Puri News: ଚଳଚଞ୍ଚଳ ରଥ ଖଳା; ଚାଲିଛି କରତିଆ ସେବକଙ୍କ ଦ୍ୱାରା ତୁମ୍ଭ କଟା

Chariot Construction Work ; ଆରମ୍ଭ ହୋଇ ଯାଇଛି ପୁରୀରେ ମହାପ୍ରଭୁଙ୍କ (Lord Jagannath) ରଥ ନିର୍ମାଣ କାର୍ଯ୍ୟ । କରତିଆ ସେବକଙ୍କ ଦ୍ୱାରା ତୁମ୍ବ କଟା କାର୍ଯ୍ୟ ଚାଲିଛି । ବିଶ୍ୱକର୍ମା ମହାରଣାଙ୍କ କୁରାଢି ସ୍ପର୍ଶ ପରେ ରଥ ନିର୍ମାଣ (Chariot Construction Work ) ଆରମ୍ଭ ହୋଇଛି । ଆଜି ସକାଳୁ ସେହି ମାପରେ କରତିଆ ସେବକ ତୁମ୍ବ ହଣା କାର୍ଯ୍ୟ ଆରମ୍ଭ ହୋଇଛି ।

ରଥ ସଂହିତା ଅନୁଯାୟୀ ଅକ୍ଷୟ ତୃତୀୟାରେ ରଥ ନିର୍ମାଣ ଆରମ୍ଭ ହୋଇ ଭଉଁରୀ ଦିନ ତିନି ରଥର ଅଖ ଚକ ସଂଯୋଗ ନୀତି ଅନୁଷ୍ଠିତ ହେବ । ପରେ ସ୍ନାନ ପୂର୍ଣ୍ଣିମା ଦିନ ତିନି ରଥର ୪ ନାହାକା ଉଠିବା ପରମ୍ପରା କରାଯିବ ।  ମହାପ୍ରଭୁଙ୍କ ଦ୍ବାଦଶ ଯାତ୍ରା ଅକ୍ଷୟ ତୃତୀୟା ଅନ୍ୟତମ । ଆଉ ଏହି ଦିନରେ  ମହାପ୍ରଭୁଙ୍କ ରଥ ନିର୍ମାଣ କାର୍ଯ୍ୟ ଆରମ୍ଭ ହୋଇଥାଏ । ବିଧି ମୁତାବକ ଶ୍ରୀନଅର ରଥଖଳାରେ ତିନୋଟି ଧଉରା କାଠକୁ  ପୂର୍ବରୁ ଶୋସ୍ତ୍ରୀୟ ବ୍ରାହ୍ମଣମାନେ ବନଯାଗ ବିଧିରେ ପୂଜାର୍ଚ୍ଚନା କରିଥାନ୍ତି ।

ଆଜି ଭୋର ୩ଟା ୫୦ ରେ ମଙ୍ଗଳ ଆଳତି ହୋଇଥିବା ବେଳେ 4ଟା40 ରେ ଗୋପାଳବଲ୍ଲଭ ପୂଜା ଆରମ୍ଭ ହୋଇ ୦୭.୪୦ ରେ ଗୋପାଳବଲ୍ଲଭ ଶେଷ ହୋଇଛି । ଏବଂ ୦୭.୫୦ରେ ସକାଳ ଧୂପ ଆରମ୍ଭ ହୋଇ ୦୯.୪୦ରେ ଶେଷ ହୋଇଛି । ତାପରେ ଘଣ୍ଟ ଛତା ଯାତ ଭୋଗ ମଧ୍ୟାହ୍ନ ଧୂପ ପୂଜା ୦୨.୫୫ରେ ହୋଇଥିବା ବେଳେ ମଧ୍ୟାହ୍ମ ଧୁପ ୪ଟାରେ ସରିଛି।

ତେବେ ଏହାପରେ  ମହାପ୍ରଭୁଙ୍କର ରଥ ନିର୍ମାଣ ପାଇଁ ଆଜ୍ଞାମାଳ ଏକ ବିରାଟ ପଟୁଆରରେ ବିଜେ କରିବା ପରେ ତିନି ବାଡ଼ର ପୁଜାପଣ୍ଡା ସାମନ୍ତ ମହାପ୍ରଭୂଙ୍କ ତିନୋଟି ଆଜ୍ଞାମାଳ ଆଣି ତିନିଟି ଧଉରା କାଠ ଉପରେ ରଖା ଯିବାର ବିଧି ରହିଛି ।ଏହା ପରେ ଆଜ୍ଞାମାଳ ଆସିବା ପରେ ପୁଜାର୍ଚନା କରାଯାଇ ରଥକାଠ ଅନୁକୁଳ ପରେ ରଥନିର୍ମାଣର ବିଧି ଆରମ୍ଭ ହେବ ।

ଶ୍ରୀଜିଉଙ୍କୁ ଆଜିର ଦିନରେ ନରେନ୍ଦ୍ର ପୁଷ୍କରିଣୀକୁ ଚାପ ଖେଳିବା ପାଇଁ ଆସିଥାନ୍ତି । ସେଥିପାଇଁ ନରେନ୍ଦ୍ରପୁଷ୍କରିଣୀର ଚନ୍ଦନ ଚକଡା , ମନ୍ଦିରକୁ ଅତି ସୁନ୍ଦର ଭାବରେ ଆଲୋକମାଳାରେ ସଜ୍ଜିତ କରାଯାଇଛି ।

ଶ୍ରୀକ୍ଷେତ୍ରରେ ଏହି ବିଶେଷ ପର୍ବପାଇଁ ଶ୍ରୀମନ୍ଦିର ପ୍ରଶାସନ ପକ୍ଷରୁ ସ୍ୱତନ୍ତ୍ର ବ୍ୟବସ୍ଥା କରାଯାଇଥିବା ବେଳେ ଭଗବାନଙ୍କ ଦର୍ଶନ ପାଇଁ ବେଶ ଲୋକାରଣ୍ୟ ହୋଇଛି ବଡ଼ ଦାଣ୍ଡ   ।

ଆଜି ଠାରୁ 21 ଦିନ ପର୍ଯ୍ୟନ୍ତ ମହାପ୍ରଭୁ ନରେନ୍ଦ୍ର ପୁଷ୍କରିଣୀରେ ଜଳକ୍ରୀଡା କରିବେ।