ପ୍ରଥମ ଦେଖାରେ ରାଗ; ପୁଣି ଏମିତି ଆରମ୍ଭ ହେଲା ଅଜୟ-କାଜଲଙ୍କ ଲଭ ଷ୍ଟୋରି

ଅଜୟ ଦେବଗନ ଏବଂ କାଜଲଙ୍କ ଯୋଡି କେବଳ ପରଦାରେ ନୁହେଁ ବାସ୍ତବ ଜୀବନରେ ମଧ୍ୟ ହିଟ୍ ସାବ୍ୟସ୍ତ ହୋଇଛି। ୧୯୯୯ରେ ଉଭୟ ବିବାହ ବନ୍ଧନରେ ଆବଦ୍ଧ ହୋଇଥିଲେ ଏବଂ ଆଜି ପର୍ଯ୍ୟନ୍ତ ପରସ୍ପରକୁ ପ୍ରେମ କରିବାରେ କେହି ହେଳା କରୁନାହାଁନ୍ତି। କାଜଲ ଏବଂ ଅଜୟଙ୍କର ମଧ୍ୟ ଦୁଇଟି ସୁନ୍ଦର ସନ୍ତାନ ଅଛନ୍ତି। ଝିଅ ନିସା ଦେବଗନ ପ୍ରାୟତଃ ହେଡଲାଇନରେ ରୁହନ୍ତି, ସେହିପରି ତାଙ୍କ ପୁଅ ଯୁଗ୍ କ୍ୱଚିତ୍ ମିଡ଼ିଆ କ୍ୟାମେରାରେ ନଜର ଆସନ୍ତି।

ତେବେ ଆସନ୍ତୁ ଜାଣିବା ଅଜୟ ଓ କାଜଲ ଆକର୍ଷଣୀୟ ପ୍ରେମ କାହାଣୀ ବିଷୟରେ। ମିଡ଼ିଆ ରିପୋର୍ଟ ଅନୁଯାୟୀ, ପ୍ରଥମ ସାକ୍ଷାତରେ ଅଜୟଙ୍କୁ ପସନ୍ଦ ଆସିନଥିଲେ କାଜଲ। କେବଳ ଏତିକି ନୁହେଁ, ସେ କାଜଲଙ୍କୁ ଦ୍ବିତୀୟ ଥର ଭେଟିବାକୁ ବି ଚାହୁଁନଥିଲେ।

ଗଣମାଧ୍ୟମ ରିପୋର୍ଟ ଅନୁଯାୟୀ ଅଜୟ ଏକ ସାକ୍ଷାତକାରରେ କହିଥିଲେ ଯେ ସେ ପ୍ରଥମ ଦେଖାରେ କାଜଲଙ୍କ ପ୍ରେମରେ ପଡ଼ି ନଥିଲେ। କାରଣ କାଜଲ ବହୁତ ଗପୁଥିଲେ। ଆଉ ଅଜୟ ବହୁତ ଶାନ୍ତ ସ୍ବାଭାବର ଥିଲେ। ଦୁହେଁ ପ୍ରଥମ ଥର ପାଇଁ ଫିଲ୍ମ 'ହାଲଚଲ'ର ସେଟରେ ଭେଟିଥିଲେ। ଏହି ଫିଲ୍ମ ୧୯୯୫ରେ ରିଲିଜ ହୋଇଥିଲା।

ସୁଟିଂ ସମୟରେ କାଜଲ ପ୍ରାୟତଃ ଅଜୟଙ୍କ ସହ ତାଙ୍କ ଏକ୍ସ ବୟଫ୍ରେଣ୍ଡ ବିଷୟରେ କଥା ହେଉଥିଲେ। ଅଜୟ ମଧ୍ୟ ତାଙ୍କୁ ପରାମର୍ଶ ଦେଉଥିଲେ। ଉଭୟଙ୍କ ବନ୍ଧୁତା ଏତେ ଗଭୀର ହୋଇଗଲା ଯେ ଅଜୟ ଏବଂ କାଜଲ ପରସ୍ପରକୁ ପସନ୍ଦ କରିବା ଆରମ୍ଭ କରିଥିଲେ। ଏହା ପରେ ଉଭୟଙ୍କ ପ୍ରେମ ସମ୍ପର୍କକୁ ନେଇ ବେଶ୍ ଚର୍ଚ୍ଚା ହୋଇଥିଲା।

କିଛି ବର୍ଷ ପରସ୍ପରକୁ ଡେଟିଂ କରିବା ପରେ ଅଜୟ ଏବଂ କାଜଲ ୧୯୯୯ରେ ବିବାହ କରିଥିଲେ ଏବଂ ସବୁଦିନ ପାଇଁ ପରସ୍ପର ହୋଇଗଲେ। ଏହି ଯୋଡି ଧିୁମଧାମରେ ନୁହେଁ ବରଂ ନିଜ ଘରେ ଅତି ସାଧାରଣ ବିବାହ କରିଥିଲେ।