ଗୋଲ୍ଡେନ ବୟ ନୀରଜ ଚୋପ୍ରାଙ୍କୁ ଭେଟିଲେ ସୁଟର ଅଭିନବ ବିନ୍ଦ୍ରା; ଉପହାରରେ ଦେଲେ କୁକୁର ଛୁଆ

ଗୋଟିଏ ଛାତ ତଳେ ଏକାଠି ନଜର ଆସିଲେ ଦୁଇ ଅଲିମ୍ପିକ୍ସ ଖେଳାଳି । ଆଜ୍ଞା ହଁ, ଅଲିମ୍ପିକ୍ସ ସ୍ବର୍ଣ୍ଣ ପଦକ ବିଜେତା ନୀରଜ ଚୋପ୍ରାଙ୍କୁ ଭେଟିଲେ କିମ୍ବଦନ୍ତୀ ସୁଟର ଅଭିନବ ବିନ୍ଦ୍ରା । ଏହି ମିଟିଂର ଫଟୋ ସୋସିଆଲ ମିଡ଼ିଆରେ ଶେୟାର କରିଛନ୍ତି ଅଭିନବ। (ଫଟୋ ସୌଜନ୍ୟ-ଟ୍ବିଟର@ଅଭିନବବିନ୍ଦ୍ରା)

୨୩ ବର୍ଷୀୟ ଭାରତୀୟ ଜାଭେଲିନ୍ ଥ୍ରୋର ନୀରଜ ଚୋପ୍ରା ମଧ୍ୟ ତାଙ୍କ ଅଫିସିଆଲ୍ ଟ୍ୱିଟର ହ୍ୟାଣ୍ଡେଲରେ ଏହି ସାକ୍ଷାତର କିଛି ଫଟୋ ଶେୟାର କରିଛନ୍ତି । ନୀରଜ, ଅଭିନବଙ୍କ ପୁରା ପରିବାର ସହିତ ନିଜର ଏକ ଫଟୋ ପୋଷ୍ଟ କରିଛନ୍ତି । ନୀରଜ ତାଙ୍କ କ୍ୟାପସନରେ କହିଛନ୍ତି ଯେ ଏହି ଅଭିନବ ତାଙ୍କୁ ଉପହାର ଦେଇଥିବା କୁକୁରର ନାମ ଟୋକିଓ ରଖିଛନ୍ତି ବୋଲି । (ଫଟୋ ସୌଜନ୍ୟ-ଟ୍ବିଟର@ନୀରଜଚୋପ୍ରା)

ନୀରଜ ଚୋପ୍ରା ଏହି ସୁନ୍ଦର କୁକୁର ଛୁଆକୁ ନିଜ କୋଳରେ ଉଠାଇ ପ୍ୟାମ୍ପରିଂ ଦେଖାଉଥିବାବେଳେ ଏକ ଫଟୋ ଶେୟାର କରିଛନ୍ତି । ଏହି ସୁନ୍ଦର କୁକୁର ସହିତ ପୋଷ୍ଟ ହୋଇଥିବା ନୀରଜଙ୍କ ଫଟୋ ପ୍ରଶଂସକମାନେ ପସନ୍ଦ କରୁଛନ୍ତି ଓ ଅନେକ ଫ୍ୟାନ୍ସ ଏହା ଉପରେ କଡ଼ା ମନ୍ତବ୍ୟ ମଧ୍ୟ ଦେଉଛନ୍ତି । (ଫଟୋ ସୌଜନ୍ୟ-ଟ୍ବିଟର@ନୀରଜଚୋପ୍ରା)

ଟୋକିଓ ଅଲିମ୍ପିକ୍ସ ୨୦୨୦ରେ ଜାଭେଲିନ୍ ଥ୍ରୋ ଫାଇନାଲରେ ନୀରଜ ୮୭.୫୮ ଜାଭେଲିନ୍ ପକାଇ ସ୍ୱର୍ଣ୍ଣ ପଦକ ଜିତିଥିଲେ । ଭାରତ ଆସିବା ପରେ ତାଙ୍କୁ ଗ୍ରାଣ୍ଡ ସ୍ୱାଗତ କରାଯାଇଥିଲା । ଏହା ସହିତ, ଏହି ଆଥଲେଟ୍ ମଧ୍ୟ ତାଙ୍କ ଘରେ ପରିବାର ସହିତ ଏନଜୟ କରୁଥିବାର ଅନେକ ଥର ନଜର ଆସିସାରିଛନ୍ତି । (ଫଟୋ ସୌଜନ୍ୟ-ଟ୍ବିଟର@ନୀରଜଚୋପ୍ରା)

ଟୋକିଓ ଅଲିମ୍ପିକ୍ସରେ ସ୍ୱର୍ଣ୍ଣ ପଦକ ଜିତିବା ପରେ ନୀରଜ ଚୋପ୍ରା ବର୍ତ୍ତମାନ ଅଲିମ୍ପିକ୍ ରେକର୍ଡ ଭାଙ୍ଗିବାକୁ ନଜର ରଖିଛନ୍ତି । ନୀରଜଙ୍କ ବ୍ୟକ୍ତିଗତ ଶ୍ରେଷ୍ଠ ହେଉଛି ୮୮.୦୭ ମିଟର, ସେ ଟୋକିଓ ଗେମ୍ସରେ ୮୭.୫୮ ମିଟର ପ୍ରୟାସରେ ସ୍ୱର୍ଣ୍ଣ ପଦକ ଜିତିଛନ୍ତି । (ଫଟୋ ସୌଜନ୍ୟ-ଟ୍ବିଟର@ନୀରଜଚୋପ୍ରା)

ଅଲିମ୍ପିକ୍ ରେକର୍ଡକୁ ବର୍ତ୍ତମାନ ଆଣ୍ଡ୍ରିଆସ୍ ଥର୍କିଲଡସେନଙ୍କ ନାମରେ ଅଛି, ଯିଏ ୨୦୦୮ରେ ୯୦.୫୭ ମିଟର ପ୍ରୟାସରେ ବେଜିଂରେ ସ୍ୱର୍ଣ୍ଣ ପଦକ ଜିତିଥିଲେ । ଅନ୍ୟ ଏକ ସଫଳତା ହାସଲ କରିବା ଭଲ ହେବ ବୋଲି ନୀରଜ କହିଛନ୍ତି । (ଫଟୋ ସୌଜନ୍ୟ-ଟ୍ବିଟର@ନୀରଜଚୋପ୍ରା)

ନୀରଜ ଚୋପ୍ରା କହିଛନ୍ତି, ‘‘ଜାତୀୟ ରେକର୍ଡ ମୋ ନାମରେ ୮୮.୦୭ ମିଟର ଥିବାବେଳେ ଅଲିମ୍ପିକ୍ ରେକର୍ଡ ୯୦.୫୭ ମିଟର ରହିଛି । ଯଦି ମୁଁ ଏକ ପାଦ ଆଗକୁ ଯାଇ ପାରିଥା’ନ୍ତି, ତେବେ ଏହା ବ୍ୟକ୍ତିଗତ ଶ୍ରେଷ୍ଠ ପ୍ରଦର୍ଶନ ଓ ଅଲିମ୍ପିକ୍ ରେକର୍ଡ ସହିତ ସ୍ୱର୍ଣ୍ଣ ପଦକ ହୋଇଥାନ୍ତା ।’’ (ଫଟୋ ସୌଜନ୍ୟ-ଟ୍ବିଟର@ନୀରଜଚୋପ୍ରା)

ଭାରତ ଆସିବା ପରେ ନୀରଜ ଚୋପ୍ରା ପ୍ରଧାନ ମନ୍ତ୍ରୀ ନରେନ୍ଦ୍ର ମୋଦି, କ୍ରୀଡ଼ା ମନ୍ତ୍ରୀ ଅନୁରାଗ ଠାକୁର, ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ, ରାଷ୍ଟ୍ରପତି ରାମ ନାଥ କୋବିନ୍ଦ ଓ ଅନେକ କ୍ରୀଡା, ରାଜନୀତି ଓ ବଲିଉଡ ସେଲିବ୍ରିଟିଙ୍କୁ ଭେଟିଥିଲେ । (ଫଟୋ ସୌଜନ୍ୟ-ଟ୍ବିଟର@ନୀରଜଚୋପ୍ରା)