ବଲିଉଡରୁ ହଲିଉଡ; ସଙ୍ଘର୍ଷମୟ ଥିଲା ଦେଶୀ ଗର୍ଲ ପ୍ରିୟଙ୍କାଙ୍କ ଏହି ଯାତ୍ରା

ହଲିଉଡ୍‌ରେ ସେ ବେଶ୍‌ ଅଧିକ ଲୋପ୍ରିୟତ‌ା ଅର୍ଜନ କରି ସାରିଛନ୍ତି। ଅନେକ ହଲିଉଡ୍‌ ଫିଲ୍ମରେ ସେ ଅଭିନୟ କରିଛନ୍ତି। ସେଥିରୁ ABC ସିରିଜର ‘କ୍ବାଣ୍ଟିକୋ’ ଫିଲ୍ମରେ ଦର୍ଶକଙ୍କ ମନ କିଣିନେଇଥିଲେ। କିନ୍ତୁ ଅଭିନେତ୍ରୀ ପ୍ରିୟଙ୍କା ଚୋପ୍ରା ଏମିତି ଚୁଟ୍‌କିରେ ସବୁ କିଛି ପାଇ ଯାଇନାହାନ୍ତି। ତାଙ୍କୁ ସଫଳତା ପାଇବା ପାଇଁ ବଲିଉଡ୍‌ରେ ଅନେକ ସଙ୍ଘର୍ଷ ମଧ୍ୟ କରିବାକୁ ପଡ଼ିଛି।

ନିଜର ପରିଚୟ ସୃଷ୍ଟି କରିବାକୁ ସେ ଖବ୍ ପରିଶ୍ରମ କରିଛନ୍ତି। ଏପରିକି ପ୍ରିୟଙ୍କାଙ୍କୁ ତାଙ୍କର ତ୍ବଚାର ରଙ୍ଗ ପାଇଁ ଏକ ସମୟରେ ଲୋକେ ‘କାଲୀ ବିଲ୍ଲୀ' ବୋଲି ଡାକୁଥିଲେ।

ନିକଟରେ ଏକ ସାକ୍ଷାତ୍‌କାରେ ପ୍ରିୟଙ୍କା ନିଜର କ୍ଷୋଭ ପ୍ରକାଶ କରିଥିଲେ। ସେ କହିଥିଲେ ଯେ, ବ୍ରିଟିଶମାନେ ଆଜି ଯଦିଓ ଆମ ଉପ‌ରେ ରାଜ୍‌ କରୁନାହାନ୍ତି। କିନ୍ତୁ ସେମାନେ ବନାଇ ଯାଇଥିବା ପଥରେ ଆଜି ବି ଆମେ ଚାଲୁଛେ। ଆଜି ବି ଇଣ୍ଡଷ୍ଟ୍ରିରେ ହେଉ ବା ପରିବାରରେ ହେଉ, ଶରୀରର ରଙ୍ଗ କମ୍‌ ହୋଇଥିଲେ ସମାଲୋଚନା କରାଯାଉଛି।

ଆମ ପିଢ଼ିଙ୍କୁ ବୁଝିବାକୁ ପଡ଼ିବ ଯେ ରଙ୍ଗର ବାଛବିଚାର ଆଗକୁ ଯାଇ ଆମକୁ ଦକ୍ଷତାକୁ ବୁଝିବାକୁ ପଡ଼ିବ। ଏଭଳି ରଙ୍ଗକୁ ନେଇ ବାଛବିଚାର ମନରୁ ବହାର କରିବା ଠିକ୍। ମୁଁ ଶ୍ୟାମଳୀ ହୋଇ ମଧ୍ୟ ନିଜ ଦକ୍ଷତା ପାଇଁ ଆଜି ଏଠାରେ ପହଞ୍ଚି ପାରିଛି ବୋଲି କହିଥିଲେ ପ୍ରିୟଙ୍କା।

ଆହୁରି ମଧ୍ୟ ସେ କହିଥିଲେ ଯେ ଇଣ୍ଡଷ୍ଟ୍ରୀରେ ସହ-ଅଭିନେତ୍ରୀଙ୍କ ଠାରୁ ଅଧିକ ଦକ୍ଷତା ଥାଇ ମଧ୍ୟ ରଙ୍ଗ କମ ଥିବାରୁ ସଫଳତା ପାଇଁ ସଂଘର୍ଷ କରିବା ପଡ଼ିଛି। ସଫଳତା ପାଇବା ପାଇଁ ରଙ୍ଗ ନୁହେଁ ବରଂ କଠିନ ପରିଶ୍ରମରେ ବିଶ୍ବାସ ରଖନ୍ତି ପ୍ରିୟଙ୍କା।