ଦୃତ ବେଗରେ କାର୍ ଚଳାଇବା ବେଳେ ସାମାନ୍ୟ ଅସାବଧାନତା କାରଣରୁ ଏକ ମର୍ମନ୍ତୁଦ ଦୁର୍ଘଟଣା ଘଟିଛି । ରାସ୍ତା କଡ଼ରେ ଥିବା ଏକ ଗଛରେ କାର୍ ପିଟି ହେବା ଫଳରେ କାର୍ ଚଳାଉଥିବା ପୁଅ ଗୁରୁତର ଆହତ ହୋଇଥିବା ବେଳେ ତାଙ୍କ ନିକଟରେ ଆଗ ସିଟରେ ବସିଥିବା ବାପାଙ୍କ ମୃତ୍ୟୁ ହୋଇଛି । ମୃତକ ଦୈତାରୀ ନାୟକ ବୋଲି ଚିହ୍ନଟ ହୋଇଛନ୍ତି । ଗଛରେ କାର୍ ପିଟି ହେବା ମାତ୍ରେ ଡ୍ରାଇଭର୍ ସାଇଡର ଏୟାର୍ ବ୍ୟାଗ୍ ଖୋଲିଥିବା ବେଳେ ପାଖରେ ବସିଥିବା ଦୈତାରୀଙ୍କ ଏୟାର୍ ବ୍ୟାଗ୍ ଖୋଲି ନ ଥିବାରୁ ତାଙ୍କର ମୃତ୍ୟୁ ହୋଇଥିବା ଜଣାପଡ଼ିଛି । ଦୈତାରୀ ନାୟକଙ୍କ ମୁଣ୍ଡ ଓ ମୁହଁରେ ଗଭୀର ଆଘାତ ଲାଗିଥିଲା । ଭୋର୍ ସମୟରେ କାର୍ ଚାଳକ ପୁଅର ଆଖି ଲାଗିଯିବା ଫଳରେ କାରଟି ଭାରସାମ୍ୟ ହରାଇ ଦୁର୍ଘଟଣାଗ୍ରସ୍ତ ହୋଇଥିବା ଜଣାପଡିଛି । ବାପ ଓ ପୁଅ ଅନୁଗୁଳ ଜିଲ୍ଲା ରେଙ୍ଗାଲୀରୁ କେନ୍ଦୁଝରକୁ ଯାଉଥିବା ବେଳେ ଦୋବଲାପାଳ ଛକ ନିକଟରେ କାରଟି ଭାରସ୍ୟାମ ହରାଇ ରାସ୍ତା କଡ଼ରେ ଥିବା ଏକ ଗଛରେ ପିଟି ହୋଇ ଯାଇଥିଲା । ଆହତ ପୁଅ ତେଲକୋଇ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଚିକିତ୍ସିତ ହେଉଛନ୍ତି ।
