଖାଦେଇଥିଲା।
ବିନୋଦ କାମ୍ବଲି ଟିଭି ଶୋ 'ସଚ୍ଚ କା ସମ୍ନା'ରେ କହିଥିଲେ ଯେ ସଚିନ ତେନ୍ଦୁଲକର ତାଙ୍କୁ ଖରାପ ପର୍ଯ୍ୟାୟରେ ଗତି କରୁଥିବା ସମୟରେ ତାଙ୍କୁ ସାହାଯ୍ୟ କରିନଥିଲେ। ସଚିନ ଏଥିରେ ରାଗିଯାଇଥିଲେ ଏବଂ ଉଭୟଙ୍କ ବନ୍ଧୁତା ଭାଙ୍ଗିଯାଇଥିଲା। ୮ ବର୍ଷ ପରେ ବିନୋଦ କାମ୍ବଲିଙ୍କ ଉପରେ ରାଗିଯିବା ପରେ ଦୁହିଁଙ୍କ ମଧ୍ୟରେ ବିବାଦ ଶେଷ ହୋଇଥିଲା ଏବଂ ଦୁହେଁ ପୁଣି ପୂର୍ବ ଭଳି ଭଲ ବନ୍ଧୁ ସାଜିଥିଲେ। ସଚିନ ବିନୋଦ କାମ୍ବଲିଙ୍କୁ ତାଙ୍କ ଏକାଡେମୀରେ ଅନ୍ତର୍ଭୁକ୍ତ କରିଥିଲେ।
ଟେଷ୍ଟ କ୍ରିକେଟରେ ହାରାହାରି ବିଷୟରେ କହିବାକୁ ଗଲେ ବିନୋଦ କାମ୍ବଲି ଏହି ପ୍ରସଙ୍ଗରେ ସମସ୍ତ ଭାରତୀୟ କ୍ରିକେଟରଙ୍କଠାରୁ ଆଗରେ ଅଛନ୍ତି। ୧୭ଟି ଟେଷ୍ଟ ମ୍ୟାଚ୍ ଖେଳିଥିବା କାମ୍ବଲିଙ୍କ ହାରାହାରି ରେଟିଂ ପଏଣ୍ଟ ୫୪.୨୦ ରହିଛି। ଏହି ତାଲିକାରେ କାମ୍ବଲିଙ୍କ ପଛରେ ସଚିନ ତେନ୍ଦୁଲକର ଅଛନ୍ତି। ୨୦୦ ଟେଷ୍ଟ ମ୍ୟାଚରେ ସଚିନଙ୍କ ହାରାହାରି ପଏଣ୍ଟ ହେଉଛି ୫୩.୭୮। ତିନି ନମ୍ବରରେ ରାହୁଲ ଦ୍ରାବିଡ ୧୬୪ଟି ମ୍ୟାଚରେ ହାରାହାରି ପଏଣ୍ଟ ୫୨.୩୧ ରହିଛନ୍ତି। ଏହା ପରେ ସୁନୀଲ ଗାଭାସ୍କର, ବିରେନ୍ଦର ସେହୱାଗ ଏବଂ ପରେ ବିରାଟ କୋହଲିଙ୍କ ସଂଖ୍ୟା ଆସିଛି।
