ଓଲିଉଡ୍‌ର ଷ୍ଟାର୍ ଦମ୍ପତି ବର୍ଷା ଓ ଅନୁଭବ ମହିଳା କମିଶନଙ୍କ ନିକଟରେ ହାଜର ହେଲେ

ବର୍ଷା ପ୍ରିୟଦର୍ଶିନୀ (Varsha Priyadarshini) ଓ ଅନୁଭବ ମହାନ୍ତି ନିଜ ବୈବାହିକ ବିବାଦ ମାମଲାରେ ଶୁଣାଣି ପାଇଁ ମଙ୍ଗଳବାର ଦିନ ମହିଳା କମିଶନଙ୍କ ନିକଟରେ ଉପସ୍ଥିତ ହୋଇଥିଲେ ।

ବର୍ଷା ଖୁବ୍ ଶାନ୍ତ ଭାବରେ ମହିଳା କମିଶନ୍ କାର୍ଯ୍ୟାଳୟ ଭିତରେ ପ୍ରବେଶ କରିଥିଲେ ।

ଅନୁଭବଙ୍କ ବିରୋଧରେ ବେଶ୍ କିଛି ଅଭିଯୋଗ ଦାଖଲ କରିଥିବା ବର୍ଷା ସାମ୍ବାଦିକମାନଙ୍କ ପ୍ରଶ୍ନର ଉତ୍ତର ଦେଇ ନ ଥିଲେ ।

ଅନୁଭବ ପୂର୍ବରୁ ନୋଟିସ୍ ପାଇ ମଧ୍ୟ ମହିଳା କମିଶନଙ୍କ ପାଖକୁ ଆସି ନ ଥିଲେ ।

ଅନୁଭବଙ୍କ ସହ ତାଙ୍କ ବାପାମାଆଙ୍କୁ କମିଶନରେ ହାଜର ହେବା ପାଇଁ ନୋଟିସ୍ ଜାରି ହୋଇଥିଲା ।

ଅନୁଭବ ହସ ହସ ମୁହଁରେ ମହିଳା କମିଶନଙ୍କ କାର୍ଯ୍ୟାଳୟ ଭିତରେ ପ୍ରବେଶ କରିଥିଲେ ।

ଅନୁଭବ ବି ସାମ୍ବାଦିକମାନଙ୍କ ପ୍ରଶ୍ନର ଉତ୍ତର ଦେଇ ନ ଥିଲେ ।

ମହିଳା କମିଶନଙ୍କ ସମକ୍ଷରେ ଉଭୟ ଅନୁଭବ ଓ ବର୍ଷା ସାମନା ସାମନି ବସିଥିବା ଜଣାପଡ଼ିଛି ।

ଉଭୟ ପତିପତ୍ନୀ ମହିଳା କମିଶନଙ୍କ ପ୍ରଶ୍ନର ଉତ୍ତର ଯଥାସାଧ୍ୟ ଦେଇଥିଲେ ବୋଲି କହିଛନ୍ତି ଅନୁଭବଙ୍କ ଜଣେ ସହଯୋଗୀ ।

ଏହି ମାସ ସୋସିଆଲ ମିଡ଼ିଆରେ ଭାରରାଲ ହୋଇଥିବା ଏକ ଭିଡିଓକୁ ନେଇ କଟକ ପୁରିଘାଟ ଥାନାରେ ଏକ ଏତାଲା ଦେଇଥିଲେ ବର୍ଷା ପ୍ରିୟଦର୍ଶନୀ ।

ଅନୁଭବଙ୍କ ବିରେଧରେ ବର୍ଷା କରିଥିବା ଏହି ତାଜା ଅଭିଯୋଗକୁ ନେଇ ପୋଲିସ ଅନୁଭବଙ୍କ ଘରେ ପହଞ୍ଚିଥିଲା ।

ସେହି ଭିଡିଓରେ ବର୍ଷା ଓ ଅନୁଭବଙ୍କ ଭିତରେ ଯୁକ୍ତିତର୍କ ଓ ଆକ୍ଷେପ-ପ୍ରତିଆକ୍ଷେପ ହେଉଥିବା ଦେଖିବାକୁ ମିଳିଥିଲା (Varsha Anubhav viral video) ।

‘‘ଲକ୍ଷେ ବର୍ଷା ଆସିଲେ ବି ମୋତେ ହରେଇ ପାରିବେନି’’ବୋଲି ଏହି ଭିଡିଓରେ କହୁଥିଲେ ଅଭିନେତା ତଥା କେନ୍ଦ୍ରାପଡ଼ା ଏମ୍‌.ପି. ଅନୁଭବ ମହାନ୍ତି ।

ସାଂସଦ ଅନୁଭବଙ୍କ ନାଁରେ ତାଙ୍କ ପତ୍ନୀ ବର୍ଷା ପ୍ରିୟଦର୍ଶନୀ ସାଙ୍ଘାତିକ ଅଭିଯୋଗ ଆଣି କହିଥିଲେ ଯେ ଅନୁଭବ ରାତିରେ ଘରେ ତାଲା ପକାଇ ଦେଇଥିବାରୁ ତାଙ୍କୁ ଘଣ୍ଟାଏ କାଳ ବାହାରେ କାକରରେ ଛିଡ଼ା ହେବାକୁ ପଡ଼ିଥିଲା ।