Matric Exam: ସକାଳୁ ସକାଳୁ ପରୀକ୍ଷା କେନ୍ଦ୍ର ବୁଲିଲେ ଗଣଶିକ୍ଷା ମନ୍ତ୍ରୀ ସମୀର ଦାଶ
ସକାଳୁ ସକାଳୁ ପରୀକ୍ଷା କେନ୍ଦ୍ର ବୁଲିଲେ ଗଣଶିକ୍ଷାମନ୍ତ୍ରୀ ସମୀର ଦାଶ। ପରୀକ୍ଷା ପରିଚାଳନା ନେଇ କଲେ ସ୍କୁଲ୍ ପରିଦର୍ଶନ, ଚାପମୁକ୍ତ ହୋଇ ପରୀକ୍ଷା ଦେବାକୁ ପିଲାଙ୍କୁ ଦେଲେ ପରାମର୍ଶ। ପ୍ରଶ୍ନପତ୍ର ଭାଇରାଲ ଯୋଜନାବଦ୍ଧ କହିଲେ ମନ୍ତ୍ରୀ। ସାଇବର ଥାନାରେ ଯୋଗାଯୋଗରେ ଅଛୁ, ଏଥର ହେବ କଡ଼ା କାର୍ଯ୍ୟାନୁଷ୍ଠାନ ନିଆଯିବ।
ଆଜିଠୁ ଆରମ୍ଭ ହୋଇଛି ମାଟ୍ରିକ ସମ୍ମେଟିଭ୨ ପରୀକ୍ଷା। ଆଜି ପ୍ରଥମ ଦିନରେ ସାହିତ୍ୟ ବିଷୟ ପରୀକ୍ଷା ଦେଉଛନ୍ତି ଛାତ୍ରଛାତ୍ରୀ। ପରୀକ୍ଷା କେନ୍ଦ୍ର ସ୍ଥିତି ବୁଲି ଦେଖିଛନ୍ତି ଗଣଶିକ୍ଷା ମନ୍ତ୍ରୀ। ସକାଳୁ ସକାଳୁ ସୟଦ ମମତାଜ ଅଲ୍ଲି ହାଇସ୍କୁଲ ଡୁମଡୁମା ପରୀକ୍ଷା କେନ୍ଦ୍ରରେ ପହଞ୍ଚିଥିଲେ ମନ୍ତ୍ରୀ ସମୀର ରଞ୍ଜନ ଦାଶ। ପିଲାମାନେ ୭ଟାରେ କେନ୍ଦ୍ରରେ ପ୍ରବେଶ କରିବା ସହ ଠିକ୍ ୭ଟା ୪୫ରେ ପ୍ରଶ୍ନ ପତ୍ର ପାଇଛନ୍ତି। ପରୀକ୍ଷା ଠିକ ସମୟରେ ଆରମ୍ଭ ହୋଇଛି। ପିଲାଙ୍କ ଚେହେରାରୁ ସ୍ପଷ୍ଟ ବାରି ହୋଇପଡୁଛି ପ୍ରଶ୍ନ ଭଲ ଆସିଛି ବୋଲି।
ଶାନ୍ତି ଶୃଙ୍ଖଳା ସହ ପରୀକ୍ଷା ଆରମ୍ଭ ହୋଇଥିବା ମନ୍ତ୍ରୀ କହିଛନ୍ତି। ଛାତ୍ରଛତ୍ରୀମାନଙ୍କୁ ପଥଭ୍ରଷ୍ଟ କରିବା ପାଇଁ କିଛି ଅସମାଜିକ ବ୍ୟକ୍ତି ଚେଷ୍ଟା କରିଲେ ସେମାନଙ୍କ ଉପରେ ଦୃଢ଼ କାର୍ଯ୍ୟାନୁଷ୍ଠାନ ନିଆଯିବ। ଏ ବାବଦରେ ପୂର୍ବରୁ ସାଇବର ଥାନାରେ ମଧ୍ୟ ଆଲୋଚନା ହୋଇଛି। ମିଛ ପ୍ରଶ୍ନ ପତ୍ର ଭାଇରାଲ କେବଳ ଉଦ୍ଦେଶ୍ୟମୂଳକ ଭାବେ କରାଯାଉଛି। ପୂର୍ବରୁ ଫର୍ମେଟିଭ ଓ ସମିଟିଭ ସରିଛି। ସେ ସବୁ ମାର୍କ ମିଶି ଫାଇନାଲ୍ ରେଜଲ୍ଟ ଆସିବ। ତେଣୁ ନିଶ୍ଚିତ ଭାବେ ପରୀକ୍ଷା ଫଳ ଚଳିତ ବର୍ଷ ଭଲ ହେବ ବୋଲି ଆଶା ପ୍ରକାଶ କରିଛନ୍ତି ବିଭାଗୀୟ ମନ୍ତ୍ରୀ।
