Big Breaking: ଆଜି ଦିନର ମୁଖ୍ୟ ଖବର ଜାଣନ୍ତୁ ଅଳ୍ପରେ

ହତ୍ୟା ସ୍ପଷ୍ଟ, କାରଣ ଅସ୍ପଷ୍ଟ । ସାମ୍ନାକୁ ଆସିଲା ଗୋପାଳଙ୍କ ଗନ୍‌ ପଏଣ୍ଟ ଭିଜୁଆଲ । ଅଣ୍ଚାରୁ ବନ୍ଧୁକ କାଢ଼ି ନବ ଦାସଙ୍କୁ କରୁଛନ୍ତି ଫାୟାରିଂ । ଅଭିଯୁକ୍ତଙ୍କ ମାନସିକ ସ୍ଥିତିକୁ ନେଇ ଦ୍ବନ୍ଦ୍ବରେ କ୍ରାଇମବ୍ରାଞ୍ଚ, ବେଙ୍ଗଳୁରୁ ନିମହାନ୍ସରେ ପରୀକ୍ଷା ପାଇଁ ଯୋଜନା । ଅନୁମତି ପାଇଁ ଯିବ ଉପର କୋର୍ଟ ।

ବାପାଙ୍କ ମୃତ୍ୟୁକୁ ନେଇ କରା ନ ଯାଉ ରାଜନୀତି । ମିଡିଆ ଆଗରେ ଅନୁରୋଧ କଲେ ନବ ଦାସଙ୍କ ଝିଅ ଦୀପାଳି । କହିଲେ, ମୁଖ୍ୟମନ୍ତ୍ରୀଙ୍କ ଉପରେ ଯଥେଷ୍ଟ ଭରସା, ମିଳିବ ନ୍ୟାୟ । ଜୟନାରାୟଣଙ୍କ ପ୍ରତିକ୍ରିୟା- ଓଡ଼ିଶାବାସୀ ଜାଣିବା ଦରକାର ହତ୍ୟା ରହସ୍ୟ । କଂଗ୍ରେସର ଆରୋପ- ଦୀପାଳି କହୁଛନ୍ତି ବିଜେଡିର ଭାଷା ।

ପୁଣି ଜଣେ ପୋଲିସ, ପୁଣି ଏକ ପ୍ରତିଶୋଧ । ବ୍ରଜରାଜନଗର ପୂର୍ବତନ ବିଧାୟକ ଅନୁପ ସାଏଙ୍କୁ ମାରିବାକୁ କନେଷ୍ଟବଳ ସରୋଜ ଦାସ କରିଥିଲେ ଷଡ଼ଯନ୍ତ୍ର । ଜଣାପଡ଼ିବା ପରେ କୋଲାବିରା ଥାନାରୁ ହେଲେ ବଦଳି । ଅଭିଯୁକ୍ତ ପୋଲିସ, ମୃତ କଳ୍ପନା ଦାସଙ୍କ ସମ୍ପର୍କୀୟ ଭାଇ । ନେବାକୁ ଚାହୁଁଥିଲେ ପ୍ରତିଶୋଧ ।

ରୁଷିଆ-ୟୁକ୍ରେନ ଯୁଦ୍ଧ ବର୍ଷ ପୂର୍ତ୍ତି ପୂର୍ବରୁ ବଡ଼ ଟ୍ବିଷ୍ଟ । ୱାର୍‌ ଜୋନ୍‌ରେ ଆମେରିକା ରଷ୍ଟ୍ରପତି ବିଡେନଙ୍କ ଏଣ୍ଟ୍ରି ପରେ ତାତିଲେ ରାଷ୍ଟ୍ରପତି ପୁତିନ । ପାର୍ଲାମେଣ୍ଟରେ ପାଶ୍ଚାତ୍ୟ ଦେଶ ଉପରେ ବର୍ଷିଲେ । ଯୁଦ୍ଧ ପାଇଁ ଆମେରିକା ଏବଂ ନାଟୋକୁ କଲେ ଦାୟୀ । କହିଲେ ନିଜ ସୁରକ୍ଷା ପାଇଁ ରୁଷିଆ ନିଜେ ସକ୍ଷମ ।

ଶ୍ରୀମନ୍ଦିରରେ ଦୋଳପୂର୍ଣ୍ଣିମା ନୀତି ନିର୍ଘଣ୍ଟ ଚୂଡାନ୍ତ ହୋଇଛି। ଏନେଇ ନିଳାଦ୍ରୀ ଭକ୍ତ ନିବାସରେ ବସିଥିଲା ଛତିଶା ନିଯୋଗ ବୈଠକ । ଦୋଳପୂର୍ଣ୍ଣିମା ପୂର୍ବରୁ ଅର୍ଥାତ ମାର୍ଚ୍ଚ ୨ ତାରିଖ ପୂର୍ବରୁ ସରିବ ଦୋଳବେଦୀ ନିକଟରେ ଚାଲିଥିବା ନିର୍ମାଣ କାର୍ଯ୍ୟ।