ଭାରତ-ଚୀନ
Rakhi Purnima: ବାରାଣସୀରେ ମୁସଲିମ୍ ମହିଳାମାନେ ମୋଦିଙ୍କ ପାଇଁ ତିଆରି କରୁଛନ୍ତି ସ୍ୱଦେଶୀ ରାକ୍ଷୀ
ରାକ୍ଷୀ ପୂର୍ଣ୍ଣିମା ଭାଇ-ଭଉଣୀଙ୍କ ସ୍ନେହର ପ୍ରତୀକ । ବାରାଣସୀର ମୁସଲମାନ ମହିଳାମାନେ ତାଙ୍କ କ୍ଷେତ୍ରରୁ ସାଂସଦ ନିର୍ବାଚିତ ହୋଇଥିବା ପ୍ରଧାନ ମନ୍ତ୍ରୀ ନରେନ୍ଦ୍ର ମୋଦିଙ୍କ ପାଇଁ ବିଶେଷ ରାକ୍ଷୀ ପ୍ରସ୍ତୁତ କରୁଛନ୍ତି । ଏହି ରାକ୍ଷୀ ସେମାନେ ମୋଦିଙ୍କୁ ପଠାଇବେ ।
ରାକ୍ଷୀ ପୂର୍ଣ୍ଣିମା ଭାଇ-ଭଉଣୀଙ୍କ ସ୍ନେହର ପ୍ରତୀକ । ବାରାଣସୀର ମୁସଲମାନ ମହିଳାମାନେ (Muslim women) ତାଙ୍କ କ୍ଷେତ୍ରର ସାଂସଦ ଥିବା ପ୍ରଧାନ ମନ୍ତ୍ରୀ ନରେନ୍ଦ୍ର ମୋଦିଙ୍କ (PM Narendra Modi) ପାଇଁ ବିଶେଷ ରାକ୍ଷୀ (Rakhi) ପ୍ରସ୍ତୁତ କରୁଛନ୍ତି । ରାକ୍ଷୀ ପୂର୍ଣ୍ଣିମା (Raksha Bandhan 2020) ପୂର୍ବରୁ ଏହି ମୁସଲିମ୍ ମହିଳାମାନେ ପ୍ରଧାନ ମନ୍ତ୍ରୀ ମୋଦିଙ୍କ ପାଇଁ ରାକ୍ଷୀ ତିଆରିରେ ଲାଗିପଡ଼ିଛନ୍ତି । ରାକ୍ଷୀ ପ୍ରସ୍ତୁତ ହେବା ପରେ ମୋଦିଙ୍କୁ ପଠାଯିବ ।
୨୦୧୪ରୁ ହିଁ ମୋଦି ବନାରସରୁ ସାଂସଦ ଅଛନ୍ତି । ସେବେ ଠାରୁ ବାରାଣସି ବା କାଶୀର ମୁସଲିମ୍ ମହିଳା ଫାଉଣ୍ଡେସନର ରାଷ୍ଟ୍ରୀୟ ଅଧ୍ୟକ୍ଷ ନାଜନିନ ଅଂସାରିଙ୍କ ନେତୃତ୍ୱରେ ମୁସଲମାନ ମହିଳାମାନେ ରାକ୍ଷୀ ତିଆରି କରି ମୋଦିଙ୍କ ପାଖକୁ ପଠାଉଛନ୍ତି । (ଏହି ଫଟୋ ଗତ ବର୍ଷ ରାକ୍ଷି ପୂର୍ଣ୍ଣିମା ସମୟର ଫଟୋ ।)
ବନାରସର ଇନ୍ଦ୍ରଶ ନଗର (ଲମହି)ର ସୁଭାଷ ଭବନରେ ମୁସଲିମ୍ ମହିଳା ଫାଉଣ୍ଡେଶନ ଓ ବିଶାଳ ଭାରତ ସଂସ୍ଥାନର ତତ୍ୱାବଧାନରେ ସାମାଜିକ ଦୂରତ୍ୱ ରକ୍ଷା କରି ମହିଳାମାନେ ମୋଦି ଓ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ପାଇଁ ରାକ୍ଷୀ ତିଆରି କରୁଛନ୍ତି ।
ମୁସଲିମ ମହିଳାମାନେ ଢୋଲର ତାଳ ସହ ସ୍ୱରଚିତ ଗୀତ ଗାଇ ରାକ୍ଷୀ ତିଆରି ଆରମ୍ଭ କରିଛନ୍ତି । ସିତାରା, ଟିକ୍କି, ଗତା, ଲେସ୍ ଓ ମୋଦିଙ୍କ ଫଟୋ ପ୍ରୟୋଗ କରି ମୋଦି ରାକ୍ଷୀ ତିଆରି ହେଉଛି ।
ଏଥର ମଧ୍ୟ ଆମେରିକା ରାଷ୍ଟ୍ରପତି ଟ୍ରମ୍ପଙ୍କ ପାଇଁ ରାକ୍ଷୀ ତିଆରି ହେଉଛି । ମୁସଲିମ ମହିଳା ଫାଉଣ୍ଡେଶନର ରାଷ୍ଟ୍ରୀୟ ଅଧ୍ୟକ୍ଷ ନାଜନିନ ଅଂସାରି କହିଛନ୍ତି, ‘‘ଟ୍ରମ୍ପ ଯେପରି ଭାବେ ଚୀନ୍ ପ୍ରସଙ୍ଗରେ ଭାରତକୁ ସମର୍ଥନ କରିଛନ୍ତି ସେଥିରେ ଆମେ ବେଶ ଖୁସି । ଚୀନ୍ର ଧୋକାଦାରି ଓ ବିସ୍ତାରବାଦୀ ନୀତି ଯୋଗୁ କ୍ରୋଧିତ ମୁସଲିମ ମହିଳାମାନେ ଚୀନର ରାକ୍ଷୀ ବହିଷ୍କାର କରିବାକୁ ଘୋଷଣା କରିଛନ୍ତି ।’’
