ମହାଦେବଙ୍କ ପ୍ରେମରେ ସାରା ଅଲ୍ଲୀ ଖାନ୍: ଲୋକେ କହିଲେ ମୁସଲମାନ

ସୈଫ୍ ଅଲି ଖାନ ଓ ଅମୃତା ସିଂଙ୍କ ଝିଅ ସାରା ଅଲି ଖାନ ଅନେକ ସମୟରେ ମନ୍ଦିରକୁ ପ୍ରଭୁଙ୍କ ଦର୍ଶନ ପାଇଁ ଯାଆନ୍ତି । ଭଗବାନ ଶିବଙ୍କ ଉପରେ ତାଙ୍କର ଅଦମ୍ୟ ବିଶ୍ୱାସ ରହିଛି। ଏହି ଅଭିନେତ୍ରୀ ମହାଶିବରାତ୍ରୀ ସମୟରେ ଭକ୍ତି ଭାବନାରେ ଶିବଙ୍କ ପୂଜା କରୁଥିବାର ନଜର ଆସିଥିଲେ । ଯାହା ସୋସିଆଲ ମିଡିଆରେ ଭାଇରାଲ୍ ହେଉଛି ।

ସାରା ଅଲି ଖାନଙ୍କ ଫଟୋ ଦେଖିବା ପରେ ସମସ୍ତେ ବିଭିନ୍ନ ପ୍ରକାରର ପ୍ରତିକ୍ରିୟା ଦେବାରେ ଲାଗିଛନ୍ତି । ଫଟୋରେ କୌଣସି ସେଲିବ୍ରେଟି ନୁହେଁ ବରଂ ଜଣେ ସାଧାରଣ ମହିଳାଙ୍କ ପରି ଲାଗୁଛନ୍ତି ଅଭିନେତ୍ରୀ ।

କୁହାଯାଉଛି ଯେ ଏହି ଫଟୋ କେଦାରନାଥରେ ଉଠାଇଛନ୍ତି ଅଭିନେତ୍ରୀ । ସାରାଙ୍କ ଫଟୋରେ ଜଣେ ବ୍ୟକ୍ତି କମେଣ୍ଟ ଦେଇ ଲେଖିଛନ୍ତି ଯେ, ମୁଁ ମଧ୍ୟ ଜଣେ ମୁସଲମାନ କିନ୍ତୁ ମୋ ସାଥିଙ୍କ ସହ ମୁଁ ମନ୍ଦିର ଓ ଚର୍ଚ୍ଚକୁ ଯାଇଥାଏ । ଅନ୍ୟଜଣେ ଲେଖିଛନ୍ତି, ଆମ ଦେଶର ଏକତା ଏହି ଫଟୋରେ ଦେଖିବାକୁ ମିଳୁଛି । ସେଥିପାଇଁ ମୁଁ ମୋ ଦେଶକୁ ଭଲପାଏ ।

ସେହିପରି ଅନ୍ୟଜଣେ ବ୍ୟକ୍ତି ଲେଖିଛନ୍ତି ଯେ, ଯଦି ଆପଣ ଭଗବାନଙ୍କୁ ଭକ୍ତି କରୁଛନ୍ତି ତାହେଲେ ନାମ ପରିବର୍ତ୍ତନ କର । ସେହିପରି ଅନ୍ୟ ଜଣେ ବ୍ୟକ୍ତି ଲେଖିଛନ୍ତି ଯେ,  ଆପଣ ମୁସଲମାନ ହୋଇ ମନ୍ଦିରକୁ ଯାଉଛନ୍ତି କାହିଁକି ? ଆଉ ଏକ କମେଣ୍ଟରେ ଦେଖିବାକୁ ମିଳିଛି ଯେ,  ସାରାଙ୍କୁ ଉପଦେଶ ଦେଇ ଜଣେ ବ୍ୟକ୍ତି କହିଛନ୍ତି ଆପଣ ଇସଲାମ ଧର୍ମ ପାଳନ କରନ୍ତୁ ।

୨୭ ବର୍ଷୀୟ ସାରା ପୂର୍ବରୁ ମଧ୍ୟ ଅନେକ ମନ୍ଦିର ଯାଇଥିବା ସୂଚନା ରହିଛି । ତେବେ ସାରା ଲୋକଙ୍କ କମେଣ୍ଟ ଓ ଟ୍ରୋଲକୁ ଖାତିର ନକରି ନିଜ ହିସାବରେ ଜୀବନ ଅତିବାହିତ କରୁଛନ୍ତି ।

ଅପଲୋଡ କରିଥିବା ଫଟୋରେ ସାରା କ୍ୟାପସନ ଦେଇଛନ୍ତି ଯେ, 'ଜୟ ଭୋଲେନାଥ' । ତେବେ ଆପଣଙ୍କୁ ସୂଚନା ଦେବାକୁ ଚାହିଁବୁ ଯେ, ସାରାଙ୍କ ଡେବ୍ୟୁ ଫିଲ୍ମର ନାଁ ମଧ୍ୟ 'କେଦାରନାଥ'