News18 Big Breaking: ରାତି ୧୦ରେ ଲିଙ୍ଗରାଜ ମନ୍ଦିରରେ ଉଠିବ ମହାଦୀପ, ମହିଳା ଟି-୨୦, ଇଂଲଣ୍ଡ-ଭାରତ ମ୍ୟାଚ୍‌ ଜାରି

ମହାଶିବରାତ୍ରୀ ପାଇଁ ଚଳଚଞ୍ଚଳ ରାଜ୍ୟର ପ୍ରତିଟି ଶୈବପୀଠ । ଲିଙ୍ଗରାଜ ମନ୍ଦିରରେ ହଜାର ହଜାର ଭକ୍ତ ଜାଳୁଛନ୍ତି ଦୀପାଳି, ରାତି ୧୦ଟାରେ ମହାଦୀପ ଉଠିବା କାର୍ଯ୍ୟକ୍ରମ । ଶୈବପୀଠ ଧବଳେଶ୍ୱର, ଆରଡି ଓ କପିଳାସରେ ପ୍ରବଳ ଉଲ୍ଲାସ । କୋଏମ୍ବାଟୁର ଈଶା ଫାଉଣ୍ଡେସନ ଜାଗର ଯାତ୍ରାରେ ସାମିଲ ହେଲେ ରାଷ୍ଟ୍ରପତି ।

ସ୍ୱତନ୍ତ୍ର ରାଜ୍ୟ ପାହ୍ୟା ପ୍ରସଙ୍ଗରେ ସରୁନି ରାଜନୀତି । ଅର୍ଥମନ୍ତ୍ରୀ ନିର୍ମଳା ସୀତାରମଣ ମନା କରିବା ପରେ ବିଜେଡି ଖପ୍ପା । କେନ୍ଦ୍ରର ବୈମାତୃକ ମନୋଭାବ ବିରୋଧରେ ଜାରି ରଖିବ ପ୍ରତିବାଦ । କଂଗ୍ରେସ କହିଲା- ଦିଲ୍ଲୀ ଯାଇ ମୋଦିଙ୍କୁ ଭେଟନ୍ତୁ ଶାସକ ଦଳ ନେତା ।

କାଲି ବରଗଡ଼ ଜିଲ୍ଲା ପଦ୍ମପୁର ଯିବେ ମୁଖ୍ୟମନ୍ତ୍ରୀ । ପ୍ରଥମେ ଝାରବନ୍ଧରେ ଦଳୀୟ ସଭାରେ ଉଦବୋଧନ ଦେବାର କାର୍ଯ୍ୟକ୍ରମ। ପରେ ପାଇକମାଳ ଓ ପଦ୍ମପୁରରେ ଜନସଭାରେ ଯୋଗ ଦେବେ । ମୁଖ୍ୟମନ୍ତ୍ରୀଙ୍କ ଗସ୍ତକୁ ନେଇ ଦଳୀୟ ନେତା ଉତ୍ସାହିତ । ନିର୍ବାଚନୀ ପ୍ରତିଶ୍ରୁତି ପୂରଣ କରିବା ନେଇ ପଦ୍ମପୁରବାସୀ ଆଶାବାଦୀ ।

ବଲାଙ୍ଗିର କନ୍ୟା ଫେରାର ଘଟଣାରେ ନୂଆ ମୋଡ଼ । ବରପକ୍ଷ ଆଣିଲେ ବଡ଼ ଅଭିଯୋଗ । ବିବାହ ସମୟରେ କନ୍ୟା ପିନ୍ଧିଥିଲେ ଦୁଇଟି ମଙ୍ଗଳସୂତ୍ର । ସବୁ ଜାଣିଥିଲେ ଝିଅଘର ଲୋକେ । ଟାଉନ ଥାନାରେ ଏତଲା ଦିଆଯାଇଛି । ସାମ୍ନାକୁ ଆସିଲା ଫେରାର ଯୁବକ ସହ ଯୁଗଳବନ୍ଦୀ ଫଟୋ ।

ଭାରତ ଅଷ୍ଟ୍ରେଲିଆ ଦ୍ବିତୀୟ ଟେଷ୍ଟରେ କଡ଼ା ଟକ୍କର । ନାଥାନ ଲାୟନ ସ୍ପିନ ଆଗରେ ଫେଲ୍‌ ମାରିଲା ଭାରତୀୟ ଟପ୍‌ ଅର୍ଡର । ଅଷ୍ଟ୍ରେଲିଆ ପ୍ରଥମ ଇନିଂସରେ ୨୬୩ ରନ୍‌ କରିଥିବା ବେଳେ ଭାରତ ୨୬୨ରେ ଅଲଆଉଟ ହୋଇଛି । ଦଳ ପକ୍ଷରୁ ଅକ୍ଷର ପଟେଲ ସର୍ବାଧିକ ୭୪ ରନ୍‌ କରିଥିବା ବେଳେ ବିରାଟ କୋହଲି ୪୪, ରୋହିତ ଶର୍ମା ୩୨ ରନ୍‌ କରିଥିଲେ ।

ମହିଳା ଟି-୨୦ ବିଶ୍ବକପ: ଇଂଲଣ୍ଡ-ଭାରତ ନିର୍ଣ୍ଣାୟକ ମ୍ୟାଚ୍‌ ଜାରି । ଜିତିଲେ ସିଧାସଳଖ ସେମିଫାଇନାଲକୁ ଯିବ ଭାରତ ।

ଦକ୍ଷିଣ ଆଫ୍ରିକାରୁ ଭାରତକୁ ଆସିଲେ ଆଉ ୧୨ ଚିତାବାଘ । ମଧ୍ୟପ୍ରଦେଶର କୁନୋ ଜାତୀୟ ଉଦ୍ୟାନରେ ରହିବେ ଚିତା

ତୁର୍କୀ ଭୂମିକମ୍ପ ମୃତ୍ୟୁସଂଖ୍ୟା ୪୦ ହଜାର ଟପିଲା । ଧ୍ବଂସାବଶେଷ ତଳୁ ଉଦ୍ଧାର ହେଲା ଘାନା ଖେଳାଳିଙ୍କ ଶରୀର । ଫୁଟ୍‌ବଲ ଖେଳାଳି ଖ୍ରୀଷ୍ଟିଆନ ଆତ୍‌ସୁଙ୍କ ଶରୀର ଉଦ୍ଧାର