ହୋମ୍ » ଫଟୋ ଗ୍ୟାଲେରୀ » ଟ୍ରେଣ୍ଡିଙ୍ଗ
‘‘ମୋତେ ଅନେକ ଧନୀ ଲୋକଙ୍କ ଶାରୀରିକ ଚାହିଦା ମେଣ୍ଟାଇବାକୁ ପଡ଼ିଛି’’: ବାଂଲା ଅଭିନେତ୍ରୀ Pori Moni
Arrest of Bangladesh actress Pori Moni | ଲୋକ ଲଜ୍ଜା ଭୟରେ ଚୁପ୍ ରହିଥିଲେ ବୋଲି ଚାଞ୍ଚଲ୍ୟକର ବିବୃତି ଦେଇଛନ୍ତି ବାଂଲାଦେଶର ପ୍ରସିଦ୍ଧ ମଡେଲ-ଅଭିନେତ୍ରୀ ପୋରି ମୋନି । ତାଙ୍କୁ କିନ୍ତୁ ଓଲଟା ଅନ୍ୟ ମାମଲାରେ ଗିରଫ କରାଯାଇଛି ।
2/ 15
ନିଷିଦ୍ଧ ବିଦେଶୀ ଡ୍ରଗ୍ସ ସେବନ ସମେତ ଅନ୍ୟ କେତେକ ମାମଲାରେ ବାଂଲାଦେଶର ଅଭିନେତ୍ରୀ ତଥା ମଡେଲ୍ ପୋରି ମୋନିଙ୍କୁ (Pori Moni) ଢାକାରେ ଗିରଫ କରାଯାଇଛି । ତାଙ୍କୁ ପଚରାଉଚରା କରିବା ପରେ ସେହି ଦେଶର ସି.ଆଇ.ଡି. ଅନେକ ଗୁରୁତ୍ୱପୂର୍ଣ୍ଣ ସୂଚନା ପାଇଛି ।
3/ 15
ବାଂଲାଦେଶରେ ଏକାଧିକ ଧନୀ ଲୋକଙ୍କ ଶାରୀରିକ ଚାହିଦା ପୂରଣ କରିବାକୁ ପଡି଼ଛି ପୋରି ମୋନିଙ୍କୁ । ଲୋକ ଲଜ୍ଜା ଭୟରେ ସେ ଚୁପ୍ ରହିଥିଲେ ବୋଲି ଏହି ମଡେଲ-ଅଭିନେତ୍ରୀ ଚାଞ୍ଚଲ୍ୟକର ବିବୃତି ଦେଇଥିବା ଜଣାପଡ଼ିଛି ।
4/ 15
ଆଜିକାଲି ବିବାଦରେ ଥିବା ବାଂଲାଦେଶୀ ଅଭିନେତ୍ରୀ ପୋରି ମୋନି ପ୍ରଥମେ ଢାକାସ୍ଥିତ ଏକ ବୋଟ୍ କ୍ଲବରେ ତାଙ୍କୁ ବଳାତ୍କାର ଓ ହତ୍ୟା ଉଦ୍ୟମ କରାଯାଇଥିବା ଅଭିଯୋଗ କରି ଚାଞ୍ଚଲ୍ୟ ସୃଷ୍ଟି କରିଥିଲେ। ଏକ ମାମଲା ରୁଜୁ ହୋଇଥିଲା ଓ ତାହା ପୋଲିସର ସବୁଠାରୁ ବଡ ଶାଖା ରାପିଡ୍ ଆକ୍ସନ୍ ବାଟାଲିଅନକୁ (RAB) ହସ୍ତାନ୍ତର କରାଯାଇଥିଲା। ତା’ ପରେ ପୋଲିସ କେବଳ ପୋରି ମୋନିଙ୍କୁ ଗିରଫ କରିଥିଲା ।
5/ 15
ଅଗଷ୍ଟ ୪, ୨୦୨୧ରେ ପୋରି ମୋନିଙ୍କ ଘରେ ଚାରି ଘଣ୍ଟା ଧରି ଚଢ଼ାଉ କରାଯାଇଥିଲା ଓ ସେଠାରେ ଡ୍ରଗ୍ସ ଓ ମଦ୍ୟପାନ ସାମଗ୍ରୀ ମିଳିଥିଲା ବୋଲି ପୋଲିସ କହିଛି । ଏହା ପରେ ପୋରି ମୋନିଙ୍କୁ ଗିରଫ କରାଯାଇ ରାତି ୯ଟାରେ ପୋଲିସ ମୁଖ୍ୟାଳୟକୁ ଅଣାଯାଇଥିଲା ଓ ପର ଦିନ ତାଙ୍କୁ କୋର୍ଟରେ ହାଜର କରାଯାଇଥିଲା ।
6/ 15
ପୋରି ମୋନିଙ୍କ ପ୍ରକୃତ ନାମ ହେଉଛି ଶ୍ୟାମସୁନହର ସ୍ମୃତି । ତାଙ୍କୁ ବାଂଲାଦେଶର ହଟ୍ ଅଭିନେତ୍ରୀମାନଙ୍କ ମଧ୍ୟରେ ଗଣାଯାଏ । ସେ ମଧ୍ୟ ଜଣେ ସଫଳ ମଡେଲ ରହିଛନ୍ତି ।
7/ 15
ପୋରି ମୋନିଙ୍କ ସଫଳ ଚଳଚ୍ଚିତ୍ରଗୁଡ଼ିକ ମଧ୍ୟରେ ‘ଏରୋ ଭାଲୋବାଶବୋ ତୋମେ', 'ରୋକ୍ତୋ', 'ପ୍ୟୋର୍ ଯେ ମୋନ୍' ଓ 'ସ୍ୱପ୍ନଜାଲ' ଅନ୍ତର୍ଭୁକ୍ତ । ସେ ୭ ଡିସେମ୍ବର ୨୦୨୦ରେ ଫୋର୍ବସ୍ ମାଗାଜିନ ଦ୍ୱାରା ପ୍ରକାଶିତ ‘୧୦୦ ଜଣ ଡିଜିଟାଲ୍ ଷ୍ଟାର୍ ଅଫ୍ ଏସିଆ’ ତାଲିକାରେ ଅନ୍ତର୍ଭୁକ୍ତ ହୋଇଥିଲେ ।
8/ 15
ପୋରି ମୋନି ଅଭିଯୋଗ କରିଥିଲେ ଯେ ଜୁନ୍ ୮, ୨୦୨୧ରେ ଢାକାର ବୋଟ୍ କ୍ଲବର ପୂର୍ବତନ ସଭାପତି, ଗୁଲଶନ୍ ଅଲ୍ କମ୍ୟୁନିଟି କ୍ଲବର ନିର୍ଦ୍ଦେଶକ, ବ୍ୟବସାୟୀ ତଥା ରାଜନେତା ନାସିର ଉଦ୍ଦିନ ମହମୁଦ ତାଙ୍କ ଉପରେ ଆକ୍ରମଣ କରିଥିଲେ । ପୋରି ମୋନି ମହମୁଦଙ୍କ ଉପରେ ବୋଟ୍ କ୍ଲବରେ ଯୌନ ଉତ୍ପୀଡ଼ନ ଅଭିଯୋଗ କରିଥିଲେ ।
9/ 15
ହେଲେ ପୋରି ମୋନି ଏହି ଘଟଣାକୁ ନେଇ କୌଣସି ମାମଲା ରୁଜୁ କରିପାରି ନ ଥିଲେ । ବରଂ ତାଙ୍କ ବିରୁଦ୍ଧରେ ଆସିଥିବା ଅଭିଯୋଗ ଅନୁଯାୟୀ ପୋଲିସ ଓଲଟା ତାଙ୍କ ବିରୁଦ୍ଧରେ ଏକ ମାମଲା ରୁଜୁ କରିଥିଲା ।
10/ 15
କୁହାଯାଉଛି ଯେ ମହମୁଦ ବାଂଲାଦେଶର ଇନ୍ସପେକ୍ଟର ଜେନେରାଲ୍ ବେନଜିର ଅହମ୍ମଦଙ୍କର ଜଣେ ଘନିଷ୍ଠ ବନ୍ଧୁ । ସେହି କାରଣରୁ ବର୍ତ୍ତମାନ ପୋରି ମୋନିଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯାଉଛି ବୋଲି କୁହାଯାଉଛି ।
