କମାଲ୍ ବ୍ୟାଟିଂ କରି ସଭିଙ୍କ ମନ କିଣୁଛନ୍ତି ୮ବର୍ଷର ବାଳକ: ଦେଖନ୍ତୁ ଝଲକ୍

ଛୋଟା ପ୍ୟାକେଟ୍ ବଡ଼ା ଧମାକା । ବୟସ ସିନା କମ୍ କିନ୍ତୁ ଚମତ୍କାର ବ୍ୟାଟିଂ କରି ଚର୍ଚ୍ଚା ପରିସରକୁ ଆସିଛନ୍ତି କୋଲକାତାର ୮ ବର୍ଷର ବାଳକ ଅଙ୍କନ ।

ଏକତାରପୁରରେ ରହୁଥିବା ଅଙ୍କନ ନିଜର କ୍ରିକେଟ ଖେଳ ଦ୍ୱାରା ସଭିଙ୍କ ମନକୁ ଜିଣିପାରିଛନ୍ତି । ସ୍ଥାନୀୟ ଅଞ୍ଚଳରେ ଅଙ୍କନଙ୍କୁ ବିରାଟ କୋହଲିଙ୍କ ନାମରେ ମଧ୍ୟ ଡାକନ୍ତି । କାରଣ ଠିକ୍ ବିରାଟଙ୍କ ଶୈଳୀରେ ବ୍ୟାଟିଂ କରନ୍ତି ଅଙ୍କନ ।

ବଲ୍ ଯେଉଁ ଦିଗରୁ ଆସିଲେ ବି ଖୁବ କୌଶଳର ସହ ସେ ବ୍ୟାଟିଂ କରି ଛକା, ଚୌକା ମାରିପାରନ୍ତି ଅଙ୍କନ । ମାତ୍ର ଅଢେଇ ବର୍ଷ ବୟସରୁ କ୍ରିକେଟ୍ ପ୍ରତି ଆଗ୍ରହ ପ୍ରକାଶ କରିଥିଲେ କୁନି ବ୍ୟାଟ୍ସମ୍ୟାନ୍ ଅଙ୍କନ ।

ନିକଟସ୍ଥ କ୍ରିକେଟ୍ ଖେଳାଳିମାନେ ଅଙ୍କନଙ୍କ ବ୍ୟାଟିଂ ଷ୍ଟାଇଲ୍ ଦ୍ୱାରା ଖୁବ୍ ପ୍ରଭାବିତ ହୋଇଥିବା ଜଣାପଡିଛି । ଅଙ୍କନଙ୍କ ସହ ଖେଳିବାରେ ଏକ ଭିନ୍ନ ମଜା ଥାଏ ବୋଲି ସେମାନେ କହିଛନ୍ତି ।

ଅଙ୍କନଙ୍କ ପରିବାର ସଦସ୍ୟ କହିଛନ୍ତି ଯେ, ସେ ଖୁବ୍ ଛୋଟ ବୟସ ସମୟରୁ କ୍ରିକେଟ ପ୍ରତି ରୁଚି ରଖିଥିଲେ ଅଙ୍କନ । ବ୍ୟାଟ୍ ବଲ୍ ପ୍ରତି ତାଙ୍କର ଖୁବ୍ ଦୁର୍ବଳତା ରହିଛି । ଟିଭିରେ ବିରାଟଙ୍କ ଖେଳ ଦେଖିବା ପରେ ବିରାଟଙ୍କ ଶୈଳୀରେ ବ୍ୟାଟିଂ କରିବାକୁ ଚେଷ୍ଟା କରିଥିଲେ ଅଙ୍କନ ।

କ୍ରିକେଟ୍ ପ୍ରତି ଦୁର୍ବଳତା ଥିବା ଜାଣିବା ପରେ ଅଙ୍କନଙ୍କୁ ତାଙ୍କ ବାପା, ମାଆ ଏକ କୋଟିଂ ସେଣ୍ଟରକୁ ପଠାଉଛନ୍ତି । ଅଙ୍କନଙ୍କ ଶିଖିବା ଇଚ୍ଛା ଏବଂ ପ୍ରଦର୍ଶନ ଦେଖି କୋଟିଂ ସେଣ୍ଟରର ଟ୍ରେନର୍ ମଧ୍ୟ ଖୁବ୍ ଖୁସି ପ୍ରକାଶ କରି କହିଛନ୍ତି ଅଙ୍କନଙ୍କ କ୍ରିକେଟ୍ ପ୍ରେମ ଦେଖି ମତେ ଖୁବ୍ ଆଶ୍ଚର୍ଯ୍ୟ ଲାଗୁଛି । ଏଥିସହ ମୁଁ ତାଙ୍କୁ ଭବିଷ୍ୟତରେ ଟିମ୍ ଇଣ୍ଡିଆର ପ୍ଲେୟର ଭାବରେ ଦେଖିବାକୁ ଚାହୁଁଛି । ଆପଣଙ୍କୁ କହି ରଖିବାକୁ ଚାହୁଁ ଯେ, ଅଙ୍କନଙ୍କ ବାପା କଳାଚାନ୍ଦଙ୍କର ପାଖ ବଜାରରେ ଏକ ଛୋଟ କପଡା ଦୋକାନ ରହିଛି । ଏଥିସହ ଅଙ୍କନଙ୍କ ମାଆ ରୁମ୍ପା କ୍ୱିଲା ଜଣେ ହାଉସୱାଇଫ୍ ।ଅଙ୍କନଙ୍କର ସ୍ୱପ୍ନ ରହିଛି ଯେ, ସେ ଦିନେ ବଡ଼ ହୋଇ ବିରାଟ କୋହଲିଙ୍କ ପରି ହେବେ । ଏଥିସହ ନିଜ ବ୍ୟାଟିଂ ଷ୍ଟାଇଲରେ ସମସ୍ତଙ୍କ ହୃଦୟକୁ ଛୁଇଁବେ ।