କାଲି ଚରାଉଥିଲେ ଗୋରୁ ଗାଈ, ଆଜି ବୈଜ୍ଞାନିକ; ଏମିତି ଥିଲା ଶେଷ କିସାନଙ୍କ କାହାଣୀ

ବୌଜ୍ଞାନିକ ଶେଷ କିସାନ ବୋଲି ଆଜି ଆପଣ ଯାହାଙ୍କ ବିଷୟରେ ଜାଣିଛନ୍ତି ସେ ତାଙ୍କର ଜୀବନ ବହୁତ କଷ୍ଟରେ ବିତାଇଥିଲେ। ନିଜେ ଭାତ ରାନ୍ଧି, ପାଠ ପଢ଼ିବା ସହିତ ଘରର ସମସ୍ତ କାର୍ଯ୍ୟ କରୁଥିଲେ। କାରଣ ଆଧିବାସୀ ପରିବାରରେ ଜନ୍ମ ହେବା ସହିତ ତାଙ୍କର ବାପା ବିପିନ କିସାନ ଓ ମା' ଦୁଃଖୀ କିସାନ ତାଙ୍କୁ ଛାଡ଼ି ଚାଲି ଯାଇଥିଲେ। ଆଉ ରୋଗୀଣା ଭଉଣୀଙ୍କୁ ନେଇ ରହୁଥିଲେ ସେ। ସେ ହୋଇଛନ୍ତି ସମ୍ବଲପୁର ଜିଲ୍ଲା ନାକଟି ଦେଉଳ ବ୍ଲକ ଅନ୍ତର୍ଗତ ବଲାସିଂହା ଗାଁର ଯୁବକ।

ପରିଶ୍ରମ ଓ ଚେଷ୍ଟା ମଣିଷକୁ ଜୀବନରେ ଆଗକୁ ବଢ଼ିବାକୁ ପ୍ରେରଣା ଯୋଗାଇ ଥାଏ। ଏମିତି ଶେଷ କିସାନଙ୍କ କ୍ଷେତ୍ରରେ ଦେଖିବାକୁ ମିଳିଛି। ସେ ନିଜର କଠିନ ପରିଶ୍ରମରେ ଆଜି ଜର୍ମାନୀରେ ବୈଜ୍ଞାନିକ ଭାବରେ କାର୍ଯ୍ୟ କରୁଛନ୍ତି। ତାଙ୍କ କାହାଣୀ ଅନ୍ୟ ଯୁବକଙ୍କ ପାଇଁ ବର୍ତ୍ତମାନ ପ୍ରେରଣା ସାଜିଛି।

ଦିନେ ଗାଈ ଗୋରୁଙ୍କୁ ଚରାଇ ପେଟ ପୋଷୁଥିବା ଆଜିର ଏହି ମଣିଷଟି ପୁଟିନ ଜେନ ବିଶ୍ୱ ବିଦ୍ୟାଳୟରେ ଜୁନିୟର ବୌଜ୍ଞାନିକ। କୁହାଯାଉଛି ଯେ ଶେଷ କିସାନ ଗାଁର ଲୋକଙ୍କର ସହାୟତାରେ ଗାଁ ସ୍କୁଲରେ ପାଠ ପଡୁଥିଲେ ଆଉ ତାହା ପରେ ନବୋଦୟ ସ୍କୁଲରେ ପାଠ ପଢ଼ିଥିଲେ। ପରେ ଭୁବନେଶ୍ୱରରେ ପାଠ ପଢ଼ିଥିଲେ। ସେହିପରି ୨୦୧୮ରୁ ଜର୍ମାନୀରେ ବୌଜ୍ଞାନିକ ଭାବରେ ଅଛନ୍ତି ସେ।

ନିଜର ଚେଷ୍ଟା ଆଉ ପରିଶ୍ରମ ବଳରେ ସେ ଆଜି ଏତେ ଉପରକୁ ଯାଇଛନ୍ତି ସତ କିନ୍ତି ଗାଁକୁ ଭୁଲି ନାହାଁନ୍ତି। ଗାଁ ପାଇଁ କରିଛନ୍ତି ଅନେକ କାମ ଗାଁ ପିଲାମାନଙ୍କର ପାଠ ପଢ଼ା ପାଇଁ ସେମାନଙ୍କୁ ଶିକ୍ଷକ ମଧ୍ୟ ଯୋଗାଇ ଦେଇଛନ୍ତି। ତାହା ସହିତ ଭଉଣୀ ତାଙ୍କର ମରିଗଲା ପରେ ତାଙ୍କର ଘରକୁ ମଧ୍ୟ ପିଲା ମାନଙ୍କର ପାଠ ପଢ଼ା ପାଇଁ ଦାନ କରିଦେଇଛନ୍ତି।

ନିକଟରେ ଶେଷ କିସାନ ନିଜର ଏକ ୟୁଟ୍ୟୁବ ଚ୍ୟାନେଲ ଆରମ୍ଭ କରିଥିଲେ। ସେଥିରେ ସେ ବ୍ଲଗ ତିଆରି କରି ପୋଷ୍ଟ କରୁଛନ୍ତି। ନିକଟରେ ତାଙ୍କର ଏକ ଭିଡ଼ିଓ ସୋସିଆଲ ମିଡ଼ିଆରେ ସେୟାର କରିଥିଲେ। ଯେଉଁଥିରେ ତାଙ୍କ ପତ୍ନୀ ସ୍ବାମୀଙ୍କ ପାଇଁ ଭାବବିହ୍ବଳ ହୋଇପଡ଼ିଥିବାର ଦେଖାଯାଇଥିଲେ।