ନଗ୍ନ ଫଟୋ ଲିକ୍ ହେବା ପରେ ଜେନିଫର୍ ଲରେନ୍ସଙ୍କୁ କଷ୍ଟ ହୋଇଥିଲା; ‘‘ସେ ଆଘାତ ସବୁ ଦିନ ରହିବ’’

ଜଣେ ସେଲିବ୍ରିଟି ହେବାର ଅନେକ ଭଲ ଓ ଖରାପ ଦିଗ ଅଛି । ଆଜିର ସୋସିଆଲ୍ ମିଡି଼ଆ ଯୁଗରେ ସୁବିଧା ଅପେକ୍ଷା ଏହାର ଅଧିକ ଅସୁବିଧା ଅଛି, ବିଶେଷତଃ ଯଦି ଆପଣ ଜଣେ ଆନ୍ତର୍ଜାତୀୟ ସେଲିବ୍ରିଟି । ୨୦୧୪ରେ ହଲିଉଡ୍ (Hollywood) ଅଭିନେତ୍ରୀ ଜେନିଫର୍ ଲରେନ୍ସଙ୍କ (Jennifer Lawrence) ବ୍ୟକ୍ତିଗତ ଫଟୋ ତାଙ୍କ ବିନା ଅନୁମତିରେ ଇଣ୍ଟରନେଟରେ ଲିକ୍ ହୋଇଯାଇଥିଲା । ଏକ ସଦ୍ୟ ସାକ୍ଷାତକାରରେ ଜେନିଫର୍ ଲରେନ୍ସ ତାଙ୍କ ନଗ୍ନ ଫଟୋ ଲିକ୍ ହେବା ବିଷୟରେ କହିଛନ୍ତି । ଏବେ ସେ ଗର୍ଭଧାରଣ ଯୋଗୁଁ ଖବରରେ ଅଛନ୍ତି ।

ଜେନିଫର ଏହି ସାକ୍ଷାତକାରରେ କହିଛନ୍ତି ଯେ ୨୦୧୪ରେ ତାଙ୍କର କେତେକ ବ୍ୟକ୍ତିଗତ ଫଟୋ ଲିକ୍‌ ହେବା ପରେ ସେ ଚକିତ ହୋଇଯାଇଥିଲେ। ତା’ପରେ ରିହାନା ଏବଂ ସେଲିନା ଗୋମେଜଙ୍କ ପରି ସେଲିବ୍ରିଟିମାନଙ୍କ ବ୍ୟକ୍ତିଗତ ଫଟୋ ମଧ୍ୟ ଅନଲାଇନରେ ଲିକ୍‌ ହୋଇଥିଲା ।

ଜେନିଫରଙ୍କ ନଗ୍ନ ଫଟୋ ସବୁ ଲିକ୍ ହେବା ପରଠୁ ସାତ ବର୍ଷ ବିତିଗଲାଣି, ତଥାପି ତାଙ୍କୁ ତା’ର କଷ୍ଟ ଏବେ ବି ରହିଛି ବୋଲି ସେ କହିଛନ୍ତି ।

ଜେନିଫର୍ ଲରେନ୍ସ ୨୦୧୪ରେ ତାଙ୍କର ପ୍ରସିଦ୍ଧ ନଗ୍ନ ଫଟୋ ଲିକ୍ ବିବାଦ ସମେତ ଅନେକ ପ୍ରସଙ୍ଗ ଉପରେ ଏହି ସାକ୍ଷାତକାରରେ କଥା ହୋଇଛନ୍ତି । ସେ କହିଛନ୍ତି, ‘‘ମୋ’ ଅନୁମତି ବିନା ଯେକେହି ମୋ’ ନଗ୍ନ ଶରୀରକୁ ଯେକୌଣସି ସମୟରେ ଦେଖି ପାରୁଛନ୍ତି ।’’

ଜେନିଫର ଲରେନ୍ସ ଆହୁରି କହିଛନ୍ତି, ‘‘ଫ୍ରାନ୍ସରେ କେହି ଜଣେ ଏବେ ମୋ’ ନଗ୍ନ ଫଟୋଗୁଡ଼ିକୁ ପ୍ରକାଶ କରିଛନ୍ତି । ମୋ’ର ସେହି ଆଘାତ ସବୁ ଦିନ ପାଇଁ ରହିବ ।’’

୨୦୧୪ରେ ହ୍ୟାକର୍ସମାନେ ଜେନିଫର୍ ଲରେନ୍ସଙ୍କ iCloud କୁ ପ୍ରବେଶ କରିଥିଲେ ଓ ତାଙ୍କର ବ୍ୟକ୍ତିଗତ ଫଟୋ ଓ ଅନ୍ୟାନ୍ୟ ସୂଚନା ପ୍ରକାଶ କରିଦେଇଥିଲେ ।

ଜେନିଫର୍ ଲରେନ୍ସଙ୍କ ବ୍ୟତୀତ ଆରିଆନା ଗ୍ରାଣ୍ଡେ, ଭିକ୍ଟୋରିଆ ଜଷ୍ଟିସ୍ ଓ କେଟ୍ ଅପଟନ୍ ବି ସମାନ ପ୍ରକାରରେ ହ୍ୟାକିଂର ଶିକାର ହୋଇଛନ୍ତି ।

ଜେନିଫର ଏହା ପୂର୍ବରୁ ଏକ ସାକ୍ଷାତକାରରେ କହିଥିଲେ, ‘‘ଯେହେତୁ ମୁଁ ଜଣେ ପବ୍ଲିକ୍‌ ସେଲିବ୍ରିଟି ଓ ଜଣେ ଅଭିନେତ୍ରୀ, ତା’ର ଅର୍ଥ ନୁହେଁ ଯେ ମୁଁ ଏମିତି କିଛି କରିବାକୁ କାହାକୁ କହିଥିଲି । ଏହା ମୋ’ ଶରୀର ଓ ଏହା ମୋ’ ପସନ୍ଦ ହେବା ଉଚିତ୍ । କଥାଟି ହେଉଛି, ଯାହା ହେଲା ତାହା ମୋ’ ପସନ୍ଦ ନୁହେଁ, ତାହା ଅତି ଖରାପ ଜିନିଷ । ମୁଁ ବିଶ୍ୱାସ କରିପାରୁ ନାହିଁ ଯେ ଆମେ ଏମିତି ଦୁନିଆରେ ବାସ କରୁଛୁ ।’’

ଜେନିଫର୍ ଲରେନ୍ସ ଖୁବ୍ ଶୀଘ୍ର ମା’ ହେବାକୁ ଯାଉଛନ୍ତି । ତାଙ୍କୁ ଏକ ଫିଲ୍ମ ସ୍କ୍ରିନିଂ ସମୟରେ ଏକ ଶିଶୁ ଫୁଲା ସହିତ ଦେଖିବାକୁ ମିଳିଥିଲା । (ସବୁ ଫଟୋ: ଇନଷ୍ଟାଗ୍ରାମ୍‌ / ଜେନିଫର୍ଲାରେନ୍ସ_)

ଜେନିଫର୍ ଲରେନ୍ସ  (ସବୁ ଫଟୋ: ଇନଷ୍ଟାଗ୍ରାମ୍‌ / ଜେନିଫର୍ଲାରେନ୍ସ_)