ଶିଶୁ କଳାକାର ଭାବରେ ଓଡ଼ିଆ ଚଳଚ୍ଚିତ୍ର ସହ ଓଡ଼ିଆ ଦୂରଦର୍ଶନ ଧାରାବାହିକରେ ଅଭିନୟ ଆରମ୍ଭ କରିଥିବା ସ୍ୱରାଜ ବାରିକଙ୍କୁ କିଏ ବା ନଜାଣେ। ସ୍ୱରାଜଙ୍କ ଅଭିନୟକୁ ଶିଶୁ କଳାକାର ସମୟରୁ ଆପଣ ପସନ୍ଦ କରିଛନ୍ତି । ଅଳ୍ପ କିଛି ବର୍ଷ ହେବ ବଡ଼ ପରଦାରେ ମୁଖ୍ୟ ନାୟକ ଭୂମିକାରେ ମଧ୍ୟ ସ୍ୱରାଜ ରାଜ୍ କରୁଛନ୍ତି । ତେବେ କେବଳ ଅଭିନୟ ନୁହେଁ ଏହା ସାଙ୍ଗକୁ ନିର୍ଦ୍ଦେଶନାର ଯାତ୍ରା ମଧ୍ୟ ଜାରି ରଖିଛନ୍ତି ଓଡ଼ିଶାର ଯୁବ ନାୟକ ସ୍ୱରାଜ ବାରିକ । ନିକଟରେ ସ୍ୱରାଜଙ୍କ ଏକ ଫଟୋ ଭାଇରାଲ ହେଉଛି, ଯେଉଁଥିରେ ସେ କୁକୁର ସହ ଖେଳୁଥିବାର ଦେଖାଯାଉଛି । କୁକୁର ମଧ୍ଯ ତାଙ୍କୁ ଗେଲ କରୁଥିବାର ନଜର ଆସିଛି। ସ୍ୱରାଜ ଏହି ଫଟୋ ନିଜ ସୋସିଆଲ ମିଡିଆ ହ୍ୱାଟସପରେ ସେୟାର କରିଛନ୍ତି। ତଳେ ଭୋଳୁ ଲେଖି ସାଇଟରେ ହାର୍ଟ ଇମୋଜି ଦେଇଛନ୍ତି ଅଭିନେତା । ପୂର୍ବରୁ 'ମଞ୍ଜୁନାଥ' ଏବଂ 'ଫ୍ରସ୍ 2' ନାମରେ ଦୁଇଟି କ୍ଷୁଦ୍ର ଚଳଚ୍ଚିତ୍ରରେ ନିର୍ଦ୍ଦେଶନା ଦେଇ ସଫଳ ହେବା ସହ ଅନେକ ପ୍ରଶଂସା ପାଇଛନ୍ତି ସ୍ୱରାଜ । କ୍ଷୁଦ୍ର ଚଳଚ୍ଚିତ୍ର 'ଶୂନ୍ୟତା'ରେ ନିର୍ଦ୍ଦେଶନା ଦେଇଛନ୍ତି ସ୍ୱରାଜ । ମଞ୍ଜୁନାଥକୁ ମଧ୍ଯ ଶ୍ରେଷ୍ଠ ଲକଡାଉନ ସର୍ଟ ଫିଲ୍ମ ଆୱାର୍ଡ ମିଳିଛି।
