ଐଶ୍ୱର୍ଯ୍ୟା ରାୟ ବଚ୍ଚନଙ୍କ ସହ ବରଲକ୍ଷ୍ମୀ ଶରତକୁମାର ଦକ୍ଷିଣ ଭାରତୀୟ ଅଭିନେତ୍ରୀ ବରଲକ୍ଷ୍ମୀ ଶରତକୁମାର ଐଶ୍ୱର୍ଯ୍ୟା ରାୟ ବଚ୍ଚନଙ୍କର ଯେଉଁ କେତୋଟି ଫଟୋ ଅପଲୋଡ୍ କରିଛନ୍ତି ସେଗୁଡ଼ିକୁ ଦେଖିବା ପରେ ତାଙ୍କ ଫ୍ୟାନମାନେ ଗୋଟିଏ ପ୍ରଶ୍ନ ପଚାରୁଛନ୍ତି: ଐଶ୍ୱର୍ଯ୍ୟା କ’ଣ ପୁଣି ଥରେ ଗର୍ଭବତୀ ହୋଇଛନ୍ତି? ବରଲକ୍ଷ୍ମୀ ଅଭିଷେକ ଓ ଆରାଧ୍ୟାଙ୍କ ସମେତ ଐଶ୍ୱର୍ଯ୍ୟାଙ୍କ ସହ ସାକ୍ଷାତ କରିଥିଲେ ଓ ସେହି ସାକ୍ଷାତରୁ କେତେକ ଫଟୋ ନିଜ ଇନଷ୍ଟାଗ୍ରାମ୍ ଅକାଉଣ୍ଟରେ ଅପଲୋଡ଼ କରିଥିଲେ । ସବୁ ଫଟୋରେ ଐଶ୍ୱର୍ଯ୍ୟା ନିଜ ପେଟ ଆଗରେ ନିଜ ହାତ ରଖିଥିବା ଦେଖାଯାଇଥିଲା । ଗୃପ୍ ଫଟୋରେ ଐଶ୍ୱର୍ଯ୍ୟା ଅନ୍ୟମାନଙ୍କ ପଛରେ ଠିଆ ହୋଇଥିଲେ । ଏ ସବୁ ଦେଖି ସେ ଗର୍ଭବତୀ ବୋଲି ଅନେକ ପ୍ରଶ୍ନ କରିଛନ୍ତି । ଏହି ପ୍ରଶ୍ନ ବଲିଉଡ୍ ସାରା ଖେଳି ବୁଲିବା ପରେ ଏହା ପଛର ସତ୍ୟ ସାମନାକୁ ଆସିଛି । ଜଣାପଡ଼ିଛି ଯେ ଐଶ୍ୱର୍ଯ୍ୟା ଗର୍ଭବତୀ ହୋଇଥିବା କଥା କେବଳ ଗୋଟିଏ ଗୁଜବ । ଏଥିରେ କୌଣସି ସତ୍ୟତା ନାହିଁ । ଯେବେ ବି କୌଣସି ଅଭିନେତ୍ରୀଙ୍କ ଓଜନ ଟିକେ ବଢ଼େ, ତାଙ୍କ ପ୍ରଶଂସକମାନେ ଭାବନ୍ତି ଯେ ହୁଏତ ସେ ଗର୍ଭବତୀ ହୋଇଥିବେ । ଫଟୋଗୁଡ଼ିକୁ ଦେଖିବା ପରେ ଜଣେ ଫ୍ୟାନ୍ ନିଜ ମତ ଦେଇ ଲେଖିଛନ୍ତି, “ଯଦି ବର୍ତ୍ତମାନ ଐଶ୍ୱର୍ଯ୍ୟାଙ୍କ ଓଜନ ବଢ଼ିଛି ତ କ’ଣ ଅଛି ସେଥିରେ? ନିଜ ବୟସ ଅନୁସାରେ ଓଜନ ବଢ଼େ । ଏହା ଏକ ସ୍ୱାଭାବିକ କଥା ।’’ ଐଶ୍ୱର୍ଯ୍ୟା ରାୟ ବଚ୍ଚନ ଓ ଅଭିଷେକ ବଚ୍ଚନ ଐଶ୍ୱର୍ଯ୍ୟା ରାୟ ବଚ୍ଚନ ଓ ତାଙ୍କ ଝିଅ ଆରାଧ୍ୟା ଐଶ୍ୱର୍ଯ୍ୟା ରାୟ ବଚ୍ଚନ, ଅଭିଷେକ ବଚ୍ଚନ ଓ ସେମାନଙ୍କ ଝିଅ ଆରାଧ୍ୟା
