ବଲିଉଡ ଲଭ ଷ୍ଟୋରି; କିଏ ପ୍ରେମ ପାଇଁ ବଦଳାଇଲେ ଧର୍ମ ତ କିଏ ଲେଖିଥିଲେ ରକ୍ତରେ ଚିଠି
Bollywood Love Story: ଆଜି ଭାଲେଣ୍ଟାଇନ୍ ଡେ। ପ୍ରେମ ପାଇଁ ଦିନଟି। ଆଉ ପ୍ରେମ ମାମଲାରେ ବଲିଉଡରେ ସେଲିବ୍ରିଟି ବି ପଛରେ ନାହାଁନ୍ତି। କିଛି ସେଲିବ୍ରିଟି ପ୍ରେମରେ ଫେଲ୍ ମାରିଛନ୍ତି ତ ଆଉ କିଛି ପ୍ରେମ ପାଇଁ ନିଜ ଧର୍ମ ମଧ୍ୟ ବଦଳିଦେଇଛନ୍ତି। ଆସନ୍ତୁ ଜାଣିବା ଏହି ସେଲିବ୍ରିଟିଙ୍କ ବିଷୟରେ...
ବଲିଉଡର ହିମ୍ୟାନ ଧର୍ମେନ୍ଦ୍ର ଏବଂ ହେମା ମଳିନୀଙ୍କ ପ୍ରେମ କାହାଣୀ ବିଷୟରେ ଅନେକ ଲୋକ ଜାଣିନାହାଁନ୍ତି। ହେମା ମାଳିନୀଙ୍କୁ ତାଙ୍କର ଦ୍ୱିତୀୟ ପତ୍ନୀ କରିବା ପାଇଁ ଧର୍ମେନ୍ଦ୍ର ଅନେକ ସମସ୍ୟା ଦେଇ ଗତି କରିଥିଲେ। ଏପରିକି ସେ ବିବାହ ପାଇଁ ଇସଲାମ ଧର୍ମ ମଧ୍ୟ ଗ୍ରହଣ କରିଥିଲେ। ୧୯୮୦ରେ ଉଭୟ ବିବାହ କରିଥିଲେ। ଦ୍ୱିତୀୟ ବିବାହ ପାଇଁ ସେ ତାଙ୍କର ପ୍ରଥମ ପତ୍ନୀ ପ୍ରକାଶ କୌରଙ୍କୁ ଛାଡ଼ପତ୍ର ଦେଇ ନ ଥିବାରୁ ତାଙ୍କୁ ଇସଲାମ ଧର୍ମ ଗ୍ରହଣ କରିବାକୁ ପଡ଼ିଥିଲା।
ଦୀପିକା ପାଦୁକୋନ ଏବଂ ରଣବୀର କପୁର ପରସ୍ପରକୁ ଏତେ ପ୍ରେମ କରୁଥିଲେ ଯେ ମିଡ଼ିଆ ସାମ୍ନାରେ ନିଜ ପ୍ରେମ ପ୍ରକାଶ କରିବାକୁ ପଛ ଘୁଞ୍ଚା ଦେଉନଥିଲେ, ହେଲେ ଏହି ଯୋଡିଙ୍କ ପ୍ରେମ ସମ୍ପର୍କ ବେଶୀ ଦିନ ଚାଲିପାରିନଥିଲା। ଦୁଇଜଣଙ୍କ ବ୍ରେକଅପ୍ ହୋଇଯାଇଥିଲା। ଏବେ ଦୀପିକା ରଣବୀର ସିଂହଙ୍କ ସହ ନିଜ ଜୀବନରେ ଖୁସିଥିବା ବେଳେ ଆଲିଆ ଭଟ୍ଟଙ୍କ ସହ ନିଜ ବୈବାହିକ ଜୀବନ ସୁଖ ଶାନ୍ତିରେ ବିତାଉଛନ୍ତି ରଣବୀର କପୁର।
କରୀନା କପୁର ବଲିଉଡର କ୍ୟୁଟ ଅଭିନେତା ଶାହିଦ କପୁରଙ୍କୁ ପ୍ରାୟ ୫ ବର୍ଷ ପାଇଁ ଡେଟ କରିଥିଲେ। ଦୁହେଁ ଏକାଠି ଅନେକ ଫିଲ୍ମ କରିଥିଲେ। କରୀନା, ଶାହିଦଙ୍କୁ ପାଇଁ ଏତେ ପାଗଳ ଥିଲେ ଯେ ସେ ତାଙ୍କ ପାଇଁ ସବୁଦିନ ପାଇଁ ନନ୍-ଭେଜ ଖାଦ୍ୟ ଖାଇବା ଛାଡ଼ିଦେଇଥିଲେ। ଶାହିଦ ଜଣେ ଶାକାହାରୀ ଥିଲେ ଏବଂ ଏହି କାରଣରୁ କରୀନା ମଧ୍ୟ ନନ୍-ଭେଜ ଖାଉ ନଥିଲେ। ଉଭୟଙ୍କ ବ୍ରେକଅପ୍ ସେମାନଙ୍କ ପ୍ରଶଂସକଙ୍କ ହୃଦୟ ଭାଙ୍ଗି ଦେଇଥିଲା।
