ନିକଟରେ ମୃତ୍ୟୁ ବରଣ କରିଥିବା କଳାକାର; ଯାହାଙ୍କୁ ଆଜି ବି ଝୁରୁଛି ପୁରା ଓଡିଶା

ପିଣ୍ଟୁ ନନ୍ଦ : ନିକଟରେ ଓଲିଉଡ଼ ଅଭିନେତା ପିଣ୍ଟୁ ନନ୍ଦ ୪୫ ବର୍ଷ ବୟସରେ ଶେଷ ନିଶ୍ଵାସ ତ୍ୟାଗ କରିଛନ୍ତି । ପିଣ୍ଟୁ ନନ୍ଦ ଉଭୟ ଓଡ଼ିଆ ସିନେମା ଏବଂ ଟେଲିଭିଜନ ଦୁନିଆରେ ଜଣେ ଚର୍ଚ୍ଚିତ କଳାକାର ଥିଲେ। ବିଭିନ୍ନ ସିନେମା ଏବଂ ଧାରାବାହିକରେ ନିଜର ଅଭିନୟ ଜରିଆରେ ସେ ଅନେକ ସଫଳତା ହାସଲ କରିଥିଲେ। ‘ଏ ଗଉରା’ ଆଲବମ ତାଙ୍କୁ ଦେଇଥିଲା ସ୍ଵତନ୍ତ୍ର ପରିଚୟ। ତାଙ୍କର ହାସ୍ୟ ଅଭିନୟକୁ ସମସ୍ତେ ବେଶ ପସନ୍ଦ କରୁଥିଲେ।୧୯୭୮ ମସିହାରେ ଜନ୍ମିତ ପିଣ୍ଟୁ ନନ୍ଦ ୧୭ ବର୍ଷ ବୟସରେ ଅଭିନୟ ଆରମ୍ଭ କରିଥିଲେ । ୧୯୯୬ ମସିହାରେ ‘କୋଇଲି’ ଫିଲ୍ମ ଜରିଆରେ ସେ ଚଳଚ୍ଚିତ୍ର ଜଗତରେ ପାଦ ରଖିଥିଲେ। ‘ରଙ୍ଗ ନମ୍ବର’, ‘ପ୍ରେମ ରୁତୁ ଆସିଲାରେ’, ‘ଦୋସ୍ତି’, ‘ହାତ ଧରି ଚାଲୁଥା’ ଭଳି ଫିଲ୍ମରେ ଅଭିନୟ ପାଇଁ ସେ ବେଶ ଲୋକପ୍ରିୟ ହୋଇପାରିଥିଲେ । ଆଜି ବି ତାଙ୍କୁ ଝୁରୁଛି ପୁରା ଓଡିଶା ।

ବିଜୟ ମହାନ୍ତି : ଓଡିଆ ଫିଲ୍ମ ଇଣ୍ଡଷ୍ଟ୍ରିର ପ୍ରସିଦ୍ଧ ଅଭିନେତା ବିଜୟ ମହାନ୍ତି । ବିଜୟ ଦୀର୍ଘ ଅନେକ ବର୍ଷ ଧରି ଅସୁସ୍ଥ ଥିଲେ ଓ ଗତ କିଛି ବର୍ଷ ପୂର୍ବେ ତାଙ୍କର ମୃତ୍ୟୁ ବରଣ ହୋଇ ଥିଲା । ମୃତ୍ୟୁ ବେଳକୁ ତାଙ୍କୁ ୭୦ ବର୍ଷ ବୟସ ହୋଇଥିଲା । ଏକାଧାରରେ ଥିଏଟର ଓ ଚଳଚ୍ଚିତ୍ର ଅଭିନୟ ସହ ଅଧ୍ୟାପନା କ୍ଷେତ୍ରରେ ନାମ କମାଇଥିବା ବିଜୟ ମହାନ୍ତି ୧୯୫୦ ମସିହାରେ କେନ୍ଦ୍ରାପଡା ଜିଲ୍ଲାର ପଣ୍ଡାରି ଗ୍ରାମରେ ନ୍ମଗ୍ରହଣ କରିଥିଲେ । ତେବେ ମୟୂରଭଞ୍ଜର ବାରିପଦାରେ ସେ ସ୍କୁଲ ଓ କଲେଜ ଶିକ୍ଷା ଗ୍ରହଣ କରିଥିଲେ । ସ୍ନାତକ ଶିକ୍ଷା ଶେଷ ପରେ ସେ ଦିଲ୍ଲୀର ନ୍ୟାଶନାଲ ସ୍କୁଲ ଅଫ୍ ଡ୍ରାମାରେ ନାମ ଲେଖାଇଥିଲେ ।

ମିହିର ଦାସ : କିଛିଦିନ ତଳେ ଓଡ଼ିଆ ଚଳଚ୍ଚିତ୍ର ଜଗତର ଜଣାଶୁଣା ଅଭିନେତା ମିହିର ଦାସଙ୍କ ପରଲୋକ ହୋଇଥିଲା । ଓଲିଉଡ୍‌ର କାକା ଭାବେ ପରିଚିତ ଭେଟ୍‌ରାନ୍‌ ଅଭିନେତା ମିହିର ଦାସ ୧୯୫୯ ମସିହା ଫେବୃଆରୀ ୧୧ ତାରିଖରେ ମୟୂରଭଞ୍ଜ ଜିଲ୍ଲା ବାରିପଦାରେ ଜନ୍ମଗ୍ରହଣ କରିଥିଲେ। ପିଲା ବେଳେ କଳା ପ୍ରତି ତାଙ୍କର ଦୁର୍ବଳତା ଥିଲା। ସେ ପ୍ରଥମେ ଆର୍ଟ ଫିଲ୍ମରେ ଅଭିନୟ କରିଥିଲେ। ତାହା ଥିଲା ‘ସ୍କୁଲ୍‌ ମାଷ୍ଟର’। ଯାହା ତାଙ୍କୁ ଆଗକୁ ବଢ଼ିବା ପାଇଁ ରାସ୍ତା ଦେଖାଇଥିଲା। ତା’ପରେ ସେ ଗୋଟିଏ ପରେ ଗୋଟିଏ ହିଟ୍‌ ବ୍ୟବସାୟିକ ଫିଲ୍ମରେ ଅଭିନୟ କରି ଓଲିଉଡ୍‌ରେ ସ୍ୱତନ୍ତ୍ର ପରିଚୟ ସୃଷ୍ଟି କରିଥିଲେ।

ରାଇମୋହନ ପରିଡ଼ା : ଓଡିଆ ଚଳଚିତ୍ର ଜଗତର ଲୋକପ୍ରିୟ କଳାକାର ରାଇମୋହନ ପରିଡ଼ା ଗତ ବର୍ଷ ଆତ୍ମହତ୍ୟା କରିଥିଲେ । ଓଲିଉଡ ଓ ଯଲିଉଡର ଚର୍ଚ୍ଚିତ ଖଳନାୟକ ରାଇମୋହନ ପରିଡ଼ା ୧୯୮୬ ମସିହା ଫେବ୍ରୁଆରି ୧୦ ତାରିଖରେ ମୁକ୍ତିଲାଭ କରିଥିବା ରାଜେନ୍ଦ୍ର ସିଂହଙ୍କ ନିର୍ଦ୍ଦେଶିତ ‘ସାଗର’ରେ ପ୍ରଥମେ ନଜର ଆସିଥିଲେ। ତାପରେ ବସନ୍ତ ନାୟକଙ୍କ ପ୍ରଯୋଜିତ ତଥା ପ୍ରଶାନ୍ତ ନନ୍ଦଙ୍କ ନିର୍ଦ୍ଦେଶିତ ସୁପରହିଟ୍ ଫିଲ୍ମ ‘ପକାକମ୍ବଳ ପୋତ ଛତା’ରେ ଦେଖା ଦେଇଥିଲେ। ଏହାପରେ ରାଇମୋହନଙ୍କୁ ମୁଖ୍ୟ ଖଳନାୟକ ଭୂମିକାରେ ମଧ୍ୟ ଅନେକ ସିନେମାରେ ଦେଖିବାକୁ ମିଳିଛି। ଏଥିମଧ୍ୟରେ ରହିଛି କୋଟିଏ ମଣିଷ ଗୋଟିଏ ଜଗା, ଉଦଣ୍ଡୀ ସୀତା, ଲକ୍ଷେ ଶିବ ପୂଜି ପାଇଚି ପୁଅ, ସୁନା ସଂସାର, ସ୍ତ୍ରୀ, ରଣଭୂମି, ରସିକ ନାଗର, ତୁ ଥିଲେ ମୋ’ ଡର କାହାକୁ, ଅର୍ଜୁନ, ଲକ୍ଷ୍ମୀ ପ୍ରତିମା , ମେଣ୍ଟାଲ୍, ‘ତୁ ମୋ’ ସୁନାଚଢେଇ’ ଏବଂ ‘ମିଷ୍ଟର ମଜନୁ’ ଆଦି ସମେତ ୭୦ରୁ ଅଧିକ ଓଡ଼ିଆ ସିନେମା।

ମୀନ କେତନ- ମୀନ କେତନ ହେଉଛନ୍ତି ଜଣେ ବରିଷ୍ଠ ଅଭିନେତା ସେ ଅନେକ ସୁପର ହିଟ ଚଳଚିତ୍ର କରିଛନ୍ତି । ମୀନ କେତନ ଦୀର୍ଘ ଅନେକ ବର୍ଷ ଧରି ଅସୁସ୍ଥ ଥିବାରୁ ତାଙ୍କର ମୃତ୍ୟୁ ବରଣ ହୋଇଥିଲା । ଆଜି ସେ ଆମ ମାନଙ୍କ ଗହଣରେ ନାହାନ୍ତି । ହେଲେ ଆଜି ବି ତାଙ୍କୁ ଝୁରୁଛି ପୁରା ଓଡିଶା ।

ଦୀପା ସାହୁ : ଓଡିଆ ଟିଭି ଇଣ୍ଡଷ୍ଟ୍ରିର ପ୍ରସିଦ୍ଧ ଅଭିନେତ୍ରୀ ଦୀପା ସାହୁଙ୍କୁ ବେସ ଭଲ ଭାବରେ ଜାଣିଥିବେ । ହେଲେ ଗତ କିଛି ବର୍ଷ ତଳେ ସେ ମୃତ୍ୟୁ ବରଣ କରିଥିଲେ । ଦୀର୍ଘ ଦିନ ଧରି ଦୀପା କ୍ୟାନ୍ସର ରୋଗରେ ପୀଡିତ ଥିଲେ ।