ଓଡ଼ିଆ ଅଭିନେତ୍ରୀ ଅପ୍ସରା ରାଣୀ ନାରୀଙ୍କ ସମଲିଙ୍ଗୀ ପ୍ରେମ ଉପରେ ଆଧାରିତ ଫିଲ୍ମରେ ନଜର ଆସୁଛନ୍ତି

ଓଡ଼ିଆ ଅଭିନେତ୍ରୀ ଅପ୍ସରା ରାଣୀ (Apsara Rani)

ଦକ୍ଷିଣ ଭାରତୀୟ ସିନେମାରେ କାମ କରୁଥିବା ଓଡ଼ିଆ ଅଭିନେତ୍ରୀ ଅପ୍ସରା ରାଣୀ (Apsara Rani) ନିଜ ବୋଲ୍ଡ ଲୁକ୍ ପାଇଁ ସବୁବେଳେ ଚର୍ଚ୍ଚାରେ ଥାଆନ୍ତି । ସେ ସୋସିଆଲ ମିଡ଼ିଆରେ ନିଜର ଅନେକ ଫଟୋ ପୋଷ୍ଟ କରନ୍ତି ଯାହା ହଇଚଇ ସୃଷ୍ଟି କରେ ।

ନିକଟରେ ଅଭିନେତ୍ରୀ ଅପ୍ସରା ରାଣୀଙ୍କ ନୂଆ ଫିଲ୍ମ ‘ଡେଞ୍ଜରସ୍‌’ର (Dangerous) ଟ୍ରେଲର୍‌ ଲଞ୍ଚ୍‌ ହୋଇଛି । ଏହି ଫିଲ୍ମଟି ହେଉଛି ରାମ ଗୋପାଳ ବର୍ମାଙ୍କ (Ram Gopal Varma) ନିର୍ଦ୍ଦେଶିତ ଭାରତର ପ୍ରଥମ ଲେସବିଆନ୍ କ୍ରାଇମ୍‌-ଥ୍ରୀଲର୍‌ ଫିଲ୍ମ (lesbian crime thriller film)।

‘ଡେଞ୍ଜରସ୍‌’ ଫିଲ୍ମରେ ଅପ୍ସରା ରାଣୀଙ୍କ ସହ ଅଭିନେତ୍ରୀ ନୈନା ଗାଙ୍ଗୁଲି (Naina Ganguly) ବି ନଜର ଆସିଛନ୍ତି । ଉଭୟ ଅଭିନେତ୍ରୀ ଏହି ଚଳଚ୍ଚିତ୍ରରେ ସାହସର ସବୁ ସୀମା ଅତିକ୍ରମ କରିଥିବା ଦେଖାଯାଇଛି । ଏହି ପରି ଅନେକ ବୋଲ୍ଡ ଦୃଶ୍ୟ କେବଳ ଟ୍ରେଲରରେ ହିଁ ଅଛି । ଏଥିରେ ନୈନା ଗାଙ୍ଗୁଲି ଓ ଅପ୍ସରା ରାଣୀଙ୍କ ମଧ୍ୟରେ ପ୍ରେମ ଦୃଶ୍ୟଗୁଡ଼ିକ (love-making scenes) ଚର୍ଚ୍ଚାରେ ଅଛନ୍ତି । ଉଭୟ ଅଭିନେତ୍ରୀ କେବଳ ଚୁମ୍ବନ ନୁହେଁ, ଲଭ୍‌-ମେକିଂ ଦୃଶ୍ୟରେ ବି ଖୁବ୍‌ ସହଜ ଲାଗୁଛନ୍ତି ।

ଫିଲ୍ମର ଟ୍ରେଲର୍‌ ଲଞ୍ଚ୍‌ ହେବା ପରେ ଅପ୍ସରା ନିଜ ଇନଷ୍ଟାଗ୍ରାମ ଆକାଉଣ୍ଟରେ ଫିଲ୍ମର ଅନେକ ପଛ ପଟ ଫଟୋ (behind-the-scenes photos) ପୋଷ୍ଟ କରିଛନ୍ତି, ଯେଉଁଥିରେ ସେ ନୈନା ଗାଙ୍ଗୁଲି ଓ ରାମ ଗୋପାଳ ବର୍ମାଙ୍କ ସହ ନଜର ଆସିଛନ୍ତି।

ଏହି ଫଟୋଗୁଡ଼ିକ ମଧ୍ୟରୁ ଗୋଟିଏରେ ରାମ ଗୋପାଳ ବର୍ମା ଅପ୍ସରା ରାଣୀ ଓ ନୈନା ଗାଙ୍ଗୁଲିଙ୍କୁ ଆକ୍ଟିଂ ବିଷୟରେ କିଛି ବୁଝାଉଥିବା ନଜର ଆସିଛନ୍ତି । ଏହି ଫଟୋ ପୋଷ୍ଟ କରି ଅପ୍ସରା ରାମ ଗୋପାଳ ବର୍ମାଙ୍କୁ ଧନ୍ୟବାଦ ଜଣାଇଛନ୍ତି ।

ଅପ୍ସରା ରାଣୀ ଆଉ ଏକ ଫଟୋ ବି ପୋଷ୍ଟ କରିଛନ୍ତି ଯେଉଁଥିରେ ସେ ନୈନା ଗାଙ୍ଗୁଲିଙ୍କ ହାତ ଧରିଥିବା ନଜର ଆସିଛନ୍ତି । ଅପ୍ସରା ଏହି ଫଟୋର କ୍ୟାପସନରେ ଲେଖିଛନ୍ତି, ‘‘‘ଡେଞ୍ଜରସ୍‌’ ଫିଲ୍ମରେ ବିଶ୍ୱ ସିନେମା ଇତିହାସରେ ଏହା ପ୍ରଥମ ଥର ହେବ ଯେ କୌଣସି ଫିଲ୍ମରେ ମହିଳାମାନଙ୍କ ଉପରେ ରୋମାଣ୍ଟିକ୍ ଗୀତର ଫିଲ୍ମାଙ୍କନ (ଚିତ୍ରଣ) ହୋଇଛି ।’’

ଫିଲ୍ମର ଟ୍ରେଲର୍‌ ରିଲିଜ୍‌ ହେବା ମାତ୍ରେ ସୋସିଆଲ୍‌ ମିଡି଼ଆରେ ଉତ୍ତେଜନା ପ୍ରକାଶ ପାଇଥିଲା । ଟ୍ରେଲରକୁ ସଙ୍ଗେ ସଙ୍ଗେ ଲକ୍ଷ ଲକ୍ଷ ଭ୍ୟୁ ମିଳିଥିଲା । ଭାରତ ଇତିହାସରେ ପ୍ରଥମ ଥର ପାଇଁ ଏଡ଼େ ସାହସିକତାର ସହ ମହିଳାମାନଙ୍କ ମଧ୍ୟରେ ସମଲିଙ୍ଗୀ ସମ୍ପର୍କକୁ ଚିତ୍ରିତ କରାଯାଇଛି । ଫିଲ୍ମରେ ବହୁତ ବୋଲ୍ଡ ଦୃଶ୍ୟ ଅଛି, ଯାହା ଦର୍ଶକ ପୂର୍ବରୁ କୌଣସି ଭାରତୀୟ ଫିଲ୍ମରେ ଦେଖି ନ ଥିବେ ।

ଏହି ଫିଲ୍ମର ରିଲିଜ୍ ହେବା ତାରିଖ ଏ ପର୍ଯ୍ୟନ୍ତ ଘୋଷଣା କରାଯାଇ ନାହିଁ । କିନ୍ତୁ ଟ୍ରେଲର୍‌ ହିଁ ଲୋକଙ୍କ ଦୃଷ୍ଟି ଆକର୍ଷଣ କରିଛି ।

ଅଭିନେତ୍ରୀ ଅପ୍ସରା ରାଣୀଙ୍କ ପ୍ରକୃତ ନାମ ହେଉଛି ଅଙ୍କିତା ମହାରଣା । ରାମ ଗୋପାଳ ବର୍ମା ନିଜ ଫିଲ୍ମ ‘ଥ୍ରୀଲର୍’ ପାଇଁ ତାଙ୍କୁ ସାଇନ୍ କରିବା ବେଳେ ତାଙ୍କ ନାଁ ପରିବର୍ତ୍ତନ କରି ଅପ୍ସରା ରାଣୀ ରଖିଥିଲେ । ଅଙ୍କିତାଙ୍କୁ ଏଥିରେ ଜମ୍ମା ଆପତ୍ତି ନାହିଁ । ସେ ବର୍ମାଙ୍କ ସେହି ଫିଲ୍ମରେ କାମ ପାଇ ଭାରି ଖୁସି ହୋଇଥିଲେ ।

ରାମ ଗୋପାଳ ବର୍ମାଙ୍କ ଅନୁସାରେ ଅପ୍ସରା ରାଣୀ ଓଡ଼ିଶାର ଝିଅ । ‘‘ସେ ଦେହରାଡୁନର ପାର୍ବତୀୟ ଅଞ୍ଚଳରେ ବଢ଼ିଥିଲେ ଓ ବର୍ତ୍ତମାନ ହାଇଦ୍ରାବାଦରେ ରହୁଛନ୍ତି । ସେ ଜଣେ ଉତ୍କୃଷ୍ଟ ନୃତ୍ୟ ଶିଳ୍ପୀ ଓ ଜଣେ ଆହୁରି ଉତ୍ତମ ଅଭିନେତ୍ରୀ,’’ ରାମୁ ସେତେବେଳେ କହିଥିଲେ ।

ଅପ୍ସରା ରାଣୀ ୨୦୧୯ରେ ହିଁ ଫିଲ୍ମ ଇଣ୍ଡଷ୍ଟ୍ରିରେ ଡେବ୍ୟୁ କରିଥିଲେ । ‘ଥ୍ରୀଲର୍’ ପୂର୍ବରୁ ସେ ତେଲୁଗୁ ଫିଲ୍ମ ‘ଫୋର୍ ଲେଟର୍ସ୍’ (4 Letters) ଓ ଓଡ଼ିଆ-ତେଲୁଗୁ-ହିନ୍ଦୀ ଫିଲ୍ମ ‘ପାଟଣାଗଡ଼’ରେ ଅଭିନୟ କରିଥିଲେ । ‘ପାଟଣାଗଡ଼’ ଫିଲ୍ମ ୨୦୧୮ରେ ବଲାଙ୍ଗିର ଜିଲ୍ଲାର ପାଟଣାଗଡ଼ରେ ହୋଇଥିବା ପାର୍ସଲ୍ ବୋମା ବିସ୍ଫୋରଣ ଉପରେ ଆଧାରିତ ।

ଏକ ସାକ୍ଷାତକାରରେ ଅପ୍ସରା ରାଣୀ କହିଥିଲେ ଯେ ରାମ ଗୋପାଳ ବର୍ମାଙ୍କୁ ସେ ପିତାତୁଲ୍ୟ ବ୍ୟକ୍ତିତ୍ୱ ବୋଲି ଭାବନ୍ତି । ସେ ଆହୁରି ବି କହିଥିଲେ ଯେ ବାସ୍ତବରେ ସେ ତାଙ୍କ ଫିଲ୍ମର ନିର୍ଦ୍ଦେଶକ ହୋଇଥିବାରୁ ତାଙ୍କ ସହ କଥା ହେବାକୁ ସେ ଡରନ୍ତି ।

ରାମ ଗୋପାଳ ବର୍ମା କହିଥିଲେ ଯେ ଅପ୍ସରାଙ୍କୁ ଭେଟିବା ଆଗରୁ ଫିଲ୍ମ ଇଣ୍ଡଷ୍ଟ୍ରି ପାଇଁ ଓଡି଼ଶାରେ ପ୍ରତିଭା ଅଛନ୍ତି ବୋଲି ସେ କେବେ ଭାବି ନ ଥିଲେ ।

ରାମ ଗୋପାଳ ବର୍ମାଙ୍କର ଏମିତି କହିବା ପରେ ଓଡ଼ିଶାରେ ଲୋକେ ତାଙ୍କୁ ଥଟ୍ଟା କରିଥିଲେ । ଲୋକେ କହିଥିଲେ ରାମୁ ଓଡ଼ିଶାକୁ ଯଥେଷ୍ଟ ଜାଣି ନାହାନ୍ତି ଓ ସୌନ୍ଦର୍ଯ୍ୟ ବିଷୟରେ ବି ହୁଏତ ତାଙ୍କର ଯଥେଷ୍ଟ ଜ୍ଞାନ ନାହିଁ । (ସବୁ ଫଟୋ: ଇନଷ୍ଟାଗ୍ରାମ / @ apsararaniofficial_)