ପୁଣି ନୀଳଚକ୍ରରେ ବସିଲା ଚିଲ; ଭକ୍ତ କହିଲେ ଅଶୁଭ ସଙ୍କେତ!

ଗତକାଲି ବାନା ପରିବର୍ତ୍ତନ ପରେ ଏହି ଚିଲଟି ଆସି ନୀଳଚକ୍ର ଉପରେ ବସିଥିଲା। ଆଉ ଏହାକୁ ନେଇ ସେବାୟତ ଓ ଜଗନ୍ନାଥ ଭକ୍ତଙ୍କ ମଧ୍ୟରେ ମିଶ୍ର ପ୍ରତିକ୍ରିୟା ପ୍ରକାଶ ପାଇଛି।

ଏକ ଚିଲ ‌ବହୁ ସମୟ ଧରି ବସି ରହିବା ଭକ୍ତଙ୍କ ମହଲରେ ଆଲୋଚନାର ବିଷୟ ପାଲଟିଛି।

ନୀଳଚକ୍ର ଉପରେ ଚିଲ ବସିବା ଅଶୁଭ ସଙ୍କେତ ବୋଲି ଭକ୍ତମାନେ ଶଙ୍କା ପ୍ରକାଶ କରିଛନ୍ତି।

ଏମିତି ପ୍ରଥମ ଥର ନୁହେଁ ପୂର୍ବରୁ ମଧ୍ୟ ନୀଳଚକ୍ର ଉପରେ ଚିଲ ବସିବା ଦୃଶ୍ୟ ସାମ୍ନାକୁ ଆସିସାରିଛି।

ଗତ ବର୍ଷ ଫେବୃଆରୀରେ ମଧ୍ୟ ନୀଳଚକ୍ର ଉପରେ ଚିଲ ବସିବା ଖବର ଖୁବ୍ ଚର୍ଚ୍ଚାର ବିଷୟ ପାଲଟିଥିଲା। ପୂର୍ବାହ୍ନରୁ ପ୍ରାୟ ୩ ଘଣ୍ଟା ଧରି ନୀଳଚକ୍ରରେ ଚିଲ ବସିବା ସହ ଆଖପାଖରେ ଉୁଥିବାର ଦେଖିଲେ ସ୍ଥାନୀୟ ଲୋକ। ପରେ ଚିଲଟି ଉଡ଼ିଯାଇଥିଲା।