ବଚ୍ଚନ ପରିବାରର ବୋହୂ ସାଜିଥାଆନ୍ତେ କରିସ୍ମା, ଜୟା ରଖିଥିଲେ ବଡ଼ ସର୍ତ୍ତ; ଭାଙ୍ଗିଗଲା ନିର୍ବନ୍ଧ

ନିଜର ଦମଦାର ଅଭିନୟ ପାଇଁ ଜାତୀୟ ଚଳଚ୍ଚିତ୍ର ପୁରସ୍କାର ଏବଂ ଚାରୋଟି ଫିଲ୍ମଫେୟାର ପୁରସ୍କାର ଜିତିଥିବା କରିସ୍ମାଙ୍କ ଜୀବନକେ ଅନେକ ଥର ପ୍ରେମ ଆସିଛି। ହେଲେ କାହାରି ସହ ତାଙ୍କ ସମ୍ପର୍କ ସଠିକ୍ ଭାବରେ ଯୋଡି ହୋଇପାରି ନଥିଲା। ମିଡ଼ିଆ ରିପୋର୍ଟ ଅନୁଯାୟୀ, ୧୯୯୨ ରୁ ୧୯୯୫ ପର୍ଯ୍ୟନ୍ତ ସେ ବଲିଉଡ ଅଭିନେତା ଅଜୟ ଦେବଗନଙ୍କ ସହ ସମ୍ପର୍କ ରଖିଥିଲେ, କିନ୍ତୁ କୌଣସି କାରଣରୁ ସମ୍ପର୍କ ଭାଙ୍ଗି ଯାଇଥିଲା।

ଏହା ପରେ ତାଙ୍କ ନାମ ଅଭିଷେକ ବଚ୍ଚନଙ୍କ ସହ ଜଡିତ ଥିଲା। ଗଣମାଧ୍ୟମର ରିପୋର୍ଟ ଅନୁଯାୟୀ, ଉଭୟେ ବିବାହ କରିବାକୁ ସ୍ଥିର କରିଥିଲେ, କିନ୍ତୁ ୨୦୦୨ ମସିହାରେ ଅଭିଷେକ ଏବଂ କରିସ୍ମାଙ୍କ ନିର୍ବନ୍ଧ ଭାଙ୍ଗିଯାଇଥିଲା।

ଅନେକ ଗଣମାଧ୍ୟମ ରିପୋର୍ଟରେ ଦାବି କରାଯାଇଥିଲା ଯେ ଅଭିଷେକଙ୍କୁ ବିବାହ କରିବା ପୂର୍ବରୁ ତାଙ୍କ ମା' ଜୟା ବଚ୍ଚନ ଏକ ବଡ ସର୍ତ୍ତ ରଖିଥିଲେ, ଯାହା କରିସ୍ମା ଆଦୌ ପସନ୍ଦ କରୁନଥିଲେ ଏବଂ ସେ ତାଙ୍କ ସମ୍ପର୍କ ଭାଙ୍ଗିଥିଲେ।

ଯଦି ରିପୋର୍ଟକୁ ବିଶ୍ୱାସ କରାଯାଏ, ତେବେ ଜୟା ବଚ୍ଚନ କହିଥିଲେ ଯେ କରିସ୍ମା କପୁର ବିବାହ ପରେ ଚଳଚ୍ଚିତ୍ରରେ କାମ କରିବା ବନ୍ଦ କରିବା ଉଚିତ୍। ଏହି ସମୟ ଥିଲା ଯେତେବେଳେ କରିସ୍ମାଙ୍କୁ ବଲିଉଡର ପ୍ରମୁଖ ଅଭିନେତ୍ରୀମାନଙ୍କ ମଧ୍ୟରେ ଗଣାଯାଇଥିଲା, ଯେଉଁଥିରେ ସେ ଅନେକ ହିଟ୍ ଫିଲ୍ମ ଦେଇଥିଲେ।

ଜୟାଙ୍କ ଏହି ସର୍ତ୍ତ ହେତୁ କରିସ୍ମା ଅଭିଷେକଙ୍କୁ ବିବାହ କରିବାକୁ ମନା କରିଦେଇଥିଲେ। ଯଦିଓ କିଛି ଗଣମାଧ୍ୟମ ରିପୋର୍ଟରେ ଦର୍ଶାଯାଇଥିଲା ଯେ କରିସ୍ମାଙ୍କ ମା' ମଧ୍ୟ ବଚ୍ଚନ ପରିବାର ସମ୍ମୁଖରେ ଏକ ସର୍ତ୍ତ ରଖିଥିଲେ। ଯେଉଁଥିରେ ସେ କହିଥିଲେ କରିସ୍ମା ଅଭିଷେକଙ୍କୁ ସେତେବେଳେ ବିବାହ କରିବେ ଯେତେବେଳେ ଅମିତାଭ ବଚ୍ଚନ ନିଜ ସମ୍ପର୍ତ୍ତିର ଅଧା ଅଭିଷେକଙ୍କ ନାଁରେ କରିଦେବେ।

ଏହା ମଧ୍ୟ କୁହାଯାଉଥିଲା ଯେ କରିସ୍ମାଙ୍କ ମା’ଙ୍କ ଏହି ସର୍ତ୍ତ ବଚ୍ଚନ ପରିବାର ଦ୍ୱାରା ପ୍ରତ୍ୟାଖ୍ୟାନ କରାଯାଇଥିଲା ଏବଂ ପରେ ନିର୍ବନ୍ଧ ଭାଙ୍ଗିଯାଇଥିଲା। ଏହି ଦୁଇ ଷ୍ଟାର୍ସଙ୍କ ଲଭ ଷ୍ଟୋରିରେ କଣ ଘଟିଥିଲା ଆଜି ପର୍ଯ୍ୟନ୍ତ କେହି ଜାଣିନାହାଁନ୍ତି।

ଅନ୍ୟପକ୍ଷରେ, କରିସ୍ମାଙ୍କ ସହ ନିର୍ବନ୍ଧ ଭାଙ୍ଗିବା ପରେ ଅଭିଷେକ ଐଶ୍ୱର୍ଯ୍ୟା ରାୟଙ୍କୁ ବିବାହ କରିଥିଲେ ଏବଂ ଅନ୍ୟ ପଟେ କରିସ୍ମା ବ୍ୟବସାୟୀ ସଞ୍ଜୟ କପୁରଙ୍କୁ ବିବାହ କରିଥିଲେ। କିନ୍ତୁ କରିସ୍ମାଙ୍କ ବିବାହ ମଧ୍ୟ ଦୀର୍ଘ ଦିନ ତିଷ୍ଠି ନଥିଲା, କେବଳ ୧୩ ବର୍ଷ ବିବାହ ପରେ ଦୁହେଁ ଛାଡ଼ପତ୍ର ନେଇଥିଲେ।