ଭୁବନେଶ୍ବରରେ ବନ୍ଦ ହେଲା ଅଟୋ ଚଳାଚଳ; ଆନ୍ଦୋଳନକୁ ଓହ୍ଲାଇଲେ ଡ୍ରାଇଭର

ମାଷ୍ଟର କ୍ୟାଣ୍ଟନରେ ଶାନ୍ତିପୂର୍ଣ୍ଣ ପ୍ରତିବାଦ କଲା ସ୍ମାର୍ଟ ସିଟି ଅନଲାଇନ ଅଟୋ ଗ୍ରୁପ। ଷ୍ଟେସନ ପରିସରରେ ଅଟୋ ରଖି ରାସ୍ତାକୁ ଓହ୍ଲାଇଲା ସଂଘ।

ପ୍ରଥମେ ପୋଲିସ ଡିଜିଙ୍କ ସହିତ ଆଲୋଚନା, ସୁଫଳ ନ ହେଲେ ଅଚଳ ହେବ ରାଜଧାନୀ। ଜରୁରୀକାଳୀନ ସେବା, ପରୀକ୍ଷାକୁ ଦୃଷ୍ଟିରେ ରଖି ସୂଚନା ଦେଲେ ସଂଘ ସଭାପତି।

ଡ୍ରାଇଭରଙ୍କୁ ହାତରେ ସିଲଟ୍ ଧରାଇ , ମୁଁ ଡ୍ରାଇଭର ଜାତି ପାଇଁ କଳଙ୍କ ଲେଖା ଧରି ଫଟୋ ଉଠାଇବା ପଡ଼ିଲା ମହଙ୍ଗା। ସ୍ମାର୍ଟ ସିଟି ଅନଲାଇନ ଅଟୋ ଗ୍ରୁପ ଆଜି ତାର କଡା ଜବାବ ଦେବ। ସେଥିପାଇଁ ଆଜି ପ୍ରତିବାଦକୁ ଓହ୍ଲାଇଛି ସ୍ମାର୍ଟ ସିଟି ଅନଲାଇନ୍ ଅଟୋ ଗ୍ରୁପ୍।

ଗତକାଲି ଅଲ୍ ଓଡ଼ିଶା ଡ୍ରାଇଭର ମିଳିତ ମହାମଞ୍ଚ ପ୍ରତିବାଦ କରିବା ସମୟରେ ଆନ୍ଦୋଳନରେ ସାମିଲ ହୋଇନଥିବା ଡ୍ରାଇଭରଙ୍କୁ ମୁଣ୍ଡିଆ ମାରିବା, ଫୁଲମାଳ ପିନ୍ଧେଇବା ଭଳି କାମ ଅପମାନିତ କରିବା କଥା କହିଛନ୍ତି ସଙ୍ଘ ସଭାପତି ଦିନବନ୍ଧୁ ନାୟକ।

ଭୁଲ କରିଥିବା ଡ୍ରାଇଭର ମହାସଂଘର ବ୍ୟକ୍ତିମାନଙ୍କ ଉପରେ କାର୍ଯ୍ୟାନୁଷ୍ଠାନ ନହେଲେ ସ୍ମାର୍ଟ ସିଟି ଅନଲାଇନ ଅଟୋ ଗ୍ରୁପ ଆଜି ଭୁବନେଶ୍ୱର ବନ୍ଦ କରିବ।