‘ମାରିବି ଓ ମରିବି’: ଭୁବନେଶ୍ୱରରେ ବିବାହିତା ପୂର୍ବ ପ୍ରେମିକାକୁ ହତ୍ୟା କରିବା ଆଗରୁ ଲେଖିଥିଲା ଯୁବକ
Man kills married woman, tries suicide in Bhubaneswar; adultery suspected | ଛୁରୀ ଭୁସି ବିବାହିତା ପ୍ରିୟଦର୍ଶିନୀ ସାହୁଙ୍କୁ ହତ୍ୟା କରିବା ପରେ ତାଙ୍କର କଥିତ ପ୍ରେମିକ ଜଗନ୍ନାଥ ପ୍ରଧାନ ରକ୍ତାକ୍ତ ଶବର ଏକ ଫଟୋ ତାଙ୍କ ସ୍ୱାମୀଙ୍କ ପାଖକୁ ପଠେଇଥିଲା । ତା’ପରେ ଜଗନ୍ନାଥ ନିଜ ହାତର ଶିର କାଟି ଆତ୍ମହତ୍ୟା ଉଦ୍ୟମ କରିଥିଲେ ।
‘‘ଅଭିଯୁକ୍ତ ଜଗନ୍ନାଥଙ୍କ ବୟାନ ଅନୁସାରେ ସେ ମୃତକା ମହିଳା ପ୍ରିୟଙ୍କାଙ୍କୁ ପୂର୍ବରୁ ଜାଣିଥିଲେ । ଦୁହିଁଙ୍କ ମଧ୍ୟରେ ଗତ କିଛି ମାସ ଧରି କୌଣସି କାରଣରୁ ତିକ୍ତତା ଚାଲିଥିଲା । ଫଳରେ ଜଗନ୍ନାଥ ଈର୍ଷ୍ୟାପରାୟଣ ହୋଇପଡ଼ିଥିଲେ ଓ ଆଜି ପ୍ରିୟଙ୍କାଙ୍କୁ ଓ ତାଙ୍କ ପୁଅକୁ ହତ୍ୟା କରିବାକୁ ଆସିଥିଲେ । ତା’ ପରେ ଆତ୍ମହତ୍ୟା କରିବାକୁ ଉଦ୍ୟମ କରିଥିଲେ,’’ କହିଛନ୍ତି ଡିସିପି ଉମାଶଙ୍କର ଦାଶ । ରାକେଶ ଓ ପ୍ରିୟଙ୍କା ପ୍ରିୟଦର୍ଶିନୀ ସାହୁଙ୍କ ବିବାହ ୨୦୧୫ରେ ହୋଇଥିଲା ।
ପ୍ରିୟଦର୍ଶିନୀ, ତାଙ୍କ ସ୍ୱାମୀ ରାକେଶ ଓ ଜଗନ୍ନାଥ ସମସ୍ତେ ଯାଜପୁର ଅଞ୍ଚଳର । ପ୍ରିୟଦର୍ଶିନୀ ଓ ଜଗନ୍ନାଥ ଦୁହେଁ ସାଙ୍ଗରେ କଲେଜରେ ପଢୁଥିବା ବେଳେ ପରସ୍ପରକୁ ପ୍ରେମ କରୁଥିଲେ ବୋଲି କୁହାଯାଉଛି । ଦୀର୍ଘ ୧୨ ବର୍ଷ ଧରି ପ୍ରିୟଦର୍ଶିନୀକୁ ଜଗନ୍ନାଥ ଭଲ ପାଉଥିଲେ ଓ ବିଭିନ୍ନ ସମୟରେ ତାଙ୍କ ଘରକୁ ଯା’ଆସ କରୁଥିଲେ ବୋଲି କୁହାଯାଉଛି । ଏହାକୁ ନେଇ ସନ୍ଦେହ କରି ସ୍ବାମୀ ରାକେଶ ଜଗନ୍ନାଥ ସହ ସମ୍ପର୍କ ତୁଟାଇବା ପାଇଁ ପ୍ରିୟଦର୍ଶିନୀଙ୍କୁ ବାଧ୍ୟ କରୁଥିବାରୁ ଜଗନ୍ନାଥ ଏହି ହତ୍ୟା କରିଥିବା ସନ୍ଦେହ କରାଯାଉଛି । ପୋଲିସର ତଦନ୍ତରୁ ସବୁ ତଥ୍ୟ ସାମନାକୁ ଆସିବ ବୋଲି ଆଶା କରାଯାଉଛି ।
