Tea Side Effects: ପିଉଛନ୍ତି କି ଅଧିକ ଚା'? ସାବଧାନ; ନଚେତ୍ ମାଡ଼ି ବସିବ ଏହି ରୋଗ

ଚା' ମଧ୍ୟରେ ରହିଥିବା ଉତ୍ତେଜିତପଣ ଶରୀରର ଥକ୍କା ଭାବକୁ ଦୂରେଇ ଦେଇଥାଏ। ଶରୀରକୁ ତାଜା ଅନୁଭବ କରାଇଥାଏ ଗୋଟିଏ ଢୋକ ଚା'। ତେଣୁ ଚା'ରେ ଚମତ୍କାରିତା ନିହାତି ରହିଛି। କିନ୍ତୁ ଏହାର ନିୟମିତ ଅଭ୍ୟାସ ଶରୀରକୁ ଦେଇଥାଏ ବହୁତ କିଛି କ୍ଷତିର ସଙ୍କେତ।

ତେଣୁ ଚା' ପିଇବା ଫଳରେ ଆମ ଶରୀରରେ ରହିଥିବା ଗରମକୁ ଏହା ଆହୁରି ଅଧିକ ବଢ଼ାଇ ଦେଇଥାଏ। ଯାହା ଫଳରେ ପେଟରେ ଗ୍ୟାସ ଭଳି ସମସ୍ୟା ସୃଷ୍ଟି ହୋଇଥାଏ। ଚା' ପିଇବା ଫଳରେ ଶରୀରରେ ହଜମ ହେବା ପକ୍ରିୟା ମନ୍ଥର ବା ଧୀର ହୋଇଯାଇଥାଏ। ଚା'ର ଖରାପ ପ୍ରଭାବ ହୃଦୟ ଉପରେ ପଡ଼ିଥାଏ। ଯାହା ଫଳରେ ରକ୍ତଚାପ, ହୃଦଘାତ ଭଳି ସମସ୍ୟା ଦେଖା ଦେଇଥାଏ। ବହୁତ ଅଧିକ ଚା' ପିଇବା ଫଳରେ ଭୋକ ମରିଯାଇଥାଏ ତେଣୁ ଭୋକ ଲାଗେ ନାହିଁ।

ନିଦ ନ ଆସିବା ପାଇଁ ଲୋକମାନେ ବହୁତ ଅଧିକ ଚା' ପିଇଥାନ୍ତି। ଏହା କରିବା ଫଳରେ ଆପଣମାନେ ଧୀରେ ଧୀରେ ମାନସିକ ରୋଗର ଶିକାର ହେବାକୁ ଲାଗନ୍ତି। ଚା' ପିଇବା ଫଳରେ ସ୍ମରଣ ଶକ୍ତି ମଧ୍ୟ ହ୍ରାସ ପାଇଥାଏ। ଚା'ରେ ଅକ୍ସିଡେଣ୍ଟର ମାତ୍ରା ଅଧିକ ରହିଥାଏ। ତେଣୁ ଏହା କିଡନୀରେ ଷ୍ଟୋନ ହେବାର ଏକ ମୁଖ୍ୟ କାରକ ସାଜିଥାଏ। ଚା'ର ସେବନ ପରସ୍ରା ଇନଫେକସନର କାରଣ ହୋଇଥାଏ। ଅଧିକ ଚା' ପିଇବା ଫଳରେ ଶରୀରରେ ଜଳର ମାତ୍ର କମି ଯାଇଥାଏ।

ଚା'ର ଅଭ୍ୟାସ ଛାଡ଼ିବା ପାଇଁ ଆପଣ ମାନଙ୍କ ପାଇଁ ଏତେ ସହଜ ହେବ ନାହିଁ। ତେଣୁ ଆପଣ ଗରମ ପାଣିର ସେବନ ଚା' ଭଳି ଆଗ୍ରହର ସହ ପିଇବାର ଅଭ୍ୟାସ କରନ୍ତୁ। ଆପଣ ଯଦି ବି ଚା' ପିଉଛନ୍ତି ତେବେ ଦିନକୁ ଥରେ କିମ୍ବା ଦୁଇଥର ପିଅନ୍ତୁ। ଚା' ପତିକୁ ପାଣିରେ ଫୁଟାନ୍ତୁ ନାହିଁ।

ପାଣି ଫୁଟିବା ପରେ ହିଁ ଗ୍ୟାସ ବନ୍ଦ କରି ସେଥିରେ ଚା' ପତି ପକାଇ ଘୋଡଣି ଘୋଡାଇ ୫ ମିନିଟ ପର୍ଯ୍ୟନ୍ତ ରହିବାକୁ ଦିଅନ୍ତୁ। ଏହାପରେ ଆପଣ କ୍ଷୀରକୁ ଅଲଗା ଗରମ କରି କପରେ ଢାଳିପାରିବେ। ଏହାପରେ ସେହି ଚା' ପତିର ପାଣିକୁ ଆପଣ ଏଥିରେ ମିଶାଇବା ଦରକାର। ଏହିଭଳି ଉପାୟରେ ଚା' ପ୍ରସ୍ତୁତ କରି ପିଇବା ଜରୁରୀ। ବହୁତ ଅଧିକ ଗରମ ଚାହା ପିଅନ୍ତୁ ନାହିଁ। ଏହା କ୍ୟାନ୍ସର ହେବାର ସମ୍ଭାବନା ସୃଷ୍ଟି କରିଥାଏ।