ନୂଆ ରୂପ ପାଇଲା ଉତ୍କଳମଣୀଙ୍କ ପୀଠ ସୁଆଣ୍ଡୋ; ଉତ୍କଳମଣିଙ୍କ ପ୍ରତିମୂର୍ତ୍ତି ଅନାବରଣ କଲେ ମୁଖ୍ୟମନ୍ତ୍ରୀ

ନୂଆ ରୂପ ପାଇଲା ଉତ୍କଳମଣୀ ଗୋପବନ୍ଧୁଙ୍କ ପୀଠ ସୁଆଣ୍ଡୋ । ଲୋକାର୍ପିତ ହେଲା ଗୋପବନ୍ଧୁଙ୍କ ଜନ୍ମସ୍ଥାନ ।

ଉତ୍କଳମଣିଙ୍କ ପ୍ରତିମୂର୍ତ୍ତି ଅନାବରଣ କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ।

୨୫ କୋଟି ଟଙ୍କା ପ୍ରକଳ୍ପରେ ବଦଳିଛି ସୁଆଣ୍ଡୋ । ପ୍ରକଳ୍ପରେ ଗୋପବନ୍ଧୁଙ୍କ ଜନ୍ମ ପୀଠରେ ଥିବା ଶିବ ମନ୍ଦିର, ଦୁଇଟି ପୋଖରୀ, ପୈତୃକ ବାସଗୃହ, ଗାଁ ରାସ୍ତା, ଜନ୍ମପୀଠ ପରିକ୍ରମା ରାସ୍ତା, ଗୋପବନ୍ଧୁଙ୍କ ସ୍ମୁତି ସଂଗ୍ରହାଳୟ, ସୂଚନା କେନ୍ଦ୍ର, ଆତିଥ୍ୟ କେନ୍ଦ୍ର, ଶିଶୁ ପାର୍କ, ଉତ୍କଳମଣୀଙ୍କ ପ୍ରାୟ ୧୫ ଫୁଟ ଉଚ୍ଚର ପ୍ରତିମୂର୍ତ୍ତି, ଷଠି ଘର କାର୍ଯ୍ୟ ହୋଇଛି ।

ନିଜ ସମ୍ବୋଧନରେ ମୁଖ୍ୟମନ୍ତ୍ରୀ କହିଛନ୍ତି, ସମସ୍ତଙ୍କ ସହଯୋଗରେ ସୁଆଣ୍ଡୋର ବିକାଶ ହୋଇଛି । ଉତ୍କଳମଣୀଙ୍କ ଜନ୍ମମାଟିକୁ ଆସି ମୁଁ ନିଜକୁ ଧନ୍ୟ ମନେ କରୁଛି ।

ଗୋପବନ୍ଧୁ ଜଣେ ଯୁଗ ପୁରୁଷ ଥିଲେ । ଓଡ଼ିଶାବାସୀ ଗୋପବନ୍ଧୁଙ୍କ ପାଖରେ ଋଣୀ । ଗୋପବନ୍ଧୁଙ୍କ ପାଇଁ ଯେତେ କଲେ ବି କମ୍ ହେବ । ଭୋଗ ନୁହେଁ ତ୍ୟାଗ ମହାନ, ସେବା ହିଁ ଶ୍ରେଷ୍ଠ ।

ପୁରୀ ଜିଲ୍ଲାପାଳଙ୍କୁ ସାବାସୀ ଦେଲେ ମୁଖ୍ୟମନ୍ତ୍ରୀ । ସୁଆଣ୍ଡୋକୁ ନୂଆ ରୂପରେଖ ଦିଆଯିବା ପରେ ଗ୍ରାମବାସୀ ବେଶ୍ ଉତ୍ସାହିତ । ସୁଆଣ୍ଡୋ ପାଇଁ ସରକାରଙ୍କ ପଦକ୍ଷେପକୁ ସ୍ଵାଗତ କରିବା ସହିତ ଉତ୍କଳମଣୀଙ୍କ ପୀଠର ଉନ୍ନତିକରଣ ପାଇଁ ସରକାର ସହଯୋଗର ହାତ ବଢାଇଥିବାରୁ ମୁଖ୍ୟମନ୍ତ୍ରୀଙ୍କୁ ଧନ୍ୟବାଦ ଜଣାଇଛନ୍ତି ।