ବର୍ଷା-ଅନୁଭବ ବିବାଦ: ବର୍ଷାଙ୍କୁ ଲାଗିଲା ଝଟକା! ତାଙ୍କ ଆବେଦନ ଖାରଜ କଲେ କଟକ ଫ୍ୟାମିଲି କୋର୍ଟ

ନିଜ ସ୍ୱାମୀ ଅନୁଭବ ମହାନ୍ତିଙ୍କ ସହ ଚାଲିଥିବା ପାରିବାରିକ ବିବାଦରେ ଅଭିନେତ୍ରୀ ବର୍ଷା ପ୍ରିୟଦର୍ଶିନୀଙ୍କୁ ଝଟକା ଲାଗିଛି ।

ଓଲିଉଡ ଅଭିନେତ୍ରୀ ବର୍ଷା ପ୍ରିୟଦର୍ଶିନୀ (Varsha Priyadarshini) ତାଙ୍କ ଅଭିନେତା-ନେତା ସ୍ୱାମୀ ଅନୁଭବ ମହାନ୍ତି ଦାୟର କରିଥିବା ଛାଡପତ୍ର ଆବେଦନକୁ ବିନା ଶୁଣାଣିରେ ଖାରଜ କରିଦେବାକୁ ପ୍ରାର୍ଥନା କରିଥିଲେ । ହେଲେ ମଙ୍ଗଳବାର ଦିନ (ଅଗଷ୍ଟ ୩୧) କଟକର ଏକ ପରିବାର କୋର୍ଟ ବର୍ଷାଙ୍କ ଏହି ପ୍ରାର୍ଥନାକୁଖାରଜ କରିଦେଇଛି । (ଫାଇଲ୍‌ ଫଟୋ)

ବର୍ଷାଙ୍କ ଓକିଲ ଦାୟର କରିଥିବା ଆବେଦନରେ କୁହାଯାଇଥିଲା ଯେ ତାଙ୍କ ସ୍ୱାମୀ ତଥା କେନ୍ଦ୍ରାପଡ଼ା ସାଂସଦ ଅନୁଭବ ମହାନ୍ତିଙ୍କ (Anubhav Mohanty) ଛାଡ଼ପତ୍ର ଆବେଦନରେ ଅନେକ ତଥ୍ୟଗତ ତ୍ରୁଟି ରହିଛି । (ଫାଇଲ୍ ଫଟୋ)

ହେଲେ ପରିବାର କୋର୍ଟ କହିଛନ୍ତି ଯେ ଅନୁଭବଙ୍କ ଛାଡ଼ପତ୍ର ଆବେଦନରେ ଏତେ ତଥ୍ୟ ଅଛି ଯେ ତା’ର ବିସ୍ତୃତ ଶୁଣାଣି ଆବଶ୍ୟକ । ଅନୁଭବଙ୍କ ଛାଡ଼ପତ୍ର ଆବେଦନକୁ (Varsha Anubhav divorce case) ବିନା ଶୁଣାଣିରେ ଖାରଜ କରାଯାଇ ପାରିବ ନାହିଁ ବୋଲି କହିଛନ୍ତି କୋର୍ଟ । (ଫାଇଲ୍ ଫଟୋ)

ଏହା ପୂର୍ବରୁ ଅଗଷ୍ଟ ୨୬ ତାରିଖରେ ଓଡ଼ିଶା ହାଇ କୋର୍ଟ ଅନୁଭବ ମହାନ୍ତିଙ୍କ ଏକ ପ୍ରାର୍ଥନାକୁ ଖାରଜ କରିଦେଇଥିଲେ । ସେଥିରେ ଅନୁଭବ ନିଜ ଛାଡପତ୍ର ଆବେଦନର ଶୀଘ୍ର ଶୁଣାଣି କରାଇବା ଆଦେଶ ଦେବା ପାଇଁ ହାଇ କୋର୍ଟଙ୍କୁ ଅନୁରୋଧ କରିଥିଲେ । ହାଇ କୋର୍ଟ ମହାନ୍ତିଙ୍କ ଓକିଲଙ୍କୁ କହିଥିଲେ ଯେ ସେ ଯଦି ଚାହାଁନ୍ତି ତେବେ ତଳ କୋର୍ଟରେ କିମ୍ବା ଫ୍ୟାମିଲି କୋର୍ଟରେ ଏହି ଆବେଦନ କରିପାରନ୍ତି । (ଫାଇଲ୍ ଫଟୋ)

ଅନୁଭବ ହାଇ କୋର୍ଟରେ ନିଜ ପ୍ରାର୍ଥନାରେ କହିଥିଲେ ଯେ ବର୍ଷା ଜାଣିଶୁଣି କୋର୍ଟର ଶୁଣାଣିକୁ ବିଳମ୍ବିତ କରୁଛନ୍ତି । ଅନୁଭବ କହିଥିଲେ ଯେ ମଧ୍ୟସ୍ଥତା କେନ୍ଦ୍ରରେ ହାଜର ହେବା ପାଇଁ ପୂର୍ବ ସୂଚନା ପାଇଥିବା ସତ୍ତ୍ୱେ ବର୍ଷା ସେଠାକୁ ଆସୁନାହାନ୍ତି । (ଫାଇଲ୍ ଫଟୋ)

ଏହାର ଉତ୍ତରରେ ବର୍ଷାଙ୍କ ଓକିଲ ଅଭିଯୋଗ କରିଥିଲେ ଯେ ଅନୁଭବ ନ୍ୟାୟାଳୟର ସଠିକ ପଦ୍ଧତି ଅନୁସରଣ କରୁନାହାନ୍ତି । (ଫାଇଲ୍ ଫଟୋ)

ଦିଲ୍ଲୀର ପଟିଆଲା ହାଉସ୍ କୋର୍ଟରେ ଅନୁଭବ ଦାଖଲ କରିଥିବା ୪୭ ପୃଷ୍ଠାର ଛାଡପତ୍ର ଆବେଦନରେ ସେ ଅଭିଯୋଗ କରିଛନ୍ତି ଯେ ତାଙ୍କ ପତ୍ନୀ ବର୍ଷା ପ୍ରିୟଦର୍ଶିନୀ ତାଙ୍କ ସହ ଯୌନ ସମ୍ପର୍କକୁ ଅନୁମତି ଦେଉ ନାହାଁନ୍ତି ଓ ପ୍ରାକୃତିକ ପତିପତ୍ନୀର ସମ୍ପର୍କରେ ବାଧା ସୃଷ୍ଟି କରୁଛନ୍ତି । (ଫାଇଲ୍ ଫଟୋ)

ବର୍ଷା ପ୍ରିୟଦର୍ଶିନୀଙ୍କ ଅନୁରୋଧ କ୍ରମେ ଦିଲ୍ଲୀର କୋର୍ଟରୁ ସେହି ଛାଡପତ୍ର ମାମଲା କଟକର ଫ୍ୟାମିଲି କୋର୍ଟକୁ ସ୍ଥାନାନ୍ତର କରିବାକୁ ସୁପ୍ରିମ କୋର୍ଟ ନିର୍ଦ୍ଦେଶ ଦେଇଥିଲେ । (ଫାଇଲ୍ ଫଟୋ)

ଅନୁଭବ ଛାଡପତ୍ର ଆବେଦନ କରିବା ପରଠାରୁ ବର୍ଷା ତାଙ୍କ ବିରୁଦ୍ଧରେ ବେଶ୍ କିଛି ପାରିବାରିକ ହିଂସା ମାମଲା ଥାନାରେ ଦାୟର କରିଥିଲେ । (ଫାଇଲ୍ ଫଟୋ)

ଅନୁଭବ ମହାନ୍ତିଙ୍କ ଛାଡପତ୍ର ଆବେଦନ ଉପରେ ପରବର୍ତ୍ତୀ ଶୁଣାଣି ସେପ୍ଟେମ୍ବର ୧୪ରେ ହେବ ବୋଲି କଟକର ଫ୍ୟାମିଲି କୋର୍ଟ ତାରିଖ ଧାର୍ଯ୍ୟ କରିଛନ୍ତି । (ଫାଇଲ୍‌ ଫଟୋ)