ସମାନ୍ଥା ପିଲା ଚାହୁଁ ନ ଥିଲେ, ଗର୍ଭପାତ କରିଥିଲେ? ନାଗା ଚୈତନ୍ୟଙ୍କଠାରୁ ଛାଡ଼ପତ୍ରର କାରଣ କ’ଣ ଥିଲା?

ଦକ୍ଷିଣ ଭାରତୀୟ ସିନେମାର ଲୋକପ୍ରିୟ ଯୋଡ଼ି ନାଗା ଚୈତନ୍ୟ (Naga Chaitanya) ଓ ସମାନ୍ଥା ରୁଥ୍ ପ୍ରଭୁ (Samantha Ruth Prabhu) ଅକ୍ଟୋବର ୨ରେ ସୋସିଆଲ୍ ମିଡି଼ଆରେ ପରସ୍ପରର ବିବାହ ଭାଙ୍ଗି ଅଲଗା ହେବା କଥା ଘୋଷଣା କରିଥିଲେ । ଏହା ସେମାନଙ୍କ ଅଗଣିତ ପ୍ରଶଂସକଙ୍କୁ ଚକିତ ଓ ଦୁଃଖିତ କରିଥିଲା । ସେମାନେ ଅଲଗା ହେବାର ସାତ ଦିନ ପରେ ରିପୋର୍ଟରେ ଏହି ବିବାହ ବିଚ୍ଛେଦର କାରଣ ବାହାରକୁ ଆସିଛି ।

ବାସ୍ତବରେ ନାଗା ଚୈତନ୍ୟ ଓ ସମାନ୍ଥାଙ୍କ (Naga Chaitanya and Samantha) ବ୍ରେକ୍‌-ଅପ୍ ହେବା ଦିନଠାରୁ ସେମାନଙ୍କ ଅଲଗା ହେବା ପ୍ରସଙ୍ଗରେ ଅନେକ ଗୁଜବ ପ୍ରଚାରିତ ହେଉଛି ।

ସମାନ୍ଥାଙ୍କ ଜଣେ ବନ୍ଧୁଙ୍କ ସୂତ୍ରରୁ କଥା ପ୍ରକାଶ ପାଇଛି ଯେ ସମାନ୍ଥା ପରିବାର ଆରମ୍ଭ କରିବାକୁ ଚାହୁଁ ନ ଥିଲେ, ଅର୍ଥାତ ପିଲା ଜନ୍ମ କରିବାକୁ ଚାହୁଁ ନ ଥିଲେ, ଆଉ ସେଇଥି ପାଇଁ ସେ ଗର୍ଭପାତ କରାଇଥିଲେ ।

ଯଦି ଆସିଥିବା ରିପୋର୍ଟକୁ ବିଶ୍ୱାସ କରାଯାଏ, ତେବେ ‘ଶାକୁନ୍ତଳମ୍‌’ ଫିଲ୍ମର ନିର୍ମାତ୍ରୀ ନୀଳିମା ଗୁନା (Nilima Guna) ଏକ ବିବୃତ୍ତିରେ କହିଛନ୍ତି, ‘‘'ଗତ ବର୍ଷ ଯେତେବେଳେ ତାଙ୍କ ପିତା ନିର୍ଦ୍ଦେଶକ ଗୁଣଶେଖର ଗାରୁ ଓ ମୁଁ ଶାକୁନ୍ତଳମ୍‌ ପାଇଁ ସମାନ୍ଥାଙ୍କ ନିକଟକୁ ଯାଇଥିଲୁ, ସେ ଏହି କାହାଣୀକୁ ପସନ୍ଦ କରିଥିଲେ ଓ ଏଥିରେ ଉତ୍ସାହିତ ଥିଲେ। କିନ୍ତୁ ଅଭିନେତ୍ରୀ ମୋତେ କହିଥିଲେ ଯେ ସେ ଜୁଲାଇ ଓ ଅଗଷ୍ଟ ସୁଦ୍ଧା ଏହାର ସୁଟିଂ ଶେଷ କରିବାକୁ ଚାହୁଁଛନ୍ତି । କାରଣ ବର୍ତ୍ତମାନ ସେ ପରିବାର ଆରମ୍ଭ (family planning) କରିବାକୁ ଯୋଜନା କରୁଛନ୍ତି ।’’

ନୀଳିମା ଗୁନାଙ୍କ ସୂତ୍ରରୁ କୁହାଯାଇଛି ଯେ ସମାନ୍ଥାଙ୍କୁ ତାଙ୍କ ଟିମ୍‌ ନିଶ୍ଚିତ କରାଇଥିଲା ଯେ ପ୍ରି-ପ୍ରଡକ୍ସନ୍‌ ଓ ଉପଯୁକ୍ତ ଯୋଜନା ଯୋଗୁଁ ଫିଲ୍ମଟିର ସୁଟିଂ ଠିକ୍ ସମୟରେ ପୂରା ହୋଇଯିବ ଓ କୌଣସି ପ୍ରକାରର ଟେନସନ୍‌ ହେବ ନାହିଁ । ସମାନ୍ଥା ଏ ସବୁ ଶୁଣିବା ମାତ୍ରେ ବହୁତ ଖୁସି ହୋଇଥିଲେ ।

କୁହାଯାଉଛି ଯେ ଏହି ସମୟରେ ସମାନ୍ଥା ନାଳିମାଙ୍କୁ ଏହା ବି କହିଥିଲେ ଯେ ‘‘ଏହା ତାଙ୍କର ଶେଷ ଫିଲ୍ମ ହେବ ଓ ସେ ଦୀର୍ଘ ସମୟ ବିରତି ନେଇ ନିଜ ପିଲାକୁ ଦୁନିଆକୁ ଆଣିବାକୁ ଚାହୁଁଛନ୍ତି।’’

ଏ ସବୁ କଥାରୁ ଜଣାପଡ଼ୁଛି ଯେ ସମାନ୍ଥା ନିଜ ସ୍ୱାମୀ ନାଗା ଚୈତନ୍ୟଙ୍କ ସହ ପରିବାର ଆଗକୁ ବଢ଼ାଇବାକୁ ଚାହଁଥିଲେ ।

ପରେ ସମାନ୍ଥା ନିଜ ଇନଷ୍ଟା ଷ୍ଟୋରୀରେ ଏକ ବିବୃତ୍ତି ଦେଇ ଲେଖିଥିଲେ, ‘‘ମୋ’ର ବ୍ୟକ୍ତିଗତ ଜୀବନର ସଙ୍କଟରେ ଆପଣମାନଙ୍କ ଭାବପ୍ରବଣତା ମୋତେ ଅଭିଭୂତ କରିଛି । ମୋ’ ପ୍ରତି ସହାନୁଭୂତି ଦେଖାଇଥିବାରୁ ଓ ମୋ’ ବିରୁଦ୍ଧରେ ପ୍ରଚାରିତ ଗୁଜବରୁ ମୋତେ ରକ୍ଷା କରିଥିବାରୁ ସମସ୍ତଙ୍କୁ ଧନ୍ୟବାଦ ।’’

ସମାନ୍ଥା ଆହୁରି ଲେଖିଥିଲେ, ‘‘ସେମାନେ କହୁନ୍ତି ଯେ ମୋ’ର ଅଫେୟାର୍‌ ଥିଲା ଓ ମୁଁ କେବେ ପିଲା ଚାହୁଁ ନ ଥିଲି । ସେମାନେ କହୁଥିଲେ ମୁଁ ଜଣେ ସୁବିଧାବାଦୀ ଓ ମୁଁ ଗର୍ଭପାତ କରିସାରିଛି ।’’

‘‘ଛାଡ଼ପତ୍ର ଏକ ଯନ୍ତ୍ରଣାଦାୟକ ପ୍ରକ୍ରିୟା ।ଏଥିରୁ ମୁକ୍ତି ପାଇବା ପାଇଁ ମୋତେ କିଛି ସମୟ ଦିଅନ୍ତୁ । ମୁଁ କ୍ରମାଗତ ବ୍ୟକ୍ତିଗତ ଆକ୍ରମଣର ଶିକାର ହୋଇଛି, କିନ୍ତୁ ମୁଁ ପ୍ରତିଜ୍ଞା କରୁଛି ଯେ ମୁଁ ଏମିତି କିଛି ହେବାକୁ ଦେବି ନାହିଁ ଯାହା ମୋତେ ଭାଙ୍ଗିଦେବ ।’’

ନାଗା ଚୈତନ୍ୟ ଓ ସମାନ୍ଥା (ସବୁ ଫଟୋ ସୌଜନ୍ୟ: ଇନଷ୍ଟାଗ୍ରାମ୍)

ନାଗା ଚୈତନ୍ୟ ଓ ସମାନ୍ଥା (ସବୁ ଫଟୋ ସୌଜନ୍ୟ: ଇନଷ୍ଟାଗ୍ରାମ୍)