ଅଜବ ପରମ୍ପରା: ସ୍ୱାମୀ ମରିଗଲେ ତାଙ୍କ ଶବ ସହ ପତ୍ନୀ ଶୋଇବା ଜରୁରୀ; ଫସଲ ଋତୁ ପୂର୍ବରୁ ସେକ୍ସ

ବିଶ୍ୱର କୋଣ ଅନୁକୋଣରେ ବିଭିନ୍ନ ସଂସ୍କୃତି ଓ ରୀତିନୀତି ପ୍ରଚଳିତ । ଆମ ଦେଶ ଭାରତରେ ବି ବିଭିନ୍ନ ବିଚାର ଓ ପରମ୍ପରା ଅଛି । ପ୍ରତ୍ୟେକ ସଂସ୍କୃତିର ଲୋକେ ନିଜ ପରମ୍ପରା ଓ ପ୍ରଥା ପାଳନ କରନ୍ତି ।

ଏମିତି ଗୋଟିଏ ଜନଜାତି ଅଛି ଯେଉଁଠି ପତ୍ନୀଙ୍କୁ ନିଜ ସ୍ୱାମୀଙ୍କ ମୃତ ଦେହ ପାଖରେ ଗୋଟିଏ କୋଠରୀରେ ଶୋଇବାକୁ ପଡ଼େ । ଏହା ସେହି ଜନଜାତିର ପରମ୍ପରା । ଶବକୁ ସେଠାରୁ ଉଠାଇ ଅନ୍ତିମ ସଂସ୍କାର ପାଇଁ ନେବା ପର୍ଯ୍ୟନ୍ତ ପତ୍ନୀ ତାଙ୍କ ପାଖରେ ଶୁଅନ୍ତି । ଏହି ପରମ୍ପରା ଆପ୍ରିକାର କେନିଆ ଦେଶର ଲୁଓ ଜନଜାତିର (Luo tribe in Africa) ଲୋକେ ପାଳନ କରନ୍ତି ।

ଏହି ପରମ୍ପରା ସଦ୍ୟ ବିଧବା ହୋଇଥିବା ପତ୍ନୀଙ୍କ ମାନସିକ ପରିଷ୍କାରତା ପାଇଁ କରାଯାଏ ବୋଲି ବିଶ୍ୱାସ ରହିଛି । ସ୍ୱାମୀ ମରିଯିବା ପରେ ପତ୍ନୀ ତାଙ୍କ ଶବ ସହିତ ରାତି ସାରା ଶୋଇବା ଜରୁରୀ । ଖାଲି ସେତିକି ନୁହେଁ, ସେଇଠି ଶୋଇ ସ୍ୱାମୀଙ୍କ ସହିତ ସେ ସ୍ୱାମୀଙ୍କ ସହିତ ଯୌନ ସମ୍ପର୍କ (sex relation) ବିଷୟରେ ସେ ଶେଷ ଥର ପାଇଁ କଳ୍ପନା କରିବା ବି ଆବଶ୍ୟକ ।ଏହା ଦ୍ୱାରା ସ୍ୱାମୀଙ୍କ ଆତ୍ମାକୁ ମୋକ୍ଷ ମିଳିବ ଓ ପତ୍ନୀ ମଧ୍ୟ ମାନସିକ ଭାବେ ପରିଷ୍କାର ହେବେ ବୋଲି ବିଶ୍ୱାସ ରହିଛି । ଏହି ପରମ୍ପରା ପାଳନ କରିବା ପରେ ପତ୍ନୀ ଆଉ ଥରେ ବିବାହ କରିପାରିବେ ।

ସ୍ୱାମୀ ଓ ସ୍ତ୍ରୀଙ୍କ ମଧ୍ୟରେ ଝଗଡ଼ା ହେବା ସାଧାରଣ କଥା । କିନ୍ତୁ ଯଦି ଝଗଡ଼ା ହୁଏ ଓ ଜଣେ ଅନ୍ୟକୁ ପିଟେ, ତାହେଲେ ଲୁଓ ସମ୍ପ୍ରଦାୟର ବରିଷ୍ଠ ଲୋକେ ସେଠାକୁ ଆସି ଝଗଡ଼ା ସମାଧାନ କରନ୍ତି ଓ ଝଗଡ଼ା କରୁଥିବା ପତି ଓ ପତ୍ନୀଙ୍କୁ ଘର ଭିତରକୁ ଯାଇ ଯୌନ କ୍ରିୟା (sex act) କରିବାକୁ କହନ୍ତି ।

କେନ୍ୟା ଦେଶର ନ୍ୟାଞ୍ଜା ରାଜ୍ୟରେ (Nyanza) ରହୁଥିହା ଲୁଓ ଜନଜାତିରେ ନିଜ ମା’ଙ୍କୁ ଏତେ ସମ୍ମାନ କରାଯାଏ ଯେ ମା’ଙ୍କ ଅନ୍ତବସ୍ତ୍ର (underwear) ଛୁଇଁବା ଏକ ବଡ଼ ପାପ ବୋଲି ବିବେଚନା କରାଯାଏ ।

ଲୁଓ ଜନଜାତିରେ ବହୁବିବାହ ପରମ୍ପରା (polygamy) ଅଛି । ସ୍ୱାମୀ କେତେ ଜଣ ସ୍ତ୍ରୀ ରଖିପାରିବେ ତାଙ୍କ ପତ୍ନୀମାନେ ସେଥିରେ କୌଣସି ଆପତ୍ତି କରନ୍ତି ନାହିଁ ।

ଫସଲ ଲଗେଇବା ଋତୁ ଆରମ୍ଭ ହେବାର ପୂର୍ବ ଦିନ ପୁରୁଷ ନିଜ ପ୍ରଥମ ସ୍ତ୍ରୀଙ୍କ ସହ ଯୌନ ସମ୍ପର୍କ ରଖିବା ଜରୁରୀ । ଏହି ପରମ୍ପରା ବିଶେଷତଃ ବୟସ୍କ ପୁରୁଷମାନଙ୍କ ପାଇଁ ପାଳନ କରାଯାଏ ଯେଉଁମାନେ ଯୌନାଭ୍ୟାସ ଛାଡ଼ିଦେଇଛନ୍ତି ଓ ଉତ୍ତେଜନା ପାଇବାକୁ ତାଙ୍କୁ ସମୟ ଲାଗୁଛି ।