ଭିନ୍ନ ଅନ୍ଦାଜରେ ନଜର ଆସିଲେ ପୂର୍ବତନ ମନ୍ତ୍ରୀ ସ୍ବର୍ଗତ ନବ ଦାସଙ୍କ ଝିଅ ଦୀପାଳି ଦାସ । ଆଦିବାସୀ ମହିଳାଙ୍କ ସହିତ ସମବେତ ନୃତ୍ୟରେ ନାଚିଲେ ଦୀପାଳି । ଆଜି ଝାରସୁଗୁଡ଼ା ଲଇକେରା ବ୍ଲକ ଭାତଲଇଡ଼ାଠାରେ ୫୫୦ ଜାତି କିଷାନ ସମାଜ କୁଣ୍ହା ସମାଜର ଜିଲ୍ଲାସ୍ତରୀୟ ସମାବେଶରେ ଯୋଗଦେଇଥିଲେ ନବଙ୍କ ଝିଅ ଦୀପାଳୀିଓ ପୁଅ ବିଶାଲ ଦାସ । ସ୍ବର୍ଗତ ନବ ଦାସଙ୍କ ପୁତୁରା ମଧ୍ୟ କାର୍ଯ୍ୟକ୍ରମରେ ଉପସ୍ଥିତ ଥିଲେ । କାର୍ଯକ୍ରମରେ କିଷାନ ସମାଜର ଆଦିବାସୀ ମହିଳାଙ୍କ ସହ ତାଳକୁ ତାଳ ମିଶାଇ ଦୀପାଳୀି ନୃତ୍ୟ କରୁଥିବା ଦେଖିବାକୁ ମିଳିଥିଲା । ବାପା ନବ ଦାସ ଯେପରି ସବୁବେଳେ କିସାନ ସମାଜର ଉନ୍ନତି ପାଇଁ କାମ କରୁଥିଲେ ସେହିପରି ନବ ଦାସଙ୍କ ପରିବାର ଲୋକେ କିସାନ ସମାଜ ସହ ଅଛନ୍ତି ବୋଲି କହିଛନ୍ତି ଦୀପାଳି । ଅନ୍ୟପଟେ ବିଶାଳ ଦାସ ଓ ଦୀପାଳି ଦାସଙ୍କ ପ୍ରତି ସମ୍ପୂର୍ଣ୍ଣ ସମର୍ଥନ ଅଛି ବୋଲି କିସାନ ସମାଜ ପକ୍ଷରୁ କୁହାଯାଇଛି l ତେବେ ଉପ ନିର୍ବାଚନରେ ମୁଖ୍ୟମନ୍ତ୍ରୀ ଯାହାକୁ ଟିକେଟ ଦେବେ, ଲୋକେ ଯାହାକୁ ଚାହିଁବେ ତାଙ୍କୁ ସମସ୍ତେ ସମର୍ଥନ କରିବୁ ବୋଲି ଉଭୟ ଦୀପାଳି ଓ ବିଶାଳ କହିଛନ୍ତି l
