ହରନାଜ ସିନ୍ଧୁ@୨୩; ମୋଟାପଣ ପାଇଁ ଟ୍ରୋଲ ହୋଇଛନ୍ତି ପୂର୍ବତନ ମିସ୍ ୟୁନିଭର୍ସ

ପୂର୍ବତନ ମିସ୍ ୟୁନିଭର୍ସ ହରନାଜ କୌର ସିନ୍ଧୁ ୨୦୨୧ରେ ମିସ୍ ୟୁନିଭର୍ସ ଟାଇଟେଲ୍ ଜିତିଥିଲେ। ଲାରା ଦତ୍ତ ଏହି ଟାଇଟେଲ୍ ଜିତିବାର ଠିକ ୨୧ ବର୍ଷ ପରେ ହରନାଜ ଦେଶକୁ ଏହି ମୁକୁଟ ପିନ୍ଧାଇଥିଲେ।

ମିସ୍ ୟୁନିଭର୍ସ ହେବା ପରେ ହରନାଜଙ୍କ ହଠାତ୍ ଓଜନ ବଢ଼ିଯାଇଥିଲା, ଯେଉଁଥିପାଇଁ ତାଙ୍କୁ ବହୁତ ଟ୍ରୋଲ କରାଯାଇଥିଲା। କଥାଟି ହେଲା ଯେ ସିଲିଆକ୍ ରୋଗରେ (celiac disease) ପୀଡ଼ିତ ଅଛନ୍ତି ହରନାଜ। ଏହି ରୋଗ ଗ୍ଲୁଟେନ୍ ସମ୍ବେଦନଶୀଳତା ଦ୍ବାରା ହୋଇଥାଏ।

ହରନାଜ ସାନ୍ଧୁ ନିଜେ ଏହି ରୋକ ବିଷୟରେ ଖୁଲାସା କରି କହିଥିଲେ ଯେଉଁ ସମୟରେ ସେ ବହୁତ ପତଳା ଥିଲେ ସେହି ସମୟରେ ଲୋକେ ତାଙ୍କୁ ଥଟ୍ଟା କରୁଥିଲେ। ବର୍ତ୍ତମାନ ସେହି ଲୋକ ତାଙ୍କୁ ମୋଟା ବୋଲି କହୁଛନ୍ତି।

ହରନାଜ ସାନ୍ଧୁ ୨୦୦୦ ମାର୍ଚ୍ଚ ୩ରେ ପଞ୍ଜାବର ଗୁରୁଦାସପୁରର କୋହଲି ଗ୍ରାମରେ ଜନ୍ମଗ୍ରହଣ କରିଥିଲେ। ହରନାଜ ୨୦୧୮ରେ ମିସ୍ ମ୍ୟାକ୍ସ ଏମର୍ଜିଂ ଷ୍ଟାର ଟାଇଟେଲ୍ ଜିତିଥିଲେ। ଏହା ପରେ, ଫେମିନା ୨୦୧୯ରେ ମିସ୍ ଇଣ୍ଡିଆ ପଞ୍ଜାବ ହୋଇଥିଲେ।

ମିସ୍ ୟୁନିଭର୍ସ ହେବା ପୂର୍ବରୁ ହରନାଜ ପଞ୍ଜାବୀ ଚଳଚ୍ଚିତ୍ରରେ ଅଭିନୟ କରିସାରିଛନ୍ତି। ସେ 'ୟାରା ଦି ପୁ ବାରାନ୍' ଏବଂ 'ବାଇ ଜୀ କୁଟୁଙ୍ଗି' ପରି ପଞ୍ଜାବୀ ଚଳଚ୍ଚିତ୍ର ଅଭିନୟ କରିଥିଲେ। ହେଲେ ସେ ଏପର୍ଯ୍ୟନ୍ତ ବଲିଉଡରେ ଏଣ୍ଟ୍ରି କରିନାହାଁନ୍ତି।