ଦୁନିଆର ସବୁଠୁ ହ୍ୟାଣ୍ଡସମ୍ ପୁରୁଷଙ୍କ ନାମ ଘୋଷଣା; ଯାହାଙ୍କୁ ଆପଣଙ୍କ ଅନେକ ଥର ଦେଖିସାରିଛନ୍ତି

ଦୁନିଆର ସବୁଠୁ ହ୍ୟାଣ୍ଡସମ ମହିଳା ପରେ ଏବେ ଜଣେ ହ୍ୟାଣ୍ଡସମ ପୁରୁଷଙ୍କ ନାମ ମଧ୍ୟ ଘୋଷଣା କରାଯାଇଛି। ନେଟଫ୍ଲିକ୍ସରେ ଲୋକପ୍ରିୟ ସିରିଜ୍ ବ୍ରିଜର୍ଟନରେ ଆପଣ ତାଙ୍କ ଅଭିନୟ ମଧ୍ୟ ଦେଖିସାରିଛନ୍ତି। 'ଗ୍ରୀକ୍ ଗୋଲ୍ଡେନ୍ ରେସିଓ ଇକଭେଶନ' ଅଧୀନରେ ତାଙ୍କୁ 'ମୋଷ୍ଟ ହ୍ୟାଣ୍ଡସମ୍ ମ୍ୟାନ୍' ଭାବେ ଚୟନ କରାଯାଇଛି।

‘ବ୍ରିଜର୍ଟନ’ ସିମୋନ୍ ବସେଟ୍ ((Simon Basset) ଭୂମିକାରେ ଅଭିନୟ କରୁଥିବା ୩୪ ବର୍ଷୀୟ ଅଭିନେତା ରେଗେ ଜନ୍ ପେଜ୍ (Regé-Jean Page) ଦୁନିଆର ସବୁଠାରୁ ହ୍ୟାଣ୍ଡସମ ପୁରୁଷ ଖ୍ୟାତି ପାଇଛନ୍ତି।

'ଗ୍ରୀକ୍ ଗୋଲ୍ଡେନ୍ ରେସିଓ ଇକଭେଶନ'ରେ ରେଗେଙ୍କ ଚେହେରା ୯୩.୬୫ ପ୍ରତିଶତ ସଠିକ୍ ବୋଲି ଜଣାପଡ଼ିଛି। ଚେହେରାର ସୌନ୍ଦର୍ଯ୍ୟ ଏବଂ ଗଠନକୁ ଏହି ଅନୁପାତରେ ବିଚାର କରାଯାଏ।

ଦୁନିଆର ସବୁଠାରୁ ହ୍ୟାଣ୍ଡସମ୍ ପୁରୁଷମାନଙ୍କ ତାଲିକା ପ୍ରସ୍ତୁତ କରିବା ପାଇଁ କସ୍ମେଟିକ୍ ସର୍ଜନ୍ ଡ଼କ୍ଟର ଜୁଲିଆନ୍ ଦେ ସିଲଭାଙ୍କ ଦ୍ୱାରା କମ୍ପ୍ୟୁଟରୀକରଣ ମ୍ୟାପିଂ କୌଶଳ ବ୍ୟବହୃତ ହୋଇଛି।

ଡେଲି ମେଲରେ ପ୍ରକାଶିତ ଏକ ରିପୋର୍ଟ ଅନୁଯାୟୀ, ଏହି ସମୟ ମଧ୍ୟରେ ଡ଼କ୍ଟର ଜୁଲିଆନ୍ ଓଠ, ଚିନ୍, ଓଠର ମୋଟେଇ, ମୁଖ ଆକୃତି, ନାକ, ଆଖି ସ୍ଥିତି, କପାଳ ଏବଂ ମୁହଁରେ ଉପସ୍ଥିତ ଥିବା ଅନ୍ୟାନ୍ୟ ଜିନିଷ ମାପିଥିଲେ। ପ୍ରକାଶ ଥାଉକି ଗତ ବର୍ଷ ଅମ୍ବର ହେର୍ଡ ଦୁନିଆର ସବୁଠାରୁ ସୁନ୍ଦର ମହିଳା ଭାବରେ ମନୋନୀତ ହୋଇଥିଲେ।