କଳାହାଣ୍ଡି ଜିଲ୍ଲା ଗସ୍ତରେ ଥିବା 5T ସଚିବ ଭି.କେ ପାଣ୍ଡିଆନ ଆଜି ଦ୍ୱିତୀୟ ଦିନରେ ମଧ୍ୟ ବିଭିନ୍ନ ପ୍ରକଳ୍ପର ସମୀକ୍ଷା କରିଛନ୍ତି । ସକାଳେ ପିପଲ ନାଲା ପ୍ରକଳ୍ପର ସମୀକ୍ଷା କରିବା ସହିତ ଟାଙ୍ଗପଦର ହାଇସ୍କୁଲଯାଇ ସେଠାରେ ଛାତ୍ରଛାତ୍ରୀ ମାନଙ୍କ ସହିତ ଆଲୋଚନା କରିଥିଲେ । ପରେ ଥୁଆମୂଳ ରାମପୁର ମାଁ ମାଣିକେଶ୍ବରୀ ମନ୍ଦିର ଯାଇ ମାଁ ଙ୍କ ଦର୍ଶନ କରିବା ସହିତ ମନ୍ଦିର ନିର୍ମାଣର ସମୀକ୍ଷା କରିଥିଲେ । ସେଠାରୁ କଲେଜ ଆଉ କିଛି ପ୍ରକଳ୍ପର ସମୀକ୍ଷା କରିବା ପରେ କଳମପୁର ଆସି ସେଠାରୁ ଇନ୍ଦ୍ରାବତୀ ମଙ୍ଗଳପୁର ବ୍ୟାରେଜ ନିକଟରେ ପ୍ରସ୍ତାବିତ ଇନ୍ଦ୍ରାବତୀ ପାର୍କ ଏବଂ ମ୍ୟୁଜିୟମ କାର୍ଯ୍ୟର ସମୀକ୍ଷା କରିଥିଲେ । କଳାହାଣ୍ଡିର ଲାଇଫଲାଇନ କୁହାଯାଉଥିବା ଇନ୍ଦ୍ରାବତୀ କେନାଲ, ଆମପାଣି ବୁଢାରାଜା ମନ୍ଦିର ଦର୍ଶନ କରିଥିଲେ । ଏହା ପରେ କଳାହାଣ୍ଡି ଜିଲାର ପ୍ରସିଦ୍ଧ ପର୍ଯ୍ୟଟନସ୍ଥଳୀ ଡୋକରି ଚଞ୍ଚରାକୁ ଯାଇ ତାହାର ଉନ୍ନତିକରଣ ପ୍ରକ୍ରିୟାର ସମୀକ୍ଷା କରିଥିଲେ । ଧର୍ମଗଡରେ ମାଆ ଭଣ୍ଡାରଘରେନଙ୍କ ମନ୍ଦିରର ଉନ୍ନତିକରଣ ନେଇ ଆଲୋଚନା କରିଛନ୍ତି ।
