ଅନିଲ କପୁରଙ୍କ ଠୁ ନେଇ ୬ ଜଣ ଷ୍ଟାର୍ସଙ୍କ ସହ ଫିଲ୍ମରେ ରୋମାନ୍ସ କରିସାରିଛନ୍ତି ‘ବାହୁବଳୀ’ ଫେମ ରାମ୍ୟା

ଆଜି ସାଉଥ ସିନେମାର ସୁପରଷ୍ଟାର ଅଭିନେତ୍ରୀ ତଥା 'ବାହୁବଳୀ' ଫେମ ରାମ୍ୟା କୃଷ୍ଣନଙ୍କ ୫୧ତମ ଜନ୍ମଦିନ । ସେ ୧୯୭୦ ସେପ୍ଟେମ୍ବର ୧୫ରେ ଚେନ୍ନାଇରେ ଜନ୍ମଗ୍ରହଣ କରିଥିଲେ। ପ୍ରଭାସଙ୍କ ଫିଲ୍ମ 'ବାହୁବଳୀ'ରୁ ରାମ୍ୟା ଉଭୟ ନାମ ଓ ଖ୍ୟାତି ଅର୍ଜନ କରିଥିଲେ । ଏଥିରେ ସେ ତାଙ୍କ ମାତା ଶିବଗାମିଙ୍କ ଭୂମିକାରେ ଅଭିନୟ କରିଥିଲେ। ତେବେ ତାଙ୍କ ଜନ୍ମଦିନ ଅବସରରେ ଆସନ୍ତୁ ଜାଣିବା ତାଙ୍କ ବିଷୟରେ କିଛି ଖାସ୍ କଥା…

୨୪ ବର୍ଷ ବଡ଼ ଅଭିନେତା ବିନୋଦ ଖାନ୍ନାଙ୍କ ସହ ରାମ୍ୟା ଫିଲ୍ମରେ ଇଣ୍ଟିମେଣ୍ଟ ସିନ କରିଥିଲେ। ଦୁହେଁ ହିନ୍ଦୀ ଗୀତ 'ତୁ ସାୱାନ୍ ମୈଁ ପ୍ୟାର୍ ପିଆ'ରେ ଏକାଠି କାମ କରିଥିଲେ । ଏଥିରେ ଅଭିନେତ୍ରୀଙ୍କ ସହ ଲିପଲକ୍ କରୁଥିବା ଦେଖିବାକୁ ମିଳିଥିଲା ବିନୋଦଙ୍କୁ । ଉଭୟ ଫିଲ୍ମ 'ପରମ୍ପରା' ଏକାଠି କାମ କରିଥିଲେ।

କେବଳ ଏତିକି ନୁହେଁ ଅଭିନେତ୍ରୀ ବଲିଉଡର ମିଷ୍ଟର ଝକାସ୍ ଅନିଲ କପୁରଙ୍କ ସହ ବୋଲ୍ଡ ସିନ ମଧ୍ୟ ସୁଟିଂ କରିଥିଲେ । ଫିଲ୍ମ 'ତ୍ରିମୂର୍ତ୍ତି'ରେ ଏକାଠି ନଜର ଆସିଥିଲେ ଏହି ଯୋଡ଼ି । ଏଥିରେ ଦୁହେଁ ଏତେ ବୋଲ୍ଡ ସିନ ଦେଇଥିଲେ ଯେ ପରେ ନିର୍ମାତାଙ୍କୁ କିଛି ସିନ୍ସ ଫିଲ୍ମରୁ ହଟାଇବାକୁ ପଡ଼ିଥିଲା ।

ନାନା ପାଟେକରଙ୍କ ଫିଲ୍ମ 'ୱଜୁଦ୍' ୧୯୯୮ରେ ରିଲିଜ ହୋଇଥିଲା । ଏଥିରେ ରାମ୍ୟା ଅଭିନେତାଙ୍କ ସହ ଚୁମ୍ବନ ଦୃଶ୍ୟ କରିଥିଲେ । ଏଥିରେ ଅଭିନେତ୍ରୀଙ୍କୁ ବେଡରୁମ ସିନରେ ଲିପଲକ୍ ଓ ଅନ୍ତରଙ୍ଗ ସିନ କରିଥିବାର ଦେଖାଯାଇଥିଲେ ।

ଗୋବିନ୍ଦା ଓ ଅମିତାଭ ବଚ୍ଚନଙ୍କ ଅଭିନୀତ ଫିଲ୍ମ 'ବଡ଼େ ମିଆଁ ଛୋଟେ ମିଆଁ'ରେ ନଜର ଆସିଥିଲେ ରାମ୍ୟା । ଏଥିରେ ତାଙ୍କୁ ବିଗ୍ ବିଙ୍କ ଲେଡି ଲଭ ରୂପେ ଦେଖିବାକୁ ମିଳିଥିଲା । ଏଥିରେ ସେ 'ଧିନ୍ ତକ୍ ଧିନ୍ ତକ୍' ଗୀତରେ ଅଭିନେତାଙ୍କ ସହ ଫ୍ଲର୍ଟିଂ କରୁଥିବା ଦେଖିବାକୁ ମିଳିଥିଲା ।

ସୁପରଷ୍ଟାର ଶାହରୁଖ ଖାନଙ୍କ ସହ ଫିଲ୍ମ 'ଚାହତ'ରେ ନଜର ଆସିଥିଲେ । ଏଥିରେ ସେ ଅଭିନେତାଙ୍କ ପ୍ରେମରେ ପାଗଳ ହେବା ସହିତ ବହୁତ ବୋଲ୍ଡ ସିନ ମଧ୍ୟ କରିଥିଲେ ।

ଅଭିନେତା ଜ୍ୟାକି ଶ୍ରଫଙ୍କ ସହ ରୋମାନ୍ସ ମଧ୍ୟ କରିସାରିଛନ୍ତି ରାମ୍ୟା ।