ନବୀନ-ମମତା ଭେଟଘାଟ୍: ୨ମୁଖ୍ୟମନ୍ତ୍ରୀଙ୍କ ଭିତରେ କଣ ହେଲା ଆଲୋଚନା? ଦେଖନ୍ତୁ ଝଲକ୍

ମମତାଙ୍କୁ ଭେଟିବା ପରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ପ୍ରତିକ୍ରିୟା ରଖି କହିଛନ୍ତି ଯେ, ‘ସଂଘୀୟ ବ୍ୟବସ୍ଥା ଅଧିକ ସ୍ଥିର ଓ ସୁଦୃଢ଼ ରହିବା ଆବଶ୍ୟକ’ ।

ନବୀନଙ୍କ କଥାକୁ ସମର୍ଥନ ଜଣାଇଲେ ମମତା ବାନାର୍ଜୀ ।

‘କୌଣସି ରାଜନୈତିକ ପ୍ରସଙ୍ଗ ଗଭୀର ଭାବେ ଆଲୋଚନା ହୋଇନି’ ଏହା ସୌଜନ୍ୟମୂଳକ ସାକ୍ଷାତ ଥିଲା ବୋଲି ମୁଖ୍ୟମନ୍ତ୍ରୀଙ୍କ ପକ୍ଷରୁ ସୂଚନା ମିଳିଛି ।

ମମତା ପୁରୀ ଗସ୍ତରେ ଆସିଥିବାରୁ ମୁଁ ଖୁସି ବୋଲି କହିଛନ୍ତି ସିଏମ ନବୀନ  । ନବୀନଙ୍କ ଆତିଥ୍ୟରେ ମୁଁ ବହୁତ ଖୁସି ବୋଲି ପ୍ରକାଶ କରିଛନ୍ତି ମମତା ବାନାର୍ଜୀ ।

ମମତାଙ୍କୁ ହକି ବିଶ୍ୱକପର ଟି ସାର୍ଟ ପ୍ରଦାନ କରୁଛନ୍ତି ନବୀନ ।  ଦୀଘାରେ ଏକ ଜଗନ୍ନାଥ ମନ୍ଦିର ପ୍ରତିଷ୍ଠା ହେବ ବୋଲି ମମତା କହିଛନ୍ତି । ଏଥିସହ ମନ୍ଦିର ପ୍ରତିଷ୍ଠାରେ ନବୀନଙ୍କୁ ନିମନ୍ତ୍ରଣ ଜଣାଇଛନ୍ତି ମମତା ।

ପ୍ରବାଦ ପୁରୁଷ ବିଜୁ ପଟ୍ଟନାୟକ ଏବଂ ପତ୍ନୀ ଜ୍ଞାନ ପଟ୍ଟନାୟକଙ୍କୁ ଫଟୋ ନିକଟରେ ପ୍ରଣାମ କରି ଶ୍ରଦ୍ଧାଞ୍ଜଳି ଜଣାଇଛନ୍ତି ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ । ଏଥିସହ ନବୀନ ବାବୁ ଜଣେ ଉଚ୍ଚସ୍ତରୀୟ ନେତା ବୋଲି କହିଛନ୍ତି ମମତା । ଗେଷ୍ଟ ହାଉସ ପାଇଁ ଜମି ଦେଇଥିବାରୁ ଧନ୍ୟବାଦ ଜଣାଇଛନ୍ତି ମମତା

ଭେଟଘାଟ ପରେ ଉପହାର ଦେଇଛନ୍ତି ନବୀନ । ମହାପ୍ରଭୁଙ୍କ ଅଙ୍ଗବସ୍ତ୍ର ଦେଇ ମମତାଙ୍କୁ ସ୍ବାଗତ କରିଥିଲେ ନବୀନ
୩ଟି ରଥର ପ୍ରତିକୃତି ପ୍ରଦାନ କଲେ ନବୀନ ପଟ୍ଟନାୟକ ।

ନବୀନଙ୍କୁ ଶାଲ୍‌ ଉପହାର ଦେଲେ ମମତା ବାନାର୍ଜୀ