TMCର ଗର୍ଭବତୀ MP ନୁସରତ୍ ଜହାଁ କହିଲେ ସ୍ୱାମୀ ନିଖିଲ୍ ଜୈନଙ୍କ ସହ ତାହା ତାଙ୍କର ‘‘ବିବାହ ନ ଥିଲା’’

ନୁସରତ୍ ଜହାଁ (Nusrat Jahan) ୨୦୧୯ ଜୁନ୍‌ ମାସରେ ନିଜ ପ୍ରେମିକ ନିଖିଲ ଜୈନଙ୍କୁ (Nikhil Jain) ବିବାହ କରିଥିଲେ । (ବାମ ପଟ ଫଟୋରେ ନୁସରତ୍‌ ଓ ନିଖିଲ୍‌)

୨୦୧୯ ମସିହାରେ ତୃଣମୂଳ କଂଗ୍ରେସର (Trinamool Congress) ସାଂସଦ ନୁସରତ୍ ଜହାଁ (Nusrat Jahan) ବ୍ୟବସାୟୀ ନିଖିଲ ଜୈନଙ୍କ ପ୍ରେମରେ ପାଗଳ ଥିଲେ । ଏବେ କିନ୍ତୁ ଲାଗୁଛି ସେ ସମୟ କୁଆଡ଼େ ଉଭେଇ ଯାଇଛି । (ଫଟୋ: nusratchirps/Instagram)

୨୦୧୯ ସାଧାରଣ ନିର୍ବାଚନରେ ଜିତିବା ପରେ ବଙ୍ଗଳୀ ସିନେମା ଅଭିନେତ୍ରୀ ନୁସରତ୍ ଜହାଁ (Nusrat Jahan) ବ୍ୟବସାୟୀ ନିଖିଲ ଜୈନଙ୍କୁ (Nikhil Jain) ବିବାହ କରିଥିଲେ । ସଂସଦରେ ଶପଥ ଗ୍ରହଣ ସମାରୋହରେ ଉପସ୍ଥିତ ନ ରହି ସେ ନିଖିଲଙ୍କୁ ବାହା ହେବାକୁ ତୁର୍କୀ (Turkey) ଚାଲିଯାଇଥିଲେ । ଏବେ କିନ୍ତୁ ନୁସରତ୍‌ କହୁଛନ୍ତି ଯେ ତାଙ୍କର ସେଇଟା ବାହାଘର ନ ଥିଲା । (ଫଟୋ: nusratchirps/Instagram)

ଏବେ ନିଖିଲ ଜୈନଙ୍କ ସହ ନିଜ ବିବାହକୁ ଫୁ କରି ଉଡ଼ାଇ ଦେଇଛନ୍ତି ନୁସରତ୍ ଜହାଁ (Nusrat Jahan Nikhil Jain marriage) । ସେ କହିଛନ୍ତି ଯେ ନିଖିଲଙ୍କ ସହ ତାଙ୍କର ସେଇଟା ବିବାହ ନ ଥିଲା । ‘‘ତାହା କେବଳ ଏକ ସମ୍ପର୍କ ବା ଲିଭ୍-ଇନ୍ ରିଲେସନସିପ୍‌ ଥିଲା ବୋଲି କୁହାଯାଇପାରେ,’’ କହିଛନ୍ତି ନୁସରତ୍‌ ।(ଫଟୋ: nusratchirps/Instagram)

ପଶ୍ଚିମ ବଙ୍ଗର (West Bengal) ବସିରହାଟରୁ ସାଂସଦ ହୋଇଥିବା ୩୧ ବର୍ଷୀୟା ନୁସରତ ଜହାଁ ଏବେ ଛଅ ମାସର ଗର୍ଭବତୀ ଅଛନ୍ତି । (ଫଟୋ nusratchirps/Instagram)

ନୁସରତ୍ ଜହାଁ ମାଆ ହେବାକୁ ଯାଉଛନ୍ତି ବୋଲି ଖବର ଗଣମାଧ୍ୟମରେ ଆସିବା ପରେ ନିଖିଲ୍ ପ୍ରତିକ୍ରିୟା ରଖି କହିଛନ୍ତି ଯେ ନୁସରତଙ୍କ ସହ ତାଙ୍କର ଛଅ ମାସ ହେବ ସମ୍ପର୍କ ନାହିଁ, ତେଣୁ ତାଙ୍କ ଗର୍ଭରେ ଥିବା ପିଲା ତାଙ୍କର ନୁହେଁ । (ଫଟୋ: nusratchirps/Instagram)

ନିଖିଲ ଜୈନଙ୍କ ଏହି ପ୍ରତିକ୍ରିୟା ପରେ ତାଙ୍କ ବିରୋଧରେ ଅଭିଯୋଗର ଲମ୍ବା ଫର୍ଦ୍ଦ ଖୋଲିଛନ୍ତି ନୁସରତ୍‌ । ନିଖିଲଙ୍କ ସହ ତାଙ୍କର ଅନେକ ଦିନ ହେବ ସମ୍ପର୍କ ନ ଥିବା ସେ ମାନିଥିଲେ ମଧ୍ୟ ତାଙ୍କ ପେଟରେ ଥିବା ପିଲାର ବାପା କିଏ ତା’ର ଖୁଲାସା ସେ କରିନାହାନ୍ତି । (ଫଟୋ:  nusratchirps/Instagram)

ନୁସରତ୍‌ କହିଛନ୍ତି ଯେ ତୁର୍କୀ ଦେଶର (Turkey) ନିୟମ ଅନୁସାରେ ହୋଇଥିବା ତାଙ୍କର ସେହି ବାହାଘର ଭାରତରେ ପ୍ରଯୁଜ୍ୟ ନୁହେଁ । (ଫଟୋ:  nusratchirps/Instagram)

ନୁସରତ ଏହା ବି କହିଛନ୍ତି ଯେ ସେ ଓ ନିଖିଲ୍‌ ଜୈନ ଦୁଇଟି ଭିନ୍ନ ସମ୍ପ୍ରଦାୟର ହୋଇଥିବାରୁ ଭାରତୀୟ ସ୍ବତନ୍ତ୍ର ବିବାହ ଆଇନ୍‌ ଅନୁୟାୟୀ ତାହାକୁ ବିବାହ ବୋଲି କୁହାଯିବନି । (ଫଟୋ:  nusratchirps/Instagram)

‘‘ସେହି ବିବାହ ଆଦୌ ଆଇନସମ୍ମତ ହୋଇ ନ ଥିବା ବେଳେ ଛାଡ଼ପତ୍ରର ପ୍ରଶ୍ନ କେଉଁଠୁ ଉଠିଲା?’’ ପ୍ରଶ୍ନ କରିଛନ୍ତି ନୁସରତ । (ଫଟୋ:  news18 hindi)

୨୦୧୯ରେ ବଡ଼ ଧୁମ୍‌ଧାମ୍‌ରେ ବିବାହ କରିଥିବା ନିଖିଲ ଜୈନ ଓ ନୁସରତ ଅନେକ ଦିନ ହେବ ଅଲଗା ରହୁଛନ୍ତି । ଏବେ ନିଖିଲଙ୍କ ବିରୋଧରେ ଅନେକ ଗୁରୁତର ଅଭିଯୋଗ ଆଣିଛନ୍ତି ନୁସରତ ।

ନିଖିଲ ତାଙ୍କ ବ୍ୟାଙ୍କ ଆକାଉଣ୍ଟରୁ ଟଙ୍କା ନେଇ ଯାଇଛନ୍ତି ଓ ବିବାହ ବେଳେ ସେ ନେଇଥିବା ସୁନା ଅଳଙ୍କାର ଓ ବିଭିନ୍ନ ଜିନିଷପତ୍ର ବି ଜୋର୍‌ ଜବରଦସ୍ତ ରଖିଛନ୍ତି ବୋଲି ଅଭିଯୋଗ କରିଛନ୍ତି ନୁସରତ ଜହାଁ।

ହେଲେ ଇତି ମଧ୍ୟରେ ନୁସରତ ଜହାଁଙ୍କର ନିଜ ସହ-ଅଭିନେତା ୟଶ୍ ଦାସଗୁପ୍ତାଙ୍କ (Yash Dasgupta) ସହ ପ୍ରେମ ସମ୍ପର୍କ ଗଢ଼ିଉଠିଥିବା କୁହାଯାଉଛି । ନୁସରତ ଓ ୟଶ୍ ଦାସଗୁପ୍ତା ୨୦୧୬ର ଫିଲ୍ମ ‘ୱାନ୍’ରେ (One) ସାଙ୍ଗରେ କାମ କରିଥିଲେ ।

ନିଖିଲଙ୍କ ସହ ସମ୍ପର୍କ ଭାଙ୍ଗିବା ପରେ ଅଭିନେତା ୟଶ ଦାସଗୁପ୍ତଙ୍କ ସହ ନୁସରତଙ୍କ ପ୍ରେମ ସମ୍ପର୍କ ଆରମ୍ଭ ହୋଇଥିଲା ବୋଲି ଶୁଣିବାକୁ ମିଳୁଛି ।

ନୁସରତ ଓ ୟଶ୍‌ ଦାସଗୁପ୍ତା ଗଲା ବର୍ଷ ଡିସେମ୍ବର ୨ରେ ସାଙ୍ଗରେ ଅଜମେର୍‌ ଯାତ୍ରା କରିଥିଲେ । ସମୟ ସମୟରେ ସେମାନେ ଏକାଠି ପାର୍ଟି କରୁଥିବା ଓ ସାଙ୍ଗରେ ରାତ୍ରୀ ଭୋଜନ କରୁଥିବା ଫଟୋ ସୋସିଆଲ୍‌ ମିଡି଼ଆରେ ପଦାକୁ ଆସିଛି ।

କୁହାଯାଉଛି ଯେ ନୁସରତଙ୍କ ପେଟରେ ଥିବା ପିଲାଟି ୟଶ୍ ଦାସଗୁପ୍ତାଙ୍କର ଓ ଦୁହେଁ ଖୁବ୍ ଶୀଘ୍ର ବିବାହ କରିବେ ।

ନୁସରତ୍‌ ଜହାଁ ଓ ୟଶ୍ ଦାସଗୁପ୍ତା (ଫାଇଲ୍‌ ଫଟୋ)