ହୋମ୍ » ଫଟୋ ଗ୍ୟାଲେରୀ » ଓଡ଼ିଶା
ରାୟଗଡ଼ା: ଜଣେ ଯୁବତୀକୁ ଦୁଇ ଯୁବକ ପ୍ରେମ କଲେ; ଈର୍ଷାରେ ଜଣେ ଅନ୍ୟକୁ ହତ୍ୟା କରି ପୋତିଦେଲା
ଦୁଇ ଯୁବକ ପରସ୍ପରର ଅନ୍ତରଙ୍ଗ ବନ୍ଧୁ ଥିଲେ, ହେଲେ ପ୍ରେମକୁ ନେଇ ଈର୍ଷା ଯୋଗୁଁ ସେହି ବନ୍ଧୁତା ବିଷାକ୍ତ ହୋଇଗଲା । ପ୍ରେମିକାକୁ ସମ୍ପୂର୍ଣ୍ଣ ନିଜର କରିବାକୁ ବନ୍ଧୁକୁ ହତ୍ୟା କରିବସିଲା ଈର୍ଷାରେ ଅନ୍ଧ ଯୁବକ ।
2/ 8
ଜଣେ ଯୁବତୀକୁ ଦୁଇ ଜଣ ଯୁବକ ପ୍ରେମ କରି ବସିଲେ । ହେଲେ ଜଣେ ପ୍ରେମିକ ଅନ୍ୟକୁ ଏତେ ଈର୍ଷ୍ୟା କଲା ଯେ ଶେଷରେ ସେ ତାକୁ ହତ୍ୟା କରିଦେଲା ।
3/ 8
ଏମିତି ହତ୍ୟା କାଣ୍ଡର ଚାଞ୍ଚଲ୍ୟକର ଖବର ଆସିଛି ରାୟଗଡ଼ା ଜିଲ୍ଲା କଲ୍ୟାଣସିଂହପୁର ଥାନା ଅନ୍ତର୍ଗତ ପଙ୍ଗେଲୁ ଅଞ୍ଚଳରୁ ।
4/ 8
ପୋଲିସ ତଦନ୍ତରୁ ଜଣାପଡ଼ିଛି ଯେ ବଲାଙ୍ଗିର ଜିଲ୍ଲା ଟିଟିଲାଗଡ଼ ଗାଁର ଯୁବକ ଉମାକାନ୍ତ ସେହି ଗାଁର ଜଣେ ଯୁବତୀକୁ ପ୍ରେମ କରୁଥିଲା । ଉମାକାନ୍ତର ସାଙ୍ଗ ରୁମାନ୍ ବଗର୍ତ୍ତୀ ମଧ୍ଯ ଉମାକାନ୍ତର ପ୍ରେମିକାକୁ ଏକତରଫା ଭଲପାଇ ବସିଥିଲା ।
5/ 8
ଉମାକାନ୍ତର ଅତି ନିବିଡ଼ ପ୍ରେମକୁ ଦେଖି ସହି ପାରୁ ନ ଥିଲା ରୁମାନ୍ । ତେଣୁ ଉମାକାନ୍ତକୁ ସବୁ ଦିନ ପାଇଁ ରାସ୍ତାରୁ ହଟେଇ ନିଜ ପ୍ରେମକୁ ସୁଦୃଢ଼ କରିବାକୁ ଚାହୁଁଥିଲା ସେ ।
6/ 8
ଯୋଜନା କରି ଉମାକାନ୍ତକୁ ମେ ୩ ତାରିଖ ଦିନ ରାୟଗଡ଼ା ଆଣିଥିଲା ରୁମାନ୍ । ତା’ ପର ଦିନ ଅର୍ଥାତ୍ ୪ ତରିଖ ରାତିରେ ନିଜର ଦୁଇ ଜଣ ସମ୍ପର୍କୀୟଙ୍କ ସହ ଯୋଜନା ଅନୁସାରେ ପାଙ୍ଗେଲୁ ନିକଟସ୍ଥ ଏକ ଆଡ଼ିବନ୍ଧ ନିକଟରେ ଉମାକାନ୍ତକୁ ହତ୍ୟା କରି ପୋତି ଦେଇଥିଲା ରୁମାନ ।
7/ 8
ଉମାକାନ୍ତ ନିଖୋଜ ହୋଇଥିବା ଏତଲା ପାଇବା ପରେ ପୋଲିସ ତା’ ମୋବାଇଲ୍ ଫୋନ୍ ଟ୍ରାକିଂ କରି ଅଭିଯୁକ୍ତ ରୁମାନ ନିକଟରେ ପହଞ୍ଚି ଥିଲା । ପଚରାଉଚରାରେ ରୁମାନ୍ ସତ ମାନିଯାଇଥିଲା । ପୋଲିସ ତାକୁ ନେଇ ଯେଉଁଠି ଉମାକାନ୍ତର ମୃତ ଦେହ ସେ ପୋତିଥିଲା ସେଇଠିକୁ ଯାଇଥିଲା ।
