ନିଜ ତୃତୀୟ ସନ୍ତାନ ସହ ପ୍ରଖ୍ୟାତ ମଡେଲ୍ ତଥା ଅଭିନେତ୍ରୀ ଲିସା ହେଡନ୍ (Lisa Haydon) ଅଭିନେତ୍ରୀ ଲିସା ହେଡନ୍ ନିକଟରେ ତୃତୀୟ ଥର ପାଇଁ ମା’ ହୋଇଛନ୍ତି । ନିଜ ତୃତୀୟ ସନ୍ତାନକୁ ସ୍ତନ୍ୟପାନ କରାଉଥିବାର କେତେକ ଫଟୋ ସେ ନିଜେ ଓ ତାଙ୍କ ସ୍ୱାମୀ ଶେୟାର୍ କରିଛନ୍ତି । ଲିସାଙ୍କ ସ୍ୱାମୀ ଡିନୋ ଲାଲୱାନି (Dino Lalwani) ନିଜ ଇନଷ୍ଟାଗ୍ରାମ୍ ଆକାଉଣ୍ଟରେ ତାଙ୍କ ତୃତୀୟ ସନ୍ତାନର (ଗୋଟିଏ ଝିଅ) ବେଶ୍ କିଛି ଫଟୋ ଶେୟାର୍ କରିଛନ୍ତି । ଫଟୋଗୁଡ଼ିକରେ ଲିସା ନବଜାତ ଝିଅକୁ ସ୍ତନ୍ୟପାନ କରାଉଥିବା ଦେଖାଯାଇଛି । ପ୍ରଥମ ଥର ପାଇଁ ଲିସା ନିଜ ଝିଅର ଫଟୋ ସମସ୍ତଙ୍କ ସାମ୍ନାକୁ ଆଣିଛନ୍ତି । ଫଟୋଗୁଡ଼ିକରେ ଲିସା ଜଣେ ରାଜକୁମାରୀଙ୍କ ପରି ସୁନ୍ଦର ଦିଶୁଛନ୍ତି । ଲିସା ହେଡନଙ୍କ ସ୍ୱାମୀ ଡିନୋ ଲାଲୱାନି ନିକଟରେ ଇନଷ୍ଟାଗ୍ରାମରେ ଡେବ୍ୟୁ କରିଛନ୍ତି ଓ ଏହି ଫଟୋଗୁଡ଼ିକ ହେଉଛି ତାଙ୍କର ପ୍ରଥମ ପୋଷ୍ଟ୍। ଲିସାଙ୍କ ସ୍ୱାମୀ ଡିନୋ ଲାଲୱାନି ଇନଷ୍ଟାଗ୍ରାମରେ ଡେବ୍ୟୁ କରି ଲେଖିଛନ୍ତି, ‘‘ମୋ ଝିଅ ଲାରା ଓ ଲିସା ହେଡନ୍ ।’’ ଏଥିରୁ ଜଣା ପଡ଼ିଛି ଯେ ଏହି ଦମ୍ପତି ଏକାଠି ସେମାନଙ୍କର ଝିଅର ନାମ 'ଲାରା' ରଖିଛନ୍ତି। ଅକ୍ଟୋବର ୨୦୧୬ରେ ଲିସା ନିଜ ପ୍ରେମିକ ଡିନୋ ଲାଲୱାନୀଙ୍କୁ ବିବାହ କରିଥିଲେ । ବିବାହ କରିବା ପୂର୍ବରୁ ଦୁହେଁ ପ୍ରାୟ ବର୍ଷକ ପାଇଁ ପରସ୍ପରକୁ ଡେଟ୍ କରିଥିଲେ । ଗର୍ଭବତୀ ଥିବା ବେଳେ ଲିସା ନିଜ ଶିଶୁଫୁଲା ଦେଖାଇ କେତେକ ଫଟୋ ଶେୟାର୍ କରିଥିଲେ । ଗର୍ବବତୀ ଥିବା ବେଳେ ଏମିତି ସାହସୀ ଫଟୋ ଯୋଗୁଁ ଲିସା ଚର୍ଚ୍ଚାରେ ଥିଲେ । ଲିସା ଓ ଡିନୋ ସେମାନଙ୍କର ପ୍ରଥମ ସନ୍ତାନ ପୁଅ ଜ୍ୟାକକୁ ୨୦୧୭ରେ ସ୍ୱାଗତ କରିଥିଲେ । ତା’ ପରେ ୨୦୨୦ରେ ଲିସା ପୁଣି ଥରେ ଆଉ ଏକ ପୁଅକୁ ଜନ୍ମ ଦେଇଥିଲେ। ଲିସା ହେଡନ୍ ସୋସିଆଲ୍ ମିଡି଼ଆ ମାଧ୍ୟମରେ ନିଜ ପ୍ରଶଂସକମାନଙ୍କ ସହ ଯୋଡ଼ିହୋଇ ରହନ୍ତି ଓ ନିଜ ଫଟୋ ଏବଂ ଭିଡିଓଗୁଡି଼କୁ ଶେୟାର୍ କରନ୍ତି । ଚଳଚ୍ଚିତ୍ରଠାରୁ ଦୂରରେ ରହି ଆଜିକାଲି ଲିସା କେବଳ ସୋସିଆଲ୍ ମିଡି଼ଆରେ ପ୍ରମୋସନାଲ୍ ଭିଡିଓ କିମ୍ବା ଫଟୋ ମାଧ୍ୟମରେ ନଜର ଆସୁଛନ୍ତି । (ସବୁ ଫଟୋ କ୍ରେଡିଟ୍: @ dino.llavani / ଇନଷ୍ଟାଗ୍ରାମ) ଲିସା ହେଡନ୍ (Lisa Haydon) ଲିସା ହେଡନ୍ (Lisa Haydon) ଲିସା ହେଡନ୍ (Lisa Haydon)
