‘‘ମୋତେ କ୍ଷମା କରିଦିଅ’’: ଆତ୍ମହତ୍ୟା କରିବା ପୂର୍ବରୁ ଲେଖିଥିଲେ ୨୫-ବର୍ଷୀୟା ଅଭିନେତ୍ରୀ ସୌଜନ୍ୟା

କନ୍ନଡ ଟେଲିଭିଜନ୍ ଅଭିନେତ୍ରୀ ସୌଜନ୍ୟାଙ୍କ (Soujanya) ମୃତ ଦେହ ତାଙ୍କ ବେଙ୍ଗାଲୁରୁସ୍ଥିତ ଘରେ ମିଳିଥିଲା ।

୨୫-ବର୍ଷୀୟା ଅଭିନେତ୍ରୀ ସୌଜନ୍ୟା (Soujanya suicide) ସେପ୍ଟେମ୍ବର ୩୦ , ୨୦୨୧ରେ ଆତ୍ମହତ୍ୟା କରିଥିଲେ । ତାଙ୍କ ମୃତ ଦେହ ନିକଟରୁ ଏକ ସୁଇସାଇଡ୍ ନୋଟ୍ (suicide note) ମିଳିଥିଲା ।

ସୌଜନ୍ୟା କନ୍ନଡ଼ ଟେଲିଭିଜନରେ ଜଣେ ପ୍ରସିଦ୍ଧ ଅଭିନେତ୍ରୀ ଥିଲେ । ସେ ଛାଡି଼ଯାଇଥିବା ସୁଇସାଇଡ୍ ନୋଟରେ (actress Soujanya suicide) ସେ ନିଜ ପ୍ରକୃତ ନାଁ ସାଭି ମଡ଼ପ୍ପା (Savi Madappa) ସହିତ ନିଜ ପରଦା ନାଁ ସୌଜନ୍ୟା ଲେଖି ଦସ୍ତଖତ କରିଛନ୍ତି ।

ସୁଇସାଇଡ୍ ନୋଟରୁ ସୌଜନ୍ୟାଙ୍କ ମାନସିକ ସ୍ଥିତି ବିଷୟରେ ଜଣାପଡ଼ିଥିଲା । ତାଙ୍କ ମାନସିକ ସ୍ୱାସ୍ଥ୍ୟ ଭଲ ନ ଥିଲା ଓ ସେ ଜୀବନକୁ ମୁକାବିଲା କରିବାରେ ଅସମର୍ଥ ଥିଲେ ବୋଲି ଲେଖିଥିଲେ ।

କର୍ଣ୍ଣାଟକର କୋଡାଗୁ ଜିଲ୍ଲାର ମୂଳ ବାସିନ୍ଦା ମାତ୍ର ବେଙ୍ଗାଲୁରୁରେ ରହୁଥିବା ଅଭିନେତ୍ରୀ ସୌଜନ୍ୟା ଏହି ଚାରି ପୃଷ୍ଠାର ସୁଇସାଇଡ୍ ନୋଟରେ ବାରମ୍ବାର କ୍ଷମା ମାଗିଥିଲେ । ସେ ଆତ୍ମହତ୍ୟା କରିବାକୁ ଚିନ୍ତା କରୁଥିବା ଦର୍ଶାଇ ତିନି ଦିନ ମଧ୍ୟରେ ଏହି ନୋଟ୍ ଲେଖିଥିବା ଜଣାପଡିଥିଲା ।

ଆତ୍ମହତ୍ୟା କରିବାକୁ ସେ ଗଲା ତିନି ଦିନ ଭିତରେ ଭାବୁଥିବା ବେଳେ କାହାରିଠୁ ଏହା ବିଷୟରେ କୌଣସି ସାହାଯ୍ୟ ଲୋଡ଼ିଥିବାର ସୂଚନା ମିଳିନାହିଁ ।

‘‘କେବଳ ମୁଁ ଏଥି ପାଇଁ ଦାୟୀ... ତେଣୁ ପରିବାର, ଦୟାକରି ମୋତେ କ୍ଷମା କର । ମୁଁ ପ୍ରତିଶୃତି ଦେଇଥିଲି ଯେ ମୁଁ ମୋ’ ଜୀବନରେ ଏପରି ମୂର୍ଖତାପୂର୍ଣ୍ଣ କାର୍ଯ୍ୟ କରିବି ନାହିଁ, କିନ୍ତୁ ମୋ’ ପାଖରେ କୌଣସି ବିକଳ୍ପ ନ ଥିଲା । ମୋତେ ଭିତରେ ଭିତରେ ପୂରା ହତ୍ୟା କରାଯାଇଥିଲା । ଦିନକୁ ଦିନ ମୁଁ ତଳକୁ ତଳକୁ ଯାଉଥିଲି । ମୁଁ ନିଜକୁ ପୂର୍ବରୁ କେବେ ଏମିତି ଦେଖି ନ ଥିଲି,’’ ଲେଖିଥିଲେ ସୌଜନ୍ୟା ।

ସୌଜନ୍ୟାଙ୍କ ଅକାଳ ମୃତ୍ୟୁରେ ସମଗ୍ର କନ୍ନଡ଼ ଟେଲିଭିଜନ୍‌ ଓ ସିନେମା ଜଗତରେ ଦୁଃଖର ଛାୟା ଖେଳିଯାଇଥିଲା।

ଏହି ବର୍ଷ ଜାନୁଆରୀରେ ଅଭିନେତ୍ରୀ ତଥା କନ୍ନଡ ବିଗ୍ ବସ୍ ପ୍ରତିଯୋଗୀ ଜୟଶ୍ରୀ ରମେୟା  (Jayashree Ramaiah)ଆତ୍ମହତ୍ୟା କରି ମୃତ୍ୟୁ ବରଣ କରିଥିଲେ ।

ଆତ୍ମହତ୍ୟା କରିବା ପୂର୍ବରୁ ଜୟଶ୍ରୀ ରମୈୟା (Jayashree Ramaiah) ଏକ ଫେସବୁକ ପୋଷ୍ଟ କରି କହିଥିଲେ ଯେ ସେ ଦୁନିଆ ଛାଡୁଛନ୍ତି, କିନ୍ତୁ ପରବର୍ତ୍ତୀ ସମୟରେ ସେହି ପୋଷ୍ଟକୁ ସେ ଡିଲିଟ କରି ଦେଇଥିଲେ ।

Suicide Helpline: ଧ୍ୟାନ ଦିଅନ୍ତୁ: ଯଦି ଆପଣ ବା ଆପଣ ଜାଣିଥିବା କୌଣସି ବ୍ୟକ୍ତି କୌଣସି ବି କାରଣରୁ ଖୁବ୍‌ ଦୁଃଖ ଅନୁଭବ କରୁଛନ୍ତି ଓ ସାହାଯ୍ୟ ଲୋଡ଼ୁଛନ୍ତି, ତାହେଲେ ନିମ୍ନଲିଖିତ ଯେକୌଣସି ହେଲ୍ପଲାଇନକୁ କଲ୍‌ କରନ୍ତୁ: ଆସ୍ରା (ମୁମ୍ବାଇ) 022-27546669, ସ୍ନେହା (ଚେନ୍ନାଇ) 044-24640050, ସୁମୈତ୍ରୀ (ଦିଲ୍ଲୀ) 011-23389090, କୁଜ (ଗୋଆ) 0832- 2252525, ଜୀବନ (ଜାମସେଦପୁର) 065-76453841, ପ୍ରତୀକ୍ଷା (କୋଚି) 048-42448830, ମୈତ୍ରୀ (କୋଚି) 0484-2540530, ରୋଶନି (ହାଇଦ୍ରାବାଦ) 040-66202000, ଲାଇଫ୍ ଲାଇନ୍ 033-64643267 (କୋଲକାତା) ।