ଆଜି ଶ୍ରାବଣ ପ୍ରଦୋଷ ବ୍ରତ; ଏହା ଶିବଙ୍କ ପୂଜାର ଦିନ; ଜାଣନ୍ତୁ ଶୁଭ ସମୟ, ପୂଜା ସାମଗ୍ରୀ ଓ ପୂଜା ବିଧି

ପ୍ରଦୋଷ ବ୍ରତ ପ୍ରତି ମାସରେ ପଡ଼େ । ହିନ୍ଦୁ ଧର୍ମରେ ପ୍ରଦୋଷ ବ୍ରତ ଏକ ଅତ୍ୟନ୍ତ ଗୁରୁତ୍ୱପୂର୍ଣ୍ଣ ଦିନ । ପ୍ରଦୋଷ ବ୍ରତ ଭୋଳାଶଙ୍କର ଭଗବାନ ଶିବଙ୍କୁ (God Shiva) ଉତ୍ସର୍ଗୀକୃତ। ଏ ମାସପ୍ରଦୋଷ ବ୍ରତ ଅଗଷ୍ଟ ୫ ତାରିଖ ଗୁରୁବାର ଦିନ ପଡୁଛି । ଗୁରୁବାର ଦିନ ପଡ଼ୁଥିବାରୁ ଏହାକୁ ଗୁରୁ ପ୍ରଦୋଷ ବ୍ରତ କୁହାଯାଏ ।

ଦିନ (ବା ବାର) ଅନୁଯାୟୀ ପ୍ରଦୋଷ ବ୍ରତର ମହତ୍ୱ ବଦଳିଥାଏ । ହିନ୍ଦୁ ପଞ୍ଚାଙ୍ଗ ଅନୁସାରେ ପ୍ରତି ମାସର ତ୍ରୟୋଦଶୀ ତିଥିରେ ପ୍ରଦୋଷ ବ୍ରତ ରଖାଯାଏ । ପ୍ରଦୋଷ ବ୍ରତ ସମୟରେ ଭଗବାନ ଶିବ ଓ ଦେବୀ ପାର୍ବତୀଙ୍କୁ ପୂଜା କରାଯାଏ ।

ପୌରାଣିକ ବିଶ୍ୱାସ ଅନୁସାରେ ଗୁରୁ ପ୍ରଦୋଷ ବ୍ରତ ପାଳନ କଲେ ନିଜ ପିଲାମାନଙ୍କର ବୁଦ୍ଧି ତୀକ୍ଷ୍ଣ ହୁଏ, ପିଲାମାନେ ସୁସ୍ଥ ରୁହନ୍ତି ଓ ସେମାନଙ୍କ ଜୀବନ ଖୁସିରେ ରହିଥାଏ ।

ଏହା ବି କୁହାଯାଏ ଯେ ଏହି ଦିନ ଭଗବାନ ଶିବଙ୍କୁ ପୂଜା କଲେ ସବୁ ପାପରୁ ମୁକ୍ତି ମିଳିଥାଏ । ଆସନ୍ତୁ ଜାଣିବା ପ୍ରଦୋଷ ବ୍ରତରେ ବ୍ୟବହୃତ ପୂଜା ସାମଗ୍ରୀ ଓ ପ୍ରଦୋଷ ବ୍ରତର ଶୁଭ ସମୟ ।

ଏହି ପ୍ରଦୋଷ ବ୍ରତର (Pradosh Brata) ଶୁଭ ମୁହୂର୍ତ୍ତ ଅଗଷ୍ଟ ୫ ତାରିଖ ଗୁରୁବାର ସନ୍ଧ୍ୟା ୫ଟା ୯ରୁ ଆରମ୍ଭ ହୋଇ ତ୍ରୟୋଦଶୀ ତିଥି ଶେଷ ହେବା ପର୍ଯ୍ୟନ୍ତ ଅର୍ଥାତ୍ ଅଗଷ୍ଟ ୬ ତାରିଖ ଶୁକ୍ରବାର ସନ୍ଧ୍ୟା ୬ଟା ୨୮ ପର୍ଯ୍ୟନ୍ତ ରହିବ।

ପ୍ରଦୋଷ ବ୍ରତର (Pradosh Brata) ପୂଜା ଯଦି ପ୍ରଦୋଷ ସମୟରେ କରାଯାଏ ତାହେଲେ ବିଶେଷ ଶୁଭ ଫଳ ମିଳିଥାଏ । ପ୍ରଦୋଷ ବ୍ରତର ପୂଜା ସାମଗ୍ରୀରେ ଅବିର, ଗୁଲାଲ୍‌, ଚନ୍ଦନ, ଅକ୍ଷତ, ଫୁଲ, ଧତୁରା, ବିଲ୍ୱ ପତ୍ର, ପଇତା, ଦୀପ, କର୍ପୁର, ଅଗରବତୀ ଓ ଫଳ ଅନ୍ତର୍ଭୁକ୍ତ ହେବା ଉଚିତ । (Disclaimer: ଏହି ଆର୍ଟିକିଲରେ ଦିଆଯାଇଥିବା ସୂଚନା ସାଧାରଣ ସୂଚନା ଉପରେ ଆଧାରିତ । ନ୍ୟୁଜ୍‌୧୮ ଓଡ଼ିଆ ଡିଜିଟାଲ୍‌ ଏଗୁଡି଼କ ନିଶ୍ଚିତ କରେ ନାହିଁ । ଏହା କାର୍ଯ୍ୟକାରୀ କରିବା ପୂର୍ବରୁ ସମ୍ପୃକ୍ତ ବିଶେଷଜ୍ଞଙ୍କ ସହ ଯୋଗାଯୋଗ କରନ୍ତୁ ।)