Hindi Version of Daman released: କ୍ୟାବ ମିଳିଲାନି, ଅଟୋରେ ଗଲେ ବାବୁସାନ ଓ ଦମନ କଳାକାର

ଆଜି 'ଦମନ'ର ହିନ୍ଦୀ ଭର୍ସନ ସାରା ଭାରତରେ ରିଲିଜ ହୋଇଛି। ଏଥିପାଇଁ ଦମନର ପୂରା ଟିମ୍ ମୁମ୍ବାଇ ଗସ୍ତରେ ଅଛନ୍ତି। ଆଜି ମୁମ୍ବାଇ ପିଭିଆର ହଲରେ ପ୍ରିମିୟର ଶୋ’ କରାଯିବ।

ଏହି ଅବସରରେ ସ୍ବପ୍ନର ନଗରୀରେ ଅଟୋରେ ବସି ଯାତ୍ରା କରିବାର ସୁଯୋଗ ହାତ ଛଡ଼ା କରିନାହାଁନ୍ତି ଦମନ ହିରୋ ବାବୁସାନ, ଦୀପନ୍ବିତଙ୍କ ଭଳି କଳାକାର। କଳାକାରମାନେ ବେଶ ଖୁସି ଥିବାର ନଜର ଆସୁଛନ୍ତି।

ଆଜି ୫୦୦ ହଲରେ ରିଲିଜ ଓଲିଉଡର ଲୋକପ୍ରିୟ ଅଭିନେତା ବାବୁସାନଙ୍କ ସୁପରହିଟ୍ ଫିଲ୍ମ ଦମନ ଫିଲ୍ମର ହିନ୍ଦୀ ଭର୍ସନ। ୨୦୨୨ ନଭେମ୍ବରରେ ଡାକ୍ତରଙ୍କ ନିଆରା କାହାଣୀକୁ ନେଇ ଓଡ଼ିଆରେ ରିଲିଜ ହୋଇଥିଲା ଏହି ଫିଲ୍ମ। ଯାହାକୁ ବେଶ୍ ଲୋକପ୍ରିୟତା ମିଳିପାରିଥିଲା।

ଜେପି ମୋସନ୍ ପିକଚର୍ସ ବ୍ୟାନରରେ ଓ ମେଣ୍ଟିସ୍ ଫିଲ୍ମସ ମିଳିତ ଭାବେ ପ୍ରସ୍ତୁତ ଏହି ସିନେମାର ମୁଖ୍ୟ ପ୍ରଯୋଜକ ହେଲେ ଦୀପେନ୍ଦ୍ର ସାମଲ। ସେହିପରି କାହାଣୀ, ଚିତ୍ରନାଟ୍ୟ ପ୍ରସ୍ତୁତି ସାଙ୍ଗକୁ ନିର୍ଦ୍ଦେଶନା ଦେଇଛନ୍ତି ବିଶାଳ ମୌର୍ଯ୍ୟ ଏବଂ ଦେବୀ ପ୍ରସାଦ ଲେଙ୍କା। ଡିଓପିରେ ପ୍ରତାପ ରାଉତ, ସଙ୍ଗୀତରେ ଗୌରବ ଆନନ୍ଦ, ଗୀତ ରଚନାରେ ଦିବ୍ୟଜିତ୍ ସାହୁ ଓ ଏଡିଟିଂରେ ଦେବୀ ପ୍ରସାଦ ଲେଙ୍କା ନିଜର ଶାନଦାର ପ୍ରଦର୍ଶନ ଦେଖାଇଛନ୍ତି।

ଅଭିନେତା ବାବୁସାନ୍‌ଙ୍କ ନିଖୁଣ ଅଭିନୟକୁ ଲୋକମାନେ ବେଶ୍‌ ପ୍ରଶଂସା କରିଛନ୍ତି। ତେଣୁ ଓଡ଼ିଆ ପରି ହିନ୍ଦୀ ଭାଷାରେ ମଧ୍ୟ ଚଳଚ୍ଚିତ୍ରକୁ ସେହିଭଳି ଭଲପାଇବା ଏବଂ ଲୋକପ୍ରିୟତା ମିଳିବ ବୋଲି ଆଶା କରାଯାଉଛି। ଫଟୋ ସୌଜନ୍ୟ: (ଦୀପନ୍ବିତ ମହାପାତ୍ର ଫେସବୁକ ପୃଷ୍ଠା)