ସୁସ୍ମିତାଙ୍କୁ ହାର୍ଟ ଆଟାକ୍; ଜାଣନ୍ତୁ କେଉଁ ଲୋକପ୍ରିୟ କଳାକାରଙ୍କ ଜୀବନ ନେଇଛି ହୃଦଘାତ?

ବଲିଉଡ୍ ଅଭିନେତ୍ରୀ ସୁସ୍ମିତା ସେନ୍ଙ୍କୁ ହାର୍ଟ ଆଟାକ୍ । ନିକଟରେ ତାଙ୍କୁ ହାର୍ଟ ଆଟାକ୍ ଆସିଥିବା ସେ ନିଜ ଇନଷ୍ଟାଗ୍ରାମରେ ଏକ ଫଟୋ ପୋଷ୍ଟ କରି ଜଣାଇଥିଲେ । ନିଜ ବାପାଙ୍କ ସହ ଏକ ଫଟୋ ସେୟାର କରି ବାପା କହିଥିବା କଥାକୁ ଲେଖିଥିଲେ ଓ ନିଜ ଫ୍ୟାନ୍ସଙ୍କୁ ଏନେଇ ଜଣାଇଥିଲେ । ମୋର ଆନଜିଓଗ୍ରାଫି ସରିଛି ଆଉ ମୋର ହୃଦୟ ଖୁବ୍ ବଡ଼ ବୋଲି ଡାକ୍ତର କହିଥିବା ସେ ଲେଖିଛନ୍ତି । ତେବେ କେବଳ ସୁସ୍ମିତା ନୁହଁନ୍ତି, ବଲିଉଡ୍ରେ ଏମିତି ଅନେକ ଅଭିନେତା ଓ ଅଭିନେତ୍ରୀ ଅଛନ୍ତି ଯାହାଙ୍କୁ ପୂର୍ବରୁ ହାର୍ଟ ଆଟାକ୍ ଆସିଛି ।

କୋରିଓଗ୍ରାଫର, ଅଭିନେତା, ଚଳଚ୍ଚିତ୍ର ନିର୍ଦ୍ଦେଶକ ଓ ନିର୍ମାତା ରେମୋ ଡିସୁଜାଙ୍କୁ ମଧ୍ୟ ହାର୍ଟ ଆଟାକ୍ ଆସିଛି । ୨୦୨୦ ମସିହା ଡିସେମ୍ବର ମାସରେ ତାଙ୍କୁ ହାର୍ଟ ଆଟାକ୍ ଆସିଥିଲା ଓ ଅନେକ ଦିନ ଧରି ତାଙ୍କୁ ICUରେ ମଧ୍ୟ ରହିବାକୁ ପଡ଼ିଥିଲା । କୋରୋନା ସମୟରେ ରେମୋଙ୍କ ଅସୁସ୍ଥତା ଫ୍ୟାନ୍ସଙ୍କୁ ବିଚଳିତ କରିଥିଲା ।

ବଲିଉଡ୍ର ଲୋକପ୍ରିୟ ଓ ଚର୍ଚ୍ଚିତ ଅଭିନେତା ସୈଫ ଅଲି ଖାନ୍ଙ୍କୁ ମଧ୍ୟ ଆସିଛି ହାର୍ଟ ଆଟାକ୍ । ନଭେମ୍ବର ୨୦୧୩ ମସିହାରେ ସୈଫଙ୍କୁ ହାର୍ଟ ଆଟାକ୍ ଆସିଥିଲା ଓ ତାଙ୍କ ହୃହୟରେ ମାୟୋକାର୍ଡିଆଲ ଇନ୍ଫାରକେସନ ହୋଇଥିଲା । ଏବେ ସେ ସୁସ୍ଥ ଜୀବନ ଯାପନ କରୁଛନ୍ତି ।

ପ୍ଲେ ବ୍ୟାକ ସିଙ୍ଗର କୃଷ୍ଣକୁମାର କୁନ୍ନାଥ ଅବା କେକେ (KK) ଙ୍କ କଥା ପ୍ରାୟ କାହାକୁ ଅଛପା ନଥିବା । ମେ ୩୧ ତାରିଖ ୨୦୨୨ ମସିହାରେ ହୃଦଘାତରେ ପ୍ରାଣ ହରାଇଥିଲେ ସଙ୍ଗୀତ ଜଗତର ଲୋକପ୍ରିୟ କଣ୍ଠଶିଳ୍ପୀ କେକେ । ତାଙ୍କ ହୃଦୟରେ ପ୍ରାୟ ୮୦ ପ୍ରତିଶତ ବ୍ଲୋକେଜ୍ ହୋଇଯାଇଥିଲା ।

ବିଗ୍ ବସ୍ ୧୩ର ବିଜେତା ତଥା ‘ବାଲିକା ବଧୂ’ ଧାରାବାହିକରୁ ଲୋକପ୍ରିୟତା ହାସଲ କରିଥିବା ଅଭିନେତା ତଥା ମଡେଲଙ୍କ ମୃତ୍ୟୁର ସମ୍ବାଦ ପୁରା ସିନେ ଜଗତକୁ ଦୋହଲାଇ ଦେଇଥିଲା । ମାତ୍ର ୪୦ ବର୍ଷରେ ପରଲୋକ ଘଟିଥିବା ସିଦ୍ଧାର୍ଥଙ୍କ ମୃତ୍ୟୁର କାରଣ ମଧ୍ୟ ହୃଦ୍ଘାତ । ୨୦୨୧ ସେପ୍ଟେମ୍ବର ୨ ତାରିଖରେ ସିଦ୍ଧାର୍ଥଙ୍କ ମୃତ୍ୟୁ ହୋଇଥିଲା ।

ରାଜୁ ଶ୍ରୀଭାସ୍ତବ ତଥା ଗଜୋଧର ନାଁରେ ଜଣାଶୁଣା ଥିବା କମେଡିଆନ ତଥା ପଲିଟିସିଆନଙ୍କ ମୃତ୍ୟୁ ମଧ୍ୟ ହୃଦଘାତରେ ହୋଇଥିଲା । ଟ୍ରେଡମିଲ୍ରେ ଦୈଡ଼ୁଥିବାବେଳେ ରାଜୁଙ୍କ ମୃତ୍ୟୁ ହୋଇଥିଲା ।

କନ୍ନଡ ଚଳଚ୍ଚିତ୍ର ଜଗତର ଲୋକପ୍ରିୟ ଅଭିନେତା ପୁନୀତ ରାଜକୁମାର ଅବା ଅପ୍ପୁଙ୍କ ମୃତ୍ୟୁ ମଧ୍ୟ ହୃଦଘାତରେ ହୋଇଥିଲା । ୨୦୨୧ ମସିହା ଅକ୍ଟୋବର ୨୯ରେ ତାଙ୍କର ମୃତ୍ୟୁ ହୋଇଥିଲା । ତାଙ୍କ ମୃତ୍ୟୁରେ ପୁରା ସିନେ ଜଗତରେ ଶୋକର ଛାୟା ଖେଳିଯାଇଥିଲା ।

ନବେ ଦଶକର ଅଭିନେତ୍ରୀ ସାଏରା ବାନୁଙ୍କୁ ୨୦୨୧ ପ୍ଟେମ୍ବରେ ସାମାନ୍ୟ ହୃଦଘାତ ଆସିଥିଲା । ତେବେ ଏବେ ସେ ସୁସ୍ଥ ଜୀବନ ଜାପନ କରୁଛନ୍ତି ।