ଓଡିଶା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ସୋମବାର ମୁମ୍ବାଇରେ ରିଲାଏନ୍ସ ଇଣ୍ଡଷ୍ଟ୍ରିଜ୍ ଲିମିଟେଡ୍ର ଚେୟାରମ୍ୟାନ୍ ତଥା ପରିଚାଳନା ନିର୍ଦ୍ଦେଶକ ମୁକେଶ ଅମ୍ବାନୀଙ୍କୁ ଭେଟିଛନ୍ତି। ସରକାରୀ ବିବୃତ୍ତି ଅନୁଯାୟୀ ମୁଖ୍ୟମନ୍ତ୍ରୀ ଏବଂ ଅମ୍ବାନୀ ଓଡିଶାର ଏକ ପୁଞ୍ଜି ବିନିଯୋଗ ଲକ୍ଷ୍ୟ ବାବଦରେ ଆଲୋଚନା କରିଛନ୍ତି । ରାଜ୍ୟରେ ରିଲାଏନ୍ସ ଇଣ୍ଡଷ୍ଟ୍ରିଜ୍ ଲିମିଟେଡର ଭବିଷ୍ୟତ ବିନିଯୋଗ ଯୋଜନା ବିଷୟରେ ଚର୍ଚ୍ଚା ମଧ୍ଯ ହୋଇଛି । ଦୁଇ ଦିନିଆ ଗସ୍ତରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ମୁମ୍ବାଇରେ ପହଞ୍ଚିଛନ୍ତି। ଏହି ଗସ୍ତ ସମୟରେ ମୁଖ୍ଯମନ୍ତ୍ରୀ ମୁମ୍ବାଇରେ କିଛି ବରିଷ୍ଠ ଶିଳ୍ପପତିଙ୍କୁ ଭେଟିବାର ସମ୍ଭାବନା ରହିଛି। ଅମ୍ୱାନୀଙ୍କୁ ଭେଟି ନବୀନ ଏକ ଟି ସାର୍ଟ ପ୍ରଦାନ କରିଛନ୍ତି । ଯେଉଁଥିରେ ଓଡିଶା ଓ ଭାରତ ଚିତ୍ରିତ ହୋଇଛି । ନବୀନଙ୍କଠୁ ଉପହାର ଗ୍ରହଣ ସମୟରେ ଉଭୟ ଖୁସି ଥିବାର ନଜର ଆସିିଛି । ଏହି ସମୟରେ ୫ଟି ସଚିବ ଭିକେ ପାଣ୍ତିଆନ ମଧ୍ଯ ଉପସ୍ଥିତ ଅଛନ୍ତି । ମୁଖ୍ଯମନ୍ତ୍ରୀ ନବୀନ ପଟ୍ଟନାୟକ ଓ ମୁକେଶ ଅମ୍ୱାନୀ ପରସ୍ପର ସହ ହାତ ମିଳାଉଥିବାର ଦୃଶ୍ଯ । 2023 ସ୍ପୋର୍ଟଷ୍ଟାର୍ ଏସିସ୍ ପୁରସ୍କାର କାର୍ଯ୍ୟକ୍ରମରେ ଯୋଗଦେବେ ମୁଖ୍ଯମନ୍ତ୍ରୀ । କ୍ରୀଡ଼ାର ବିକାଶରେ ଓଡିଶାର ଅବଦାନ ପାଇଁ ତାଙ୍କୁ ସମ୍ମାନିତ କରାଯିବ।
