Cold Cough Home Remedies: ଶୀତ ସମୟରେ କାଶ-ଥଣ୍ଡା ଏବଂ ଜ୍ବର ସମସ୍ୟା ଦେଖାଯାଏ। ଆଜିକାଲି ରୋଗରୁ ଦୂରେଇ ରହିବା ସହଜ ନୁହେଁ। ଥରେ ଥଣ୍ଡା ଏବଂ କାଶର ସମସ୍ୟା ଦେଖାଦେଲେ, ଅନେକ ଦିନ ସିରପ ପିଇଲେ ମଧ୍ୟ ଆରାମ ପାଇବା କଷ୍ଟକର। ଆମ ଘରେ ଏପରି ଅନେକ ଔଷଧୀୟ ବୃକ୍ଷ ଅଛି ଯାହା ଏହି ରୋଗ ବିରୁଦ୍ଧରେ ଲଢ଼ିବା ପାଇଁ କାମ କରେ। ଏହି ଔଷଧୀୟ ବୃକ୍ଷ ଶରୀରର ରୋଗ ପ୍ରତିରୋଧକ ଶକ୍ତି ବଢ଼ାଇ ଥଣ୍ଡା ଏବଂ କାଶ ପରି ସଂକ୍ରାମକ ରୋଗର ଆଶଙ୍କା ଦୂର କରନ୍ତି। ଥାଇମରେ ଉପସ୍ଥିତ ଥିବା ଆଣ୍ଟିଭାଇରାଲ୍ ଏବଂ ଆଣ୍ଟିବାୟୋଟିକ୍ ଗୁଣ ଥଣ୍ଡା ଏବଂ କାଶ ପରି ସଂକ୍ରାମକ ରୋଗ ସହିତ ଲଢ଼ିବା ପାଇଁ କାର୍ଯ୍ୟ କରିଥାଏ। ଏହି ରୋଗଗୁଡିକ ଭଲ କରିବାରେ ଥାଇମ ଚା' ଉପକାରୀ। ତୁଳସୀ ହେଉଛି ଔଷଧୀୟ ଗୁଣର ଭଣ୍ଡାର। ଅନେକ ରୋଗ ତୁଳସୀ ପତ୍ର ଖାଇବା ଦ୍ବାରା ଦୂରେଇଯାଏ। ତୁଳସୀ ଚା' କିମ୍ବା କାଢ଼ା ପ୍ରସ୍ତୁତ କରି ପିଇପାରିବେ। ଏହା ଶ୍ୱାସରୋଗ, ଥଣ୍ଡା, କାଶ ଏବଂ ଜ୍ୱରରେ ଆରାମ ଦେଇଥାଏ। ସୁଗନ୍ଧ ବିସ୍ତାର କରିବା ସହିତ ରୋଜମେରି ରୋଗର ଉପଶମ ପାଇଁ ମଧ୍ୟ କାମ କରେ। ରୋଜେମେରିର ପତ୍ରକୁ ଶୁଙ୍ଗିବା ଦ୍ୱାରା ଅବରୋଧିତ ନାକ ଖୋଲିଥାଏ ଏହା ଯନ୍ତ୍ରଣା ଏବଂ ମୁଣ୍ଡବିନ୍ଧାରେ ମଧ୍ୟ ଆରାମ ଦେଇଥାଏ। ଡାଲଚିନିର ପ୍ରଭାବ ଗରମ ରହିଥାଏ। ଥଣ୍ଡା ଏବଂ ଫ୍ଲୁ ଭଳି ରୋଗରେ ଡାଲଚିନିର କାଢ଼ା ପିଇବା ଅତ୍ୟନ୍ତ ଲାଭଦାୟକ। ଆପଣ ଡାଲଚିନି ପାଉଡର ପାଣିରେ ମିଶାଇ ମଧ୍ୟ ପିଇପାରିବେ। ଥଣ୍ଡା ଏବଂ କାଶ ଦୂର କରିବାରେ ରସୁଣ ଅତ୍ୟନ୍ତ ଲାଭଦାୟକ। ଏଥିରେ ଆଣ୍ଟି-ଭାଇରାଲ୍ ଏବଂ ଆଣ୍ଟି-ବ୍ୟାକ୍ଟେରିଆଲ୍ ଗୁଣ ରହିଛି ଯାହା ସଂକ୍ରାମକ ରୋଗର ଉପଶମ ପାଇଁ କାର୍ଯ୍ୟ କରିଥାଏ। ଭଜା ରସୁଣ ଖାଇବା ଦ୍ୱାରା ଥଣ୍ଡା ଏବଂ କାଶରେ ଆରାମ ମିଳିଥାଏ।
