Sesha Kishan: ଯୁବ ବିଜ୍ଞାନୀ ସମ୍ମାନ ୨୦୨୩ ସମ୍ମାନିତ ହେଲେ ଶେଷ କିଶାନ

ନ୍ଯାସନାଲ ସାଇନ୍ସ ଡେ ଅବସରରେ ଡ. ଶେଷଦେବ କିଶାନଙ୍କୁ ମିଳିଛି ଯୁବ ବୈଜ୍ଞାନିକ ସମ୍ମାନ ୨୦୨୩। ଶିଭିରମନ ଫାଉଣ୍ଡେସନ ପକ୍ଷରୁ ଶେଷଙ୍କୁ ମିଳିଛି ଏହି ବିଶିଷ୍ଟ ସମ୍ମାନ। (ଫାଇଲ ଫଟୋ)

ଆଜିର ଦିନରେ ଯୁବ ବୈଜ୍ଞାନିକମାନଙ୍କୁ ଆହ୍ଵାନ କରିଛନ୍ତି ଶେଷ କିଶାନ । ଯେଉଁ ଗବେଷଣା ଆଜିର ଯୁବପିଢି ବା ବୈଜ୍ଞାନିକ କରୁଛନ୍ତି ତାହା ମହତ୍ ଉଦ୍ଦେଶ୍ୟରେ କରନ୍ତୁ ଓ ସମାଜ ର ମଙ୍ଗଳ କାମନା ପାଇଁ କରନ୍ତୁ ବୋଲି କହିଛନ୍ତି ଶେଷ କିଶାନ।

ଜାତିର କଲ୍ୟାଣ ପାଇଁ ବୈଜ୍ଞାନିକଙ୍କ ଗବେଷଣା ଓ ଉଦ୍ଭାବନର ଅନେକ ଆବଶ୍ୟକତା ରହିଛି। ଏହା ସହ ନିଜର ଫାର୍ମା କମ୍ପାନୀ ଦିଗରେ ମଧ୍ୟ ତାଙ୍କର କାମ ଆରମ୍ଭ ହୋଇଥିବା ମଧ୍ୟ ଶେଷ କହିଛନ୍ତି।

ପ୍ରଥମ ପର୍ଯ୍ୟାୟରେ ଜେନେରିକ ମେଡ଼ିସିନ୍ ପ୍ରସ୍ତୁତି ଦିଗରେ କାମ ଆରମ୍ଭ କରିଛନ୍ତି ବୋଲି ନିଜ ବିବାହ ଅବସରରେ ଶେଷ ଘୋଷଣା କରିଥିଲେ। ପରେ କ୍ୟାନସର ଭଲି ରୋଗର ମେଡ଼ିସିନ୍ ପାଇଁ ମଧ୍ୟ ଲକ୍ଷ୍ଯ ରଖିଛନ୍ତି କିଶାନ। ସାଧାରଣ ଲୋକଙ୍କୁ ସୁଲଭ ମୂଲ୍ୟରେ ସୁବିଧାରେ ସହଜରେ ଭଲ ମେଡ଼ିସିନ୍ ଯୋଗାଇ ସୁସ୍ଥ କରିବା ଉଦ୍ଦେଶ୍ୟରେ ଶେଷ କିଶାନ କାମ କରୁଥିବା କହିଛନ୍ତି।