ରାଜନେତାଙ୍କ ପୁଅକୁ ବିବାହ କରିବେ ସୁନ୍ଦରୀ ଅଭିନେତ୍ରୀ ହଂସିକା ମୋଟୱାନୀ; ପ୍ରସ୍ତୁତି ଆରମ୍ଭ

ଦୁଇ ଦଶନ୍ଧି ଧରି ଫିଲ୍ମ ଇଣ୍ଡଷ୍ଟ୍ରିରେ କାର୍ଯ୍ୟ କରୁଥିବା ସୁନ୍ଦରୀ ଅଭିନେତ୍ରୀ ହଂସିକା ମୋଟୱାନୀ ବର୍ତ୍ତମାନ ତାଙ୍କ ଜୀବନର ଏକ ନୂଆ ଯାତ୍ରା ଆରମ୍ଭ କରିବାକୁ ଯାଉଛନ୍ତି। ତାଙ୍କର ବିବାହର ତାରିଖ ସ୍ଥିର କରାଯାଇଛି ଓ ସେ ଶୀଘ୍ର ବିବାହ ବନ୍ଧନରେ ଆବଦ୍ଧ ହେବାକୁ ଯାଉଛନ୍ତି। ବିବାହ ତାରିଖ ଠାରୁ ସ୍ଥାନ ପର୍ଯ୍ୟନ୍ତ ସବୁକିଛି ସ୍ଥିର ହୋଇସାରିଲାଣି।

ଯଦି ଗଣମାଧ୍ୟମର ରିପୋର୍ଟକୁ ବିଶ୍ୱାସ କରାଯାଏ, ତେବେ ଏହା ଏକ ରାଜକୀୟ ବିବାହ ହେବ, ଯେଉଁଥି ପାଇଁ ଜୟପୁରର ୪୫୦ ବର୍ଷ ପୁରୁଣା ଦୁର୍ଗ ବୁକ୍ ହୋଇଛି। ଏହିଠାରେ ସମସ୍ତ ପ୍ରସ୍ତୁତି ଜୋରସୋରରେ ଚାଲିଛି। ବାହାରକୁ ଆସିଥିବା ପ୍ରସ୍ତୁତି ରିପୋର୍ଟରୁ ଜଣାପଡ଼ିଛି ଯେ ବିବାହ ତାରିଖ ପାଖେଇ ଆସିଲାଣି। ବର୍ତ୍ତମାନ ସୁଦ୍ଧା ଏହାକୁ ନେଇ କୌଣସି ପ୍ରତିକ୍ରିୟା ରଖିନାହାଁନ୍ତି ହଂସିକା।

କେବଳ ବିବାହର ତାରିଖ ନୁହେଁ ହଂସିକାଙ୍କ ଭାବି ସ୍ବାମୀଙ୍କ ବିଷୟରେ ମଧ୍ୟ କେହି ଜାଣନ୍ତି ନାହିଁ। ଆଜ୍ଞା ହଁ, ଏପର୍ଯ୍ୟନ୍ତ ତାଙ୍କ ଭାବି ସ୍ବାମୀ ସହିତ ଜଡିତ କୌଣସି ସୂଚନା ସାମ୍ନାକୁ ନାହିଁ। ହେଲେ କୁହାଯାଉଛି ଯେ ସେ ଜଣେ ରାଜନେତାଙ୍କ ପୁଅକୁ ବିବାହ କରିବାକୁ ଯାଉଛନ୍ତି ଯିଏ ଜଣେ ପ୍ରସିଦ୍ଧ ବ୍ୟବସାୟୀ ମଧ୍ୟ।

ହଂସିକାଙ୍କ ବର କିଏ ହେବ, ଏହା ଶୀଘ୍ର ଜଣା ପଡ଼ିବ, କିନ୍ତୁ ବର୍ତ୍ତମାନ ଯଦି ଆମେ ବିବାହ ସ୍ଥାନ ବିଷୟରେ କଥା ହେବା, ତେବେ ଜୟପୁରର ମୁଣ୍ଡୋଟା ଫୋର୍ଟ ଆଣ୍ଡ ପ୍ୟାଲେସରେ ତାଙ୍କ ବିବାହ ହେବ ବୋଲି ଚର୍ଚ୍ଚା ହେଉଛି। ବିବାହର ପ୍ରସ୍ତୁତି ଚାଲିଛି, ଯେଉଁଠାରେ ସମ୍ପୂର୍ଣ୍ଣ ବ୍ୟବସ୍ଥା କରାଯାଇଛି। ଅତିଥିଙ୍କ ରୁମରୁ ନେଇ ମେନୁ ପର୍ଯ୍ୟନ୍ତ ପ୍ରସ୍ତୁତ ଚାଲିଛି।

ଏଥିରୁ ଏହା ସ୍ପଷ୍ଟ ହୋଇଛି ଯେ ଯଦିଓ ବିବାହକୁ ଗୁପ୍ତ ରଖାଯାଉଛି, ତଥାପି ଏହା ଏକ ବଡ଼ ବିବାହ ହେବାକୁ ଯାଉଛି। ତାଙ୍କ କାମ ବିଷୟରେ କହିବାକୁ ଗଲେ ହଂସିକା ଖୁବ୍ ଶୀଘ୍ର ତାମିଲ ଫିଲ୍ମ ‘ରଉଡି ବେବି’ରେ ନଜର ଆସିବେ। ହଂସିକା ଶିଶୁ କଳାକାର ଭାବରେ ନିଜର ଅଭିନୟ କ୍ୟାରିୟର୍ ଆରମ୍ଭ କରିଥିଲେ।

ସେ ହିନ୍ଦୀ ଫିଲ୍ମରେ ମଧ୍ୟ ବହୁତ ଅଭିନୟ କରିଥିଲେ। ସେ ‘ସାକା ଲାକା ବୁମ୍ ବୁମ୍’ ପରି ଟିଭି ସିରିଏଲ୍ ଓ ‘କୋଇ ମିଲ୍ ଗୟା’ ପରି ଫିଲ୍ମରେ ଶିଶୁ କଳାକାର ଭାବରେ ଅଭିନୟ କରିଥିଲେ। ତାଙ୍କୁ ହିମେଶ ରେଶମିଆଙ୍କ ସହ ‘‘ଆପକା ସୁରୁର’’ ମୁଖ୍ୟ ଭୂମିକାରେ ଦେଖିବାକୁ ମିଳିଥିଲା।